عشقتك وعشقي لك مرجله وعناد وقلبي اسير لك في الحب والشوق

80

عند ابو عزام وصل للمستشفى عند سعود الا فهد واقف على الباب يكلم ابو عزام شافه ولف شوي ورا الجدار على شان فهد مايشوفه راح فهد دخل ابو عزام عند سعود سعود شافه وفز قال انت قال ابو عزام اي انا جيت اباك بكلمتين وامشي اسمعني ان ماتت بنتي بسببك اعتبر روحك معها ماراح ارحم احد يتسبب بموت بنتي انا ماني بمثل عمك ابو ناصر ذبح بنته وخلاني لاميت ولا حي بس انا عكسه ماني اناني انتظر لين بنتي تموت لا عكسه بتمام الجوهره تحبك وانا داري ودريت بالموضوع وعلى شان كذا زوجتها بدون علمها لانك عدوي وبحرق روحك مثل ماحرقتو روحي بنفس الطريقه جدك ترجيته وتوسلت له حتى عند رجوله نزلت بس ماعبرني ولا عبر حرقتي على مزون وانا من عرفت عن الحب الي بينك وبينها قلت خلهم يجربون الحرقه الي حرقوني ابها جلس سعود قال يعني كنت تعرف عن هالحب واحرقته بدون رحمه بنتك وش ذنبها بالي صار وش انت من ابو طيب فكرت فيها فكرت فيني طيب خلك مني بنتك مافكرت فيها ولا كان همك الانتقام بس ليش وش بينك وبيني انا حتى ماعرفك وش جاك على واحد لادرى فيك ولا ي عرفك ولا غيره انت بديت معي العداوه ماهو انا الي بيديت اول شي سجني وبعدها خذيت مني حبيبي  روح عساء الله يعاقبك على ماسويت معنا فينا روح تحس وش لقيت منك ومن بنتك الا شهور اصارع الموت تدري ليش لان كان حبي لها صادق ووافي ماكان حبي لها لعبه وتسليه الا والله ان حتى عروق قلبي صارت تنضخ هالحب نضخ بين ظلوعي ماحبيت كثرها بنت كنت عدو الحب لاني اعرف عواقبه لان ماذبح اخوي غانم غير هالحب وكنت اصد بقلبي عن هالحب المسموم من صغري بس وش صار جيت لهالحب برجولي بس ماتوقعت اني بهالحب بنار الي صار عدوي وهي تدري وش سوت بعد مات اخوي تزوجت ونسته كل النساء من نفس الطينه ومن نفس الخيانه نفسها مايكفيها واحد وانت قلت لي احرقو روحك اجل وشلون تحرق روح انت جربت حرقها وبنتك وثقت فيها وفي وعودها بس بعيد عنك مافكرت انها بنت ابوها بنت ابو عزام ويجر بالاسم صدقت وعودها لي حافظت على وعودي لاني مابي هالحب الي حبيته يكون له أثرٍ سيئ بحياتي عشت على انه موجود وهو وين هالحب هالحب بس اسم مافيه لا مشاعر ولا احساس ابو عزام ندم وهذي اول مره يندم فيها ابو عزام لان فعلًا وش دخل سعود بكل الي صار قال ابو عزام الجوهره مالها ذنب ي سعود انا الي جبرتها على هالزواج وبنتي لو تدري ليش جبرتها كرهتني فوق كرهها لي هالحين كرهتني على شانك انت قال سعود ليش طيب جبرتها قال ابو عزام على شان حبي الاول مثلك انت حافظت على حبك الاول وانا حافظت على امنيه حبي الاول مزون بنت ابو ناصر هي حبي الاول وخطيبتي بعد لاكن خذوها مني نفس الي صار معك صار معي بالحرف وسع عيونه سعود قال وشلون قال ابو عزام خاني ابو ناصر وزوجها لواحد غيري بعد حبيتها وحبتني وخذينا من بعض وعوود تشهد علاها تلت النمره والي صار معك صار نفسه معي وقال كل شي لسعود بس انا ماني بمثل ابو ابو ناصر جيتك وانا خاطري عاتب على سواتي معكم بس وش بيدي خلاص البنت