عشقتك وعشقي لك مرجله وعناد وقلبي اسير لك في الحب والشوق

الواحد والاربعون

عند ام الجوهره والجوهره واميره جالسين برا عند الباب وقهوه وسواليف حلوه قالت الجوهره يمه زوجي ولدك وتضحك هي تلمح لميره قالت امها وليه ماجوزك انتي هاه قالت الجوهره لا مافكر بالزواج ولا راح اتزوج بجلس عله على قلبكم وانتم مجبورين فيني وتحملو بنتكم هذا المنطق وتضحك جاء احمد قال مكانك على الراس وش هالهرج ي الجوهره انتي على راحتك تتزوجين ولا تقعدين عندنا ونشيلك بعيونا ضحكت الجوهره قالت جعلني ماعدمك ي خوي حياك اجلس و هني من تتاخذ من هالحين احسدها عليك ضحك احمد قال الله يكتبها من نصيبي اذكري الله يهب بوجهك الا وشلونك ي اميره عساك طيبه اميره تتموت من خجلها قالت بصوت خفيف مره بخير حمدلله جلس احمد تكى بجنب الجوهره اميره تتقوم مسكتها ام الجوهره قالت اجلسي احمد ماهو غريب عليك ولد عمك وش فيك تنهدتت اميره وناظرت باحمد وعيونه بعيونها وغضت بسرعه عنه وجلست وخرت بجنب ام الجوهره اي صح احمد مربيته ام الجوهره بس هو ولد ضرتها بس ضرتها بعد ماطلقها ابو عزام تزوجت وعطتته عياله وتزوج ام الجوهره على شأن تربيهم وربتهم ماقصرت فيهم وهم يحبونها ويغلونها  زي امهم واكثر المهم قالت ام الجوهره علامك ي احمد وين ابوك قال مدري عنه يمه وسكت قال اقصد خالتي قالت ام الجوهره وليه ماني بامك ضحك احمد حس ام الجوهره اخذت بخاطرها بعد كلامه قام وباس راسها قال سامحيني يمه انسى وقول خالتي واخاف تزعلين ان قلت لك يمه ضحكت الجوهره قالت لا معليك امي اطيب قلب ماتزعل ضحكت ام الجوهره قالت لا هذا الشي مايزعلني بالعكس يفرحني قل لي يمه دايم خلني اسمعها منك قال تسلمين يمه وناظر في اميره احمد قال اميره وش فيك ان كان وجودي مضايقك خلاص اجل ارخصو لي وقام ناظرت فيه اميره قالت لا اجلس ناظرت فيها الجوهره وامها دنكت قالت اقصد معليه اجلس مايضايقني وجودك ضحك احمد قال ابشري بس مشغول بروح ناظرت فيه وكنها تقول تكفى اجلس ماشبعت منك ناظرفيها وضحك واشر لها بعيونه وش فيك هزت براسها لا ضحك وراح اميره خافت التوتر يبين علاها قالت عمه بروح اشرب ماء وهي متوتره وقامت احمد شافها دخلت البيت وراح مع الباب الثاني ودخل وقف على الباب وتكى بكتفه علاه ويضحك وهي تشرب مويه وحاطه يدها على قلبها قال اي وشفيك شرقت بالماء وتكح جاها احمد وضربها بكفه على ظهرها قال اححح صحه صحه ناظرت فيه وسعت عيونها قالت وش تسوي هنيا ماهو رحت قال شفتك دخلتي وجيت مع الباب الثاني قالت وش تبي طيب ناظر فيها قال بس بشوفك ارتبكت اميره قالت بروح مسكها بيدها قال لحظه دنكت قالت وش تبا قل بسرعه قبل احد يجي ويشوفك معي ضحك قال معليك منهم بس لمتى تتخجلين مني او من غيري طول عمرك تتخجلين شوفي الجوهره ماتخجل مثلك قالت لا من قال لك الا تخجل قال بس ماهو بزياده مثلك قالت احمد وش اسوي هذا انا ماقدر اغيره عاده فيني وماقدر اغيره مثل ماتبي ضحك ولفها يمه قال طيب بس معي عادي لاتخجلين غيري