عشقتك وعشقي لك مرجله وعناد وقلبي اسير لك في الحب والشوق

الرابع والخمسون

مر سبوع نفس الاحداث ماتغير شي وبهساعه تطمنو على ذوق ونقلوها لغرفه تنويم ويومين ويطلعونها للبيت لان حالتها استقرت وهي رفضت تجلس بالمستشفى والكل جاء وزارها وتحمد لها على السلامه قال الدكتور كيفك ي جميله وكيف تحسين هزت ذوق براسها براسها حمدلله احسن ابتسم الدكتور قال شطوره انتي قويه ي حلوه خليك كذا قويه دائمآ ناظر فيه فهد قال نعم حلوه جميله وش بقى بعد كلام عندك قوله نسمعك والله ضحكو العيال قال مسلط فهيد ماهو وقتك لاتنسى دكتور ترا قال فهد وش تقصد انا منبهر بكلامه والله ويخز الدكتور ناظر فيه سطام قال واضح عليك الغيره الي نشم ريحتها واصله لهنيا ناظرت ذوق في فهد وضحكت ورجعت قالت مشكور دكتور انت ساعدتتني واهتميت فيني لحد هاليوم ماقصرت والله وشكرًا على كلامك الحلو ماتقصر وتبتسم لدكتورناظر فيها فهد باستغراب قال نعم ماسمعت عيدي وانا وش رجل كرسي هنيا اي صح ماهتميت فيك ولا سويت شي لا كثر الله خيري كنت نايم وتو صحيت وجيت بشوف وش احوالك هاه طمنيني عنك ي جميله ويقلد الدكتور ضحكو كلهم قال ابو محمد ي عنيد غيرتك واضحه وعادي ذوق حلوه وجميله ويضحكون ضحك الدكتور قال عن اذنكم وسيد فهد لاتخاف ومالها داعي الغيره مجرد دكتور ومريضته ويقوي من معنويات مرضاه بالتعزيز والتشجيع على انهم يتخطون مصايبهم سوى بحياتهم ولا بمرضهم وطلع فهد قال حمدلله والشكر اي واضح عليك دكتور وجلس ابتسمت له ذوق وخزها وعطاها ذيك النضره الي تقول هين اوريك تتميلحين قدامه والكلام المعسول تتندمين علاه بعدين 😩 جت ورد وجلست عنده قالت فهود والله ماله داعي تغار عادي وشوف حرمتك من شافها مايقدر يمسك لسانه لو قلت لها انا من هالكلام تتغار بعد عصب فهد وقام وطلع ضحكت ورد وجلست بحضن ذوق قالت فرقاء طامعه هالمكان مانوى يقوم بس حمدلله بالاخير قام تبين صراحه الله يعينك علاه بالمستقبل ضحكت ذوق قالت عادي غيرته عسل والله لايحرمني منه ولا من غيرته شفتي وشلون حلو وهو غيران بهمس بينها وبين ورد ضحكت ورد قالت اي شفته وفهمتي معنا ذيك النظره ترا فيها حساب اقولك من هالحين لان كثير عطانيها ولا فهمتها وابشرك انصلخت بعدها وعرفت معناها وتضحك قالت ذوق لا ان شاءالله فهود حبيبي عادي انتي بس انا عنده ماهو بعايدي ناظرت ورد فيها وقامت قالت تف 😭ضحكت ذوق قالت عليك وتف مرتين 😭 ضحك  ابو ناصر قال  يلا خلونا نرجع تطمنى على ورعتنا خلاص ومسح على راس ذوق وراحو ذوق تناظر يم الباب تبي تشوف فهد وان راح قالت اوف هذا قلبها جد مزحنا ياخي وشوله هالحركات ودعايات الغيره وانا غيران  رجل غيور اوف فهد جاء سمعها تتحلطم عليه وضحك وتكى على الباب من برا يسمعها وهي  اوف منه و تتقوم