تزوجت بس جيتك بوضح لك السبب لاني ماشبه ابو ناصر قال سعود اجل عساء حوبتنا ماتعداك عساء الله يعاقبك على سواتك باغلى ماعلى قلبك وانا ماراح اسامحك ولا تنسى بنتك ماراح تسامحك زرعت الحزن بروحها  وش ذنبنا بالي سواه عمي ابو ناصر جدي ماله ذنب بشي مابيده شي ماهي بنته على شان يساعدك بنت رجال صامل يزوجها والمفروض بدال ماتفكر بالانتقام تروح تفهم منه ليش سوى معك هالسواه ضحك ابو عزام بستهزاء قال ياكم ماسالت وياكم ماترجيت يقول لي وش سبب سواته بس ماقالي وش اسوي اذبحه وهذه الي انا ناويه اني ادفنه بجنب مزون وش بخسر ماوراي شي اخسره الي خايف على خسارته تحت التراب هالحين سعود بخاطره يعرف وش السبب الي زوج فيه الجوهره ورجع ساله قال قلي لاتخلي هالحب ينقلب كرهه بالعمر ليش زوجتها اسمع ان كانت فعلًا حافظت على الامانه الي عطيتياها يشهد علي الله هالحب بيعمر بقلبي ويبي يخف عتاب قلبي علاها  قال ابو عزام لاتعاقبها ولا غيره بقولك لاكن اعرف وش بواجهه من بنتي وسويت هالسواه بدون افكر وقتها حتى بنتي مافكرت فيها بعتها بارخص شي بس هالشي عندي ثمين جدا استغرب سعود قال وشلون قال ابو عزام زوجتها على شان جاء سطام وفهد ونادر باكياس اكل ويضحكون ويسولفون الا ابو عزام عند سعود فهد وسع عيونه فكر مسوي شي لسعود وطار فهد برقبته ضرب وهواش جاء يقوم سعود مسكه نادر قال لا اجلس انا احلها  قال سعود فهد افهم بقولك السالفه فهد مطنش ابو عزام يضحك لان نادم على وجع بنته الوحيده الي هو سببه بدال مايحتويها ويكون لها دمعت فرح صار لها دمعت وجع واوجعها وقتها مافكر انه ابو لها (ابو عزام مايحب البنات على شان كذا يكره البنات وماكان يعتبر الجوهره بنته بس اخوها عزام هو الي مربيها مثل بنته على شان كذا الجوهره تحب عزام اكثر من ابوها ) ويناظر فيه جاء سطام قال لا هذه يبي يجنني وانا خالص مجنون هو يبي يدور عندي عقل ابشرك ماعندي وفصخ عن يدينه وقف بينهم نادر ويفرق فيهم جاء ابو ضاحي وابو ناصر دخلو عصب ابو ناصر على فهد وسطام ومسكهم قال انهبلتو وقيم ابو عزام عن الارض قال انت وش تسوي هنيا سكت ابو عزام وناظر بسعود قال تقوم بسلامه واتمنى وصل لك الي ابيه وحاجتي هالحين ماهي عندك عند غيرك وطلع قال سعود الله يسلمك ابتسم ابو عزام وراح انصدمو وناظرو بسعود طلع وراه ابو ناصر  قال وقف وقف ابو عزام وهو صاد قال ابو ناصر  وش كنت تسوي هنيا وش جابك جاي تدور مشاكل مع عيالي مشكلتك معي ماهو معهم اتركهم بحالهم واجهه مشاكلك معي انا ضحك ابو عزام يستهزأ قال لا مستحيل اتشبه فيك ي اناني وياخاين سويت هالشي بس على شان مايشبهوني فيك وافرق عنك لو بشي واحد ماتشرف احد يشبهني فيك تدري اني سويت نفس سواتك مع بنتك الله يرحمها نفس السواه والسالفه انعادتت ان كان تذكرها ولا ماظنتي انك حتى تذكرها تبريت منها ومن سواتك معها وقلت ماتت من صغرها حتى ولدها ماطرى لك تدوره ولا هان علاك انا سويت نفس سواتك مع بنتك وهذه ذبحني وزوجت بنتي وقهرتها وقهرت الي يحبها لحد الموت بس ماني بمنتظر موت بنتي ولا منتظر موت شخص ثاني