براحتك قالت طيب خلني اروح سكت احمد ويناظر فيها وهي زاد توترها وخجلها وراحت حمرا من الخجل ضحك احمد وبس يناظر فيها وهي تحاول تتفلت منه بس قوي ملعون ماقدرت تتفلت منه الجوهره تنادي اميره وينك رحتي ولا جيتي ناظرت اميره يم الباب وفيه قالت احمد ينادوني خلني اروح روح انت بعد لاحد يشوفك وساكت عنده برود ماهو طبيعي جت الجوهره شهقت اميره ودفته يم الدولاب وقفت عند الثلاجه وتضحك قالت الجوهره وش فيك قالت لا بس اشرب مويه انتي ليه هنيا قالت شفتك تاخرتي وقلت اجي اشوف علامك قالت لا خلاص روحي بلحقكك ضحكت الجوهره قالت اه زين زين يلا ورجعت تضحك طلع احمد قال وش فيك شوي وانكشف من توترتك وخوفك هذا تتذبحيني ابه يوم من الايام قالت بسم الله عليك اوف وش اسوي يمه قلبي حسبي على بليسك شوي يوقف خفت تقفطك يلا روح بسرعه قال احمد وش فيك ياخي كذا تغثين وش حلونا اذا جلسنا نسولف زي البشر شهقت وسعت عيونها فيه بكل استغراب قالت اميره والله ضحك قالت اميره وتضحك اجل قم اذلف على شان تعرف زين وشلون اغث احمد فطس ضحك من ردتت فعلها قال لا ماذلف ومسك يديها سحبت يدينها منه قالت عمتي عمتي سكر فمها قال نعنبو حيك وش فيك انهبلتي وش اقول اذا سالتني وش اسوي هنيا وعاد من يفكني من لسان الجوهره ضحكت قالت اجل طلعت خواف يلا روح  قال ماني بخوف اذا تبين انديهم قالت لا ضحك قال زين على شان هالعيون والبسمه الي يرد الروح اوف مزينه من مبسم خجلت اميره قالت يلا باي ضحك وفكها وراح ضحكت اميره ورجعت لهم بخجل قالت ام الجوهره وش فيك تنادين الجوهره عيت تخليني اجيك شوفي شبصت فيني ضحكت الجوهره قالت كنت في مهمه ولله الحمد وتضحك وتناظر في اميره قالت اميره وش فيك قالت الجوهره لا كذا سكتت اميره قالت ام الجرهره وش فيه وجهك قالت لا يمكن على شان شربت مويه بارده قالت الجوهره الله اكبر مويه بارده تسوي كذا ضحكت اميره قالت الي سال عمتي انتي وش يخصك قالت مدري وتغمز لها سكتت اميره نرجع عند الاهل ابو ناصر تعشو وقال لخو ام بندر اسمه ابو عامر قال تباتون عندنا مع هاليل مافيه مسرى قالو طيب مع الصبح نسرح قال ماعندي مشكلة بعد الفطور قال ي ابو ناصر قال الجد ابو ناصر قراري ولا اتراجع عنه سكت ابو عامر قال الي تشوفه ابشر نرجع عند للبنات يتساعدون في المطبخ لان المواعين كثير وهم كذا بكل ضيفه يتساعدون المهم جاء فهد وسطام بالاغراض قال فهد سلام قالو وعليكم السلام هلا قال باقي اغراض قليله بعد شوي نجيبها قالت حصه فهود جبها هالحين على شان نخلص منها بدري البنات يبروحون وماعندي احد جت ذوق مفسحه عن يدينها ورجولها وتنط ترقص ومشغله السماعات بذونها لابسها قميص ميد  ورافعه شعرها ذيل حصان 😭🫣قالت جبت كل شي عند الحريم يلا خلونا يد وحده ونخلصه بدري يمه متراكم لو بدينا فيه من بدري اظن بيخف فهد واقف شافها ودف سطام برا قال خلك عندك ورجع قال وشلون داخله هينا كذا وبهالشكل شهقت ذوق قالت فهد قال لا والله خيال فهد اجل وشلون داخله كذا لو غيري جاء قالت