صاحت وجلست على طول لانها فزت بسرعه ونست جرحها وانه توه فز فهد ودخل قال ذوق وناظر فيها على وين وهو معصب ناظرت فيه ذوق 🥺وعيونها دمعت قالت بمشي احس رجولي خدرانه من المسدح والقعده لاروحه ولا جيه عصب وجلسها قال توك مابريتي على شان تنطنطين منا ومناك سكتت ذوق ودنكت ماتبيه يشوف دموعها انتبه لها فهد وجلس بجنبها قال اسف لفت وجهها عنه وهي عاضه على شفايفها على شان ماتبكي ماسكه العبره ابتسم فهد ولف وجهها يمه قال وش زعلتي مني هزت ذوق براسها لا قال الا والله زعلتي ولا ماكانت الدمعه بعينك قالت ذوق طيب ليش تعصب علي قال ي عمري وفديت هالوجهه الي يبي يبكي بس حلوه بكل حالاتك تضحكين ولا تبكين مدودهتني بكل حالاتك بس والله عصبت من خوفي عليك طيب هاه ويبوس راسها اسف ضحكت ذوق وغمضت ومسحت دموعها قالت فهد احس بعتب نفسيتي تعبت والله ماقدر اجلس ومامشي وانت زعلت ورحت وخليتني قال فهد افا اروح واخلي قلبي وهو انا مجنون اقدر اعيش بدون هالقلب وروح اجل قولي لي وشلون بعيش ابتسمت ذوق ومسكت يدينه قالت احبكك ناظر فيها فهد ورافع حاجبه قال وشلون ماسمعت وش قلتي يوه وش صار فيني ماعاد اسمع ويبتسم لها ضحكت ذوق وضربته بيدها على كتفه قالت لاتستهبل الا سمعت ولا اذا ماسمعت هذي مشكلتك عاد ان ماسمعت ولو مهتم كان سمعت ولفت وجهها عنه قام وقرب شوي وجلس وركبته على فخوذها ولف وجهها يمه قال سمعت الي قلتيه بس الاولى ماهي محسوبه ولاهي كانت محسوبه ولاكنت مستعد يوم قلتيها ولا سمعتها زين ولا كنت منتبه لها أصلًا لان ماطرى لي اسمعها منك بهالوقت تعرفين غصب اسمعها منك ومثل المره تقولينها لي وهالحين ابيها تقوليها مره ثانيه لان اشتعلت احاسيسي من كل النواحي هاه اسمعك ويقرب اذنه منها استحت ذوق قالت احب ناظر فيها اي تحبين من وهو قريب منها حيل ضحكت ذوق وبعدتت وجهها عنه ودفته بيدها على صدره وبعد عنها  شوي قالت والله اجل اسمع الا بقول لك كنت احب واحد ينقال عنه على ماظن العنيد والله نسيت وش ينقال عنه بالتحديد المهم اسمع ناظر فيها فهد باستغراب قال والله يهنياله والله ضحكت ذوق قالت اي اسمع اوف حبه ياهو احرق روحي بحبه وانكتبت باسمه بالله عليك ماهو ماعنده احساس عيب والله يسرق قلب احد ولا بدون اي حقوق كذا صدفه شفته وكذا صدفه حبيته بس تخيل وش أكتشفت عنه قال فهد هئه وش اكتشفتي ويبتسم يناظر فيها قالت للاسف طلع رجل غيور 😖🤭ناظر فيها فهد قال اجل ان كان عنده حبيبه نفسك مايلام خليه يغار لاتلومينه ولا تنسين بعد انتي حبيه اكثر بعد واهتمي فيه ويبي يقوم مسكته ذوق قالت لا ماتروح ابي اكمل لك عن حبيبي قال فهد وش كان تحبينه كان قلتي كان ولا طلع رجل غيور الله يهنيك فيه اجل وماحد نسى كلامك وتبسمك لدكتور قبل شوي و للحين تذكري تتعاقبين عنده