عشقتك وعشقي لك مرجله وعناد وقلبي اسير لك في الحب والشوق

95

ام الجوهره قالت اميره تبيك تنتظرك بصاله لها ساعه وش تسوين ضحكت الجوهره يوه نسيتها راحت عن بالي وطلعت وهي ميته خوف ان امها تكمشها وقفت عند الباب تتنهد وحاطه يدها على قلبها قالت لازم هالاوراق توصل لسعود ولا جدي ابو ضاحي بس وشلون خواني مستحيل ماراح  يرضون بهالشي بس لازم اشوف حل صوت اميره تنادي الجوهره وينك ي بنت لي ساعه انتظرك دخنتيها تراك بروح واخليك جت الجوهره وش فيك هاني جيت لاتصيرين كنت مشغوله خلصت شغلي وجيت وخير يطير ناظرت اميره بوجهها تعالي تعالي ومسكتها بيدها ليه احس وجهكك يقول مسوي شي لفت الجوهره وجهها قالت وشوله هالاحساس ماله داعي ولا سويت شي ليه اسوي شي وماقولك مستحيل وتضحك وتبي تتهرب سكتت اميره قالت طيب تعالي بنروح لحصه قالت الجوهره زين يلا وراحت هي واميره لحصه عارضهم احمد قال اميره وقفو اميره والجوهره قالت اميره احمد هلا بروحي ناظرت فيها الجوهره بتعجب وماسكه ضحكتها ابتسم احمد قال يويل حالي طمنيني عنك ي روحي انتي قالت اميره بخير ان شفتك بخير وتضحك انا ابشرك بخير بعدها استغرب احمد من كلام اميره لانها كانت تخجل منه اما هالمره كل شي مختلف قالت الجوهره بسبقك وانتي الحقيني وهجت الجوهره لبيت حصه وهي تضحك قالت اميره وانا وتتهج معها مسكها احمد بيدها قال وين توي شفتك مارتوى نظر عيني بشوفك لسى قالت اميره احمد حنا برا البيت لايشوفنا احد وتتلفت حولها قال احمد خير حرمتي وين الغلط مسكت يدها مو حلالي خلاص قالت اميره ولو عيب عشاني طيب قال ابشري بس لاتروحين خليك شويه بس على الاقل خمس دقايق قالت اميره طيب يلا وترك يدها ابتسم قال قولي لي شخبارتس قالت اميره زانت اخباري بعد شفتك كل شي يزين لاشفت زولك وتضحك وعيونها فيها شعور السعاده ناظر احمد بستغراب فيها قال هذي اميره ولا غيرها كل هالحتسي يطلع منك قالت اميره وش تتوقع مايطلع هالاكلام من شخص عادي ومشتاق ماطلع هالكلام الا من شوقي خلاص مو عاجبك بطقاق قال احمد امزح ي قلبي عليك وشبك اسمعي من قلب وروح مشتاقه يسعدني شعور هالكلام معك احس صوتك يشدني لبحر الهيام ودي اغرق بعيونك لين ماقول خلاص اعتقيني جاء عزام 😭 وقته غلط و قاطعهم قال ياخي بين البيوت وبشارع هالحركات تزوجو وفكونا ببيتكم استر لكم ضحك احمد واميره خجلت من عزام وهجت قال احمد بفهم يعني تتموت لو تاخرت شوي بس ويشر له بيده شوي ضحك عزام قال اي تصدق ولا احلف لك انفاسي معدوده لو تاخرت وما قاطعت كلامكم احس بشعور السعاده ان خربت عليك ويضحك هز راسه احمد قال تعال خل نشوف امي ي النكدي تزوج وفكنا نعيش حياتنا ناظر عزام فيه قال انا النكدي هالحين قم لا واخذ حجاره من الارض وهج منه احمد قال عزام ماجاء الوقت الي القاء فيه البنت الي يحلم فيها قلب عزام توي على هالسوالف واكيد تنتظرني مثل مانتظر الوقت الي يجمعني فيها وقف احمد قال اخس ومنهي عاد احلامكم بالوقت الخطاء لان حنا بالعصر وهذي من احلام العصر يعني مستحيله اغسل يدك ي الخروف قال تنتظرني وميت ضحك قال عزام مالك شغل اذلف ويضحك وكان جوهم حلو نرجع للجده ام ناصر راحت لديوانيه لبو ضاحي وابو ناصر وسلمت عليهم وردو السلام ابو ناصر هلا ي ام ناصر وش عندتس جايه ناظرت بحزن الجده ببو ناصر قالت عيالي طولو ي ابو ناصر وماهو بحال لهم مده  ولا جانا عنهم اخبار وش صاير معهم قل وريحني وانت ي ابو ضاحي وش قولك في فهد ماهو