ذوق فهود لاتطقطق وانا وش دراني ان يبي يجي احد قال زين وشلون  حالك كذا  قالت وانت ليش شفت شكلي كذا وتصيح تترجع لصاله ضحك وسحبها عند الفرن قال وعلامه شكلك كذا اي زين خلي نشوفك كذا شكلٍ هذي الحقيقه قالت حمدلله ماتصنع هذي دايم شخصيتي وشكلي الطبيعي قال اي اشهد بالله الشكل الي عشقته جعلني فداه بكل حالاتك حلوه تف تف ماشاءالله ناظرت فيه ذوق قالت يع لاتتفل وش هالقرف يلا فهد روح قال هالحين انا مقرف ويغمز لها ويناظر في شفافها يعني يذكرها والا صدق وين تبيني اروح وانا اشوف القمر داخل البيت برا عتمه اخاف اتعثر واتكسر تعالي نوري علي قالت بسم الله عليك بس انا زعلانه منك لاتهرج معي ولفت عنه ناظر فهد في البنات يضحكون ويتخافتون بينهم ناظرت فيهم ذوق قالت نعم وش مناسبه هالضحك بنادي جدي ضحك نص اليل هزو روسهم لا ويضحكون قال فهد اطلعو برا سكتو وقفو يناظرون في فهد وذوق وذوق معطيته ظهرها مسويه نفسها زعلانه على الي سواه الصباح معها قال فهد طيب خليك صاده انا اوريك اخذت حصه الكبشه الي هي المغرفه حقت الاكل قالت عندنا شغل اطلع وخل عنك هالحركات وانتي وش سوى هالمسكين زعلانه عليه كل شي سواه وتحمله على شانك طلعت بنت اختي ماتستاهل ناظرت فيها ذوق قالت اسالي ولد اخوك وش مسوي لبنت اختك قبل تحكمين علي وهو اكيد عارف وش مسوي ضحك فهد قال اقول وش مسوي ولا ناظرت فيه قالت تقدر تقول  لان ذوق واثقه مستحيل يقول قال فهد اي اقدر اسمعو ويضحك قال الصبح اخذتها صاحت ذوق انصدمت وسكرت فمه ودفته مع الباب وسكرته وحطتت ظهرها على الباب ضحك فهد قال ذوق افتحي الباب احسن ماجيك مع الباب الثاني قالت ذوق لا مستحيل اوعدني ماتقول قال انتي قلتي وتتحدين من فهد فكي قالت لا وفجر منسدحه بالارض ميته ضحك عليهم لان هي وسخه عارفه السالفه وميته ضحك ناظرت فيها ذوق قالت ابلعي لسانك ولا تضحكين والبنات يضحكون مع فجر بس يضحكون من خلاهم بخلاهم مايدرون وش السالفه المهم فهد راح قال سطام وش فيك بغيت تكسر ظهري قال فهد انسى ماش اعذرني وراحو للمجلس وهم مسكو ذوق الا تقول وش صاير بينهم وهي تساعدهم بدون صوت جتها ورد قالت اهرجي قالت ذوق ماعندي شي خلوني اخلص اروح لجده بشبع منها لانها تتروح  بكره 🥺وسكتو البنات عند فهد قال سلطان قال سلطان هلا قال ابي جوالك قال سلطان ليش قال محتاجه عطاه سلطان الجوال اتصل في فجر قالت فجر هلا ب قلبي ضحك فهد قال للاسف ماهو بقلبك الي يتصل انا فهد استحت فجر قالت هلا قال اذا ذوق عندك لاتسمع قالت اه اي اي ضحك قال فهمت عندك اجل اسمعي اخذي ذوق لغرفه عمه حصه وانا جاي قالت فجر اخوي هذي مخاطره قويه قال معلاه على شاني ساعدي اخوك ضحكت قالت اذا كذا طيب بس يويلك تسوي لها شي وسيطر على مشاعرك ماهو مثل فهمت صح قال اي معليه هالمره حريص ماعيدها قالت اذا كذا طيب يلا جت ذوق قالت من قالت فجر ماحد ورجعت لشغلها قالت ذوق الا من قالت من غيره سلطان قالت اه والله داريه كش 😭ناظرت فيها فجر قالت والله طيب نشوف كش تنفعك 😭