سامعه ناظرت فيه ذوق وصفقت بيدينها قالت شفت وهذا الي اتكلم عنه رجل غيور واي كنت احبه بس هالحين ماهو احبه وبس ناظر فيها فهد قال وش غير هالحب تغير صح ضحكت قالت لا ماتغير ومستحيل يتغير وثابت بهالروح ومغروس بعماق قلبي وصدق الا قول اني اعشقه واعشق حتى اسمه وطاريه يبختي فيه نعنبو حيهه ابك احبه وحيل احبه بعد اسمع اسمه الي هو اسمه يفز له قلبي شفت طلع حرامي وماهو بهين يبي له سجن  وعقاب بعد  وبرفع علاه قضيه وتبتسم له ضحك فهد ولف وجهه عنها على شان ذوق ماتشوفه يضحك من كلامها قالت ذوق اي ماسالت عن اسمه من قال فهد قلتي العنيد قالت ذوق اي هو العنيد صح بس اسمه الي انا احبه حيل اسمه اسمه وتناظر فيه وتضحك تنهد فهد قال يارب رحمتك صبرني لاقوم بجريمه فيها هالحين ضحكت ذوق قالت طيب لاتعصب اسمه فهد شوف وشحلو اسمه حتى ناظر فيها فهد قال اول شي عادي متعود على السجن وعذابه بعد يعني ماهو بجديد يمر علي حتى اسمه ماهو انسجن فيه من جديد وعلى شان خاطر هالعيون مستعد حتى بزلازاله يسجنوني فيها بانواع العذاب اقبله بدون يرف لي جفن المهم تبقين لي فاهمه ضحكت ذوق قالت بسم الله عليك اي بس سجنك ماهو بسجنهم لا هنيا ومسكت يده قالت هاليد مقيده بيدي  وحطتت يدها الثانيه على قلبها و هنيا سجنك ومحكوم عليك لي للابد هذا هو سجن ذوق ولا تنسى انا ذوق من ذوق فهد ابتسم فهد وناظر فيها قال يبنت خلاص اقضبي لسانك لاوالله مايعجبك الي يبي يجيك ان كملتي كلامك بالزور ماسك حالي ولا تتميلحين اكثر وقفي خلاص لانه ماهو بنافعك التميلح هذه ناظرت فيه ذوق قالت ببراءة وش يبي يجيني مثلًا وليه ماسك حالك بالزور لاتتمنن علي فاهم عادي ورني وش تقدر تسوي مانت بقد ذوق جلس فهد وقرب ورافع حجاجه ومسوي معصب قال ذوق لاتسوين هالحركات وقبل تسوينها تذكري حنا وين ويشر لها بالمكان وش نهايه هالتميلح وهالكلام ولالا اقولك  خليها دين ضحكت ذوق قالت والله ومتى تتصفي حساباتك ي عنيد قال فهد لو اقول هالايام ماقدر الا تصدقين افكر بعد الزواج 😉وغمز لها والدين مسجل عندي ومحفوظ وانتي كثري وبعدين لاتلوميني لومي نفسك نفس ذيك المره تتميلحين وتتدلعين ونهايه التميلح والدلع وين بحضني وتجين وقتها وتقولين انت السبب وتلوميني شوفي هالحين من السبب هاه تذكري زين قبل تلومين احد على الي يصير اي انا مشاعري ماسيطر علاها وتتحرك ان جيتك وقربت منك  ولا 🫣 شهقت ذوق وقاطعته قبل يكمل قالت فهد لا مايوصل معك التفكير لهذاة الحد قام فهد  ولف يمها قال ابشرك وصل وتعداه بعد وانتبهي من هالحركات وضحك وطلع قال بينه وبين نفسه ياربي من هالمجنونه واضح تتجنني من هالحين هذا وحنا ماتزوجنا ويضحك وشافها حاطه يدينها على وجهها وراح ذوق حطتت يدينها على وجهها قالت ياربي لساني دايم متبري