امانتكم وشوله هالوقت كله قام ابو ضاحي وقف قال لاتزيدينها علي وانا اخوتس الي فيني مكفيني ماهو بس عيالكم حتى عيالي معهم فهد وسعود والنوم جافا عيوني وانا افكر فيهم اكلو شربو لا ليلي ليل ولا نهاري نهار لاتجين وتزيدينها ناظر ابو ناصر بم ناصر بنظراته الحاده وكلها شرار ناظرت فيه ام ناصر وسكت ام ناصر قال ابو ناصر وانا اخوك ام ناصر ماتقصد من غلاهم عندها لاتنسى ماغلى من الولد الا ولد الولد وهم عيالها بعد فقلبها شاعل نار وعشان كذا قالت الي قالته قال ابو ضاحي ادري يابو ناصر لاكن سكوتي ماهو بني راضي بالي صار معهم هم ابد مايسمعون مني عنيدين ويسوون الي بروسهم ياما نصحتهم وياما قلت لهم ي عيالي فكرو بالشي قبل لاتقولونه وتسوونه بس مامنهم الي سمع سكتو ابو ناصر وام ناصر قال ابو ناصر تنحل وانا اخوك بكل تاخيره خيره معليه جلس ابو ضاحي وسكتو وام ناصر رجعت لبيتها عند سلطان قرر الرجوع ماتحمل وقرر الرجعه خلاص تعافى وقال لدكتور يقدر يكمل الباقي هناك عنده بمستشفى بالديره قال اي تقدر بس يكون بمستشفى واصلن مابقى شي خلاص رجع مثل اول واحسن وفرحت مسلط مالها حدود قال بعد سبوع نرجع قال سلطان قلبي مشغول لاسطام ولا فهد يردون علي ياكثر ماتصلت ولا احد يرد اكيد فيهم شي احساس يشينه ي مسلط اشهد متسلط بكياني احس فيهم شي وانا احساسي بهالثنين ولا عمره خاب قال مسلط سلطان اكيد مافيهم الا العافيه ولا يهمك ياخوي اصبر وقال بخاطره وانا ي سلطان مستحيل اتصل ولا يردون علي ماهقيت يشوفون اتصالاتنا ولا يردون وجوالاتهم مقفله وش فيهم ي ترا وجدي بكل يوم عذر ماعاد اعذاره تنفع وترضي الخاطر قال سلطان مسلط تعال جاء مسلط قال سم ي عين اخوك ابتسم سلطان قال تسلم عطني هالعصى قال مسلط وشوله هالعصى عندك كتف اخوك وتحتاجها ويضرب بيده على كتفه ضحك سلطان قال ضايق وبمشي شوي قال مسلط ابشر يلا عطني يدك واخذ سلطان بيده ناظر فيه سلطان قال تعال نجلس هنيا في هالممر ناظر فيه مسلط قال ماقلت تتمشى علامك ليش بتجلس قال عندي لك سالفه جلسو قال مسلط وش عندك ابتسم سلطان قال من اخذ عقلك لي مده اشوفك تسرح وتفكر ولا انت بيمي ان سولفت لك ابتسم مسلط قال لا وش بيكون فيه بروح اجيب ماء وبجي مسكه سلطان قال انت رابي على هاليد لاتتهرب من سوالي قل لي مشتاق لديره ولا لقمرها ضحك مسلط قال وش تقصد قال الي اقصده سمعت سوالف ذاك اليله مشتاق خطيبتك ولا لمي ولا لبوي ولا ؟ ويضحك خجل مسلط من اخوه قال وش قاعد تقول مامنها الصح صح مشتاق لديره بس ماوصلت لمرحلة اشتاق لحد معين أكيد للكل متشاق جدي جده امي ابوي قاطعه وضحك سلطان قال لا وصلت وبيني وبينك تعديتها لاتعلمني فيك قلي لاتخبي بداخلك تنهد مسلط قال قلت لك انت تهذري مامنها الصح كل علومك ويتصدد بوجهه ويكابر ضحك سلطان قال زين زين صدقت قم رجعني للغرفه قام مسلط وهو يتهرب بنظراته وسلطان يضحك ومبسوط لانه خجله قال مسلط لاتضحك قال سلطان زين يلا نرجع لبو نادر تهاوش مع الي اتفق معه ابو عزام وضربه وصارت هوشه بالشارع كان يمشي وشافه اشر له يوقف بس ماوقف وكمل طريقه ابو نادر مايتحمل احد يطنشه حده على جنب الطريق ومسكه وضربه طلبو الشرطه واخذوه هو والي معه 💔😣 ابو نادر معليه المهم يبرد خاطره فيه قال انا اوريك لو جيت بالعلوم الطيبه ماجاك كل ذا قال الشرطي خلاص تعبت منكم لانتم ولا عيالكم كل شوي سالفه لي حياتي الخاصه بعيشها مو انشغل فيكم وفي حياتكم اللهم صبرك ياروح 😭