ماله ذنب مثلك اي بس لا انا جيت بندم له وقلت له ليش سويت هالسواه معهم وضحت ان بنتي مالها ذنب بسواتي بس انت ماجيت نادم ولا هان علاك تقول ليش احرقتها وبعدها احرقتني معها بس هي ماتت وانا بقيت حي بمعانها شبه ميت بعدها بس جيت اقول لسعود ليش زوجت بنتي وانا داري ان بنتي على كرهها لي هالحين يبي يزيد كرهها لي بعتها على شان خاطر مزون ومزون ماراح انساها لاتفكر بعد سواتك معها ومعي وبعد موتها بنساها لا مستحيل بس انت كل بناتك كرهنك كرهتك اول مزون وبعدها حصه وش خليت لك من حب بناتك بنتي برجع ماضيها للحسن وبصلح الي خربته بحياتهم واكسب محبتها بس انت وش سويت ماصلحت شي من الي سويته الا دفنتها بيدينك ابو ناصر مستغرب من كلامه قال وشلون سعود وش دخله ببنتك قال اسال سعود مال لسؤالك عندي جواب وانا صرت اتقرف من نفسي ان شبهوني فيك ومشى ابو ناصر مانبه ضميره على سواته بس كل مره ان شاف ابو عزام يزيد ابو عزام عليه ويقهره اكثر من هو مقهور من الي سواه ورجع معصب وهاوش فهد قال فهد بخاطري من زمان اذبحه بس يحمد ربه ماموته قال سطام على طول جاء جدي مابردتت خاطري فيه جدي وش تتخسر ان تاخرت شوي نزل عقاله ابو ناصر لان بخاطره من زمان سطام يبي يجلده وقف بينه وبين سطام نادر قال طايش ي جدي اتركه سكت ابو ناصر احترم نادر ناظر ابو ناصر بسعود قال يترا وش يقصد ابو عزام لايكون وقعت بهواء بنته ي سعود لا ي سعود لاتقول كل الي صار معك بسبب بنت ابو عزام ماظنتي لان ماستوعب ابو ناصر ومافهم على ابو عزام ابو عزام يعطيه الغاز بس ماوضح له شي المهم مر الوقت ورجعو ابو ضاحي وابو ناصر قال نادر روحو انتم يقصد سطام وفهد وانا بجلس عند سعود قال فهد لاوالله انتم روحو وانا بجلس عنده عين اخوه قال نادر فهد روح امدي اختي الذوق تنتظرك لاتخليها تنتظرك يلا سكت فهد قال سعود اي روح وراح فهد هو وسطام مع الجدان المهم الساعه ١١ باليل سعود ماجاه نوم نادر منسدح سعود مفكر ان نادر راقد بس نادر صاحي ينتظر سعود يرقد على شان يرقد سعود يناظر مع الشباك المطر يرشش ابتسم بوجع قال سعود
دريت انه لغيري واقتنعت ولابقى مقعاد
تفارقنا ويا مكثر غلاه و كثر تقصيره
كتبه الله لعمري جرح ولغيري كتبه مراد
وتذبحني ظنوني لاصحت بي جمره الغيره
خذا كل العمر واقفى بلا عذر وبلا ميعاد
و انا قفيت ماوالله في قلبي احد غيره
سعود عيونه دموع ويمسح دموعه شافه نادر وغمض عيونه حسره على سعود قال يترى الحب لهالدرجة غدار يوقعك فيه ويغدر فيك وياخذ من قلبك هواه ويكتبه من نصيب غيرك ويذبحك حسره علاه يترى ي سحر وين هو نصيبك هو من نصيبي ولا بعد من نصيب غيري ولا انحرق انا وحبي مثل سعود هالحين من انا على شان يعطونياك اصلن واحد مايعرفونه وتنهد سعود قام نادر قال صح لسانك وعساء الله يجبر قلبك غض عنه سعود لان عيونه حمراء من الدموع قال نادر افا دموع سعود تنزل واخوه موجود قال سعود ماهو بعيب ان طاحت دموع عييني على شانه تدري ي نادر لو بيديني شي واغير نصيبي ونصيبه بس وش بيدي تدري اني ارتحت بعد كلامه لي قلبي هدتت ناره الي كانت