مني والله تستاهلين ي ذوق والله صدق ماتستحين ووراك ماتفكرين قبل كل حرف تقولينه يفضحي هو قصده هناك وانا قصدي يصيح مني بزاويه 😭وانسدحت وتغطتت بالحاف من خجلها لانها مافهمت الامور الا بعد ماتعدتت اطورها ولا تحاول توصل الامور بتهور🫣😭💔نرجع عند الاهل يجهوز لطلوع ذوق قال ابو ضاحي بعد ماتطلع ذوق خلونا نروح ندور ذبايح للعرس قال سلطان جدي العروس الثانيه تعبانه خلونا نجله قال ابو ناصر العروس على قولتك قدامها شهر كامل يعني منه للعرس امدي مافيها الا العافيه والله عيب حنا عزمنا وجهزنا وحددنا العرس على اساس نهايه الشهر الجاي والعرس يبي يسواء الا اذا فهد وذوق عندهم راي سكت سلطان وجلسو سوالف عن العرس والتجهيزات عند ورد وفجر والبنات والامهات متربعين عند الجده بالصاله والي تسوي صنافر والي تسوي تنضيف ومشغولين قالت ريماس منه للعرس نسوي تنضيف بدون مشاغل وغيره احسن لنا والله قالت ورد اتفق معك اول مره طلع شي صح من هالسان المر ي الهامل صدق 😭شهقت ريماس قالت من الهامل انا قالت دلع حمدلله شهدتتي على نفسك وانتي جبتيها لنفسك قلتي من الهامل انا يعني بكامل رضاك قلتيها انك هامل وضحك عليها وكل الي بالصاله ضحك عليهم وعلى مناقراتهم جت بدريه ولابسه قميص من ملابس حصه ميد وعلاقي خفيف مره قالت يوه بنات تحسست حسبي الله عليكم ي ورد وفجر وافنان وش سويت لكم وش يشيل هالحساسيه هالحين يمه جده عمه وش السواه ولا مغير يبلعن بهالاكل قالت ام سلطان لاتحكينه حطي ثلج قالو ليش ثلج قالت محسسه قالت ام سلطان على شأن مايطلع للحساسيه اثر وهي تحك تتجرح واحسن لها الحل هذا لين تروح وتشتري كريم حساسيه لان اليوم مافيه احد بيروح لسوق قالت ريماس اجل روحي انبطحي بالفريزر احسن لك من هالحلول وهنا ماتو ضحك من الحل حقها قالت افنان لاتتحسبين علانا خير اكلين من خير ابوك حنا ضحكو فجر ورد قالو كفو يلا فارقي خزتهم بدريه وراحت للمطبخ قالت حصه تعالي برواح معها ولحقتها وطلعت ثلج وجلست تمرر الثلج على جسمها وتدعي على ورد وفجر 😭💔😂هم الي ورطوها ولا هي من قبل ماتستخدم هالاشياء ولا بشرتها متعوده عليها وعادي عند ورد تتقبل كل شي خير شر المهم تضحك وتذب بالرايح والجاي 😭وهذا الي مخلي الكل يحبها هالبنت طويلت البال وصدرها وسيع 🥺♥️🫶🏻قالت حصه حرام عليك لاتدعين علاهم قالت بدريه شوفي وش ذنبي افر وافر بالاسواق والمتاجر على شان هالفستان وشوفي كيف بالبسه وانا كذا جسمي مبقع حبوب وتتحلطم قالت حصه اجل بروح ادور لك عند العيال كريم حساسيه اكييد عندهم هزت بدريه براسها اي طيب وراحت حصه بدريه مقهوره قالت أن شاءالله جعل يارب جسمكم جدر واحد حبوب حقيرات ضحكو علي ولا انا لو قاعده على وضعي احسن لي وتتحلطم وتدعي دخل سطام : عمه اسقيني بروح عجلي علي بدريه تجمدتت ماتحركت وتقول بسم الله بسم لله 😭😂قال سطام نعم بسم الله وش شايفتني جني قومي عجلي علي غمضت بدريه وعلى وضعها جالسه وتتعوذ هي تخاف منه سطام دايم معصب ومعقد حواجبه بس هو خلقه حواجبه كذا كنه معصب تنهد و جاء وقف وراها قال ساعه اهرجك وراك ماتردين وش طرشى ولف وجاء وقف قدامها ماتسمعين وقطع كلامه انصدم ويناظر فيها وهي مغمضه عيونها وتفرك بيدينها من التوتر وتقرا المعوذات 😭ضرب بيده على الطاوله فتحت عيونها وقفت قدامه قالت آسفه والله كنت خايفه منك ناظر فيها قال وشوله الخوف ماني باكلك ترا هزت براسها اي سطام واقف وكان عيونه تنتظرها على شان تتاملها ويناظر بيدينها وصدرها وبوجهها قال وش هذا لفت عنه بدريه قالت روح تكفى عمه حصه تتجي ولا يجي احد من الملقف هالحين ويقفون لي علاها ابتسم سطام قال طيب بروح بس ماقلتي لي وش هذا قالت حساسيه وعاديه على شان استخدمت منضفات جسم كذا صار وهي ماشالت عيونها من الارض قال لا ماهو بعادي ولا عاد تستخدمين اشياء تضر بشرتك بشرتك ماتحتاج هالمنضفات من الله حلوه بس هاك فيه بدرج السياره كيس فيه علاجات وفيه كريم حساسيه اخذيه هزت براسها طيب ومدتت يدها تتاخذ المفتاح وطاح شهقت قالت اسفه ماركزت ناظر فيها وابتسم ابتسامه خفيفه واخذ المفتاح من الارض ونزل المفتاح لها على الطاوله ولف يبي يطلع قالت هيه اسمع وقف سطام ولف لها قال وش ويناظر يم الباب ويناظر فيها قالت جيت تبي ماء صح قال خلاص مالله عطانا قالت بدريه لا والله الا تشرب دقيقه واخذت له مويه وهي ترجف ومدتته له ناظر سطام بيدها وبالكوب وضحك قال علامك ترجفين قالت لا مافيني شي قال للحين خايفه بس ماني بمسوي لك شي ترا لهدرجه انا اخوف قالت لا مو قصدي تخوف بس كذا سكت سطام واخذ منها المويه وهي تتهج قال لحظه وقفت وهي معطيته ظهرها قالت وش فيه بعد قال انتي بدريه صح ولا انا غلطان لفت يمه وهي موسعه عيونها ومتبلده ماردتت علاه لانها خافت منه ان عرف انها بدريه ماهو بس هي الي تخاف منه كلهن يخافن منه جت ورد شهقت قالت سطام بدريه وتناظر فيهم وتضحك دفتها بدريه وهجت سطام تلعثم ونزل كوب المويه حتى ماشرب وهج ضحكت ورد وراحت ركض لصاله قالت وين بدريه قالو ماجت ليش ضحكت وفرت البيت كله تدورها جت حصه قالت وين بدريه خابرتها جالسه بالمطبخ جيت ولا لقيتها ورد تطق علاها وهي مقفله علاها غرفه حصه قالت ورد افتحي امانه وتضحك بدريه من حياها حاضنه المخده وحاطه وجهها بالمخده قالت اوف وش فيني خفت منه عاد مايخوف يمه قلبي يهب ياهو وتناظر بيدها بالمفتاح ابتسمت ورد رجعت لصاله قالت جده وين مفاتيح جدي المجموعه بسرعه قامو البنات خواتها قالو علامها بدريه وش فيها قالت ورد لاتتدخلون فينا عليكم الله تقعدون ولا تتحركون وتضحك 😭🤭عند سعود جالس يدخن ويكفر تنهد قال اوف ياليت خلي يجي وينور الدار الي فيها قمره بنوره واسرق من يمه النظر واطفئ شوق عيني واريح القلب والروح بشوفت طيفه اخ وش هالحال ياربي ببقى فيه محتار وانتظره ياخوف قلبي ويلوعته ان كان بعد ماجز لي الحبيب مالي فيه نصيب ولا له فيني نصيب يارب ان كان مالنا ببعض نصيب وشلوله علقت قلبونا بحبال الهوى وبسود لياليه اخيه يقو بلواك ي سعود وش كنت تسوي تضحك على فهد وهذا الله بلاك عزالله انك تستاهل ليتك وقتها صديت ولا وقفت له وقام وراح يتمشى ويعاتب حظه سعود الي صعب ينال احد اعجابه طاح في العشق وطاح على وجهه بعد ولا احد سمى علاه وهو كان عابر ولا هو قاصد يتعلق بهالدرب ولاهو بذنبه وكان صدفه والنيه كانت معروف لخوه فهد وماهي بدرب الهوى والعشق بس هالصدفه ذبحته وعلقته في روح عصب ان روحه وروحها تنجمع بروح وحده قسوه الوقت عليهم شينه وصعبه بعد واول فهد وهالحين هو 😔
عند عم ذوق عرفو بالي صار لها وجو معاذ واحمد ومعهم ام الجوهره والجوهرة واميره وام اميره جابهم معه معاذ لان ابو عزام اخذ ابو عمر وراحو قالو عندهم شغل ثلاث شهور ماهم براجعين على بال مايخلصون شغلهم وين ماقالو وين رايحين ولا هم وضحو روحتهم ....
عند فهد جاء باكل لذوق ذوق متفشله وسوت روحها راقده جلس فهد قال ذوق ذوق ماترد واضح رموشها ترف ضحك وقام وجلس بجنبها قال هيه ويضربها بخفه على خدها بنت قومي ذوق ماسكه الضحكه ماتعرف تمثل النومه صح ان احد ناظر بوجهها تبتسم على طول ابتسم فهد قال تقومين ولا اقومك بطريقتي سكتت ذوق قال فهد اجل الخيار لك ولا تبينها من الله ابشري ابها ومسك دقنها بيده ذوق شهقت وفزت قالت هلا صحيت ضحك فهد قال اكلي على شان تاكلين علاجك يلا ابتسمت ذوق وهي ميته خجل ان شافته تتذكر الي صار الصبح وتاكل وهي مسكره عيونها على شان ماتحطها بعيونه ضحك فهد قال علامك قالت لا بس اتامل طعم الاكل لذيذ 😭قال فهد والله وانا طيب  فتحت عيونها وسعتها فيه قال فهد وش قالت ذوق انت وش علامك قال اه اقصد باكل بعد معك  دنكت ذوق قالت بينها وبين نفسها ذوق اسكتي لاعاد تحرجين نفسك اكثر يمه هو يخوف بكلامه واحس يوضح بشي وان فهمت عليه قال تفكيرك وين ياخي والله كلامك يحرف بعقل الواحد 😩🫣ولا انا صدق تطبق علي كلمه غبيه وتناظر فيه ابتسم لها قال وش وجهك احمر ليكون تفكرين بسالفه الصبح ترا ماصار شي ولا راح يصير لاتفكرين وتشغلين بالك انتي بمان الله وبوجهي هزت راسها ذوق لا ماهو صح اكيد ضحك قال اتمنى انك ماتفكرين فيها وخر عنها شوي وجلس جنبها على الكرسي قالت ذوق فهد بنام وانسدحت وعطته ظهره وعاضه بالغطاء وغمضت عيونها حيل متفشله وتفكر طيب وش تفسير كلامه الي يلمح له 😩 ضحك فهد وقام وانسدح من عند رجولها وحط يده تحت راسه ونامو