شاعله قال نادر تجربتك هذي تندرس ي سعود كان بخاطري الحب بس من شفت ماصار معك عفت الحب وعفت طواريه ضحك سعود ولف يمه قال اجل حبيت ي نادر ضحك نادر وقام من على الكرسي قال تبا ماء قال سعود نزل الماء وتعال قلي ضحك نادر وجلس بحضن سعود قال حبيت ي سعود لاكن مدري عنه ان كان هو حبني ويبادلني بنفس المشاعر بس يمكن هالحب مايكمل مسيره لنهايه احسن لي استسلم من اولها قال سعود لا الحب ماينكره وانا اخوك الحب حلو بس ماهو بيدين الي مايستاهل الحب الحب وانا اخوك انقال بانوعين وانت وحضك ان جربته النوع الاول حلو والنوع الثاني هو أسواء نوع المر وهالمر اخ ي فروعه موجعه وهذه الي انا فيه ضحك نادر قال سمعت الابيات الي قلتها قبل شوي شرحت لي شعورك بس ي سعود خلاص هي شافت حياتها شوف حياتك انت قال سعود نادر والي يسلمك خلاص انتهى عفت بعدها كل البنات مابيهم خاطري ماجاء الا فيها وهذي المره الاولى الي اتبع قلبي فيه وهي راحت مابي اعلق قلبي مره ثانيه واشرب من نفس الكاس خلني على وضعي وهي مالها ذنب بالي سواه ابوها مابي اظلمها واندم بعدين وبعدها وش بيفيد الندم مثل ابوها قال نادر الا صدق وش يسوي ابو عزام عندك وش يبا قال سعود كل شي لنادر قال نادر معقوله سبحان الله وش لين قلبه بعد قسوته يعني طلع احساسك صادق مالها ذنب صدق ان القلب دليل على الي يحب وش تتسوي طيب قال سعود ماراح استسلم الا ماتصير لي ماله حق فيها زوجها لو اخوي ولد امي وابوي هي لي وتتبقى لي وان كانت حافظت على الامانه الي عطيتهياها ماراح اتخلى عنها لو دونها دمي سيال  الجوهره من حقي انا ي نادر ماله فيها حق وش ذنبها شايفينها وش اسهم بيع وشراء هي ماهي ببضاعه لهم مايستاهلونها لابو عزام ولا زوجها سكت نادر قال تشافى هالحين وبعدها نشوف وشلون نجيبها غصب عنهم ابتسم سعود قال مافهد احسن مني حارب اهله على شان الذوق وانا جاء دوري احارب على شانها بس مع انها ماحرابت على شاني قال نادر وش بيدها بنيه مابيدها شي وش تقول بحكم القوي على الضعيف المهم نادر اقنعه ان الجوهره مالها ذنب بالي صارت هي نفسه ضحية هالحب ولإن قلب سعود بعد حقده على الجوهره بس فيه شوي عتاب بقلبه علاها عند الاهل واقفين على الباب يشوفون المطر وش حلوه الجو حيل حلو وريحت المطر اخ يحلوها ياناس ذوق ورد وفنان وسحر بدريه طلعو يلعبون في المطر ريماس وفجر ودلع رفضو خافو الجده ام ناصر ي بنات المطر لايوجعكن تعالن ذوق جده لا تكفين بلعب اعشق المطر ي ناس وفلت شعرها وترقص بالمطر ام ذوق لا يبنت لمي شعرك لاتخربينه يتكسر لميه ذوق تضحك وتلعب جاء الجد ابو ناصر وفهد وفيصل وسطام وقفو على باب الحوش ضحك الجد ابو ناصر قال يبنات وش تسوون ادخلو ويبي يدخلهم بس يضحكون ومكملين لعب فهد جاء ودخل معه ذوق بالفروه ودخل ابها بالبيت ويمسح على وجهها وينفخ بوجهها قال وش مطلعك مع هالبرد والمطر تدفي ويحضنها ويغطيها معه بالفروه ذوق تضحك قالت فهد لا بطلع قال فهد لا ممنوع خليك ومحاوطها بيدينه معه بالفروه قالت ذوق تدري المطر يشبهك احساس حلو معك نفس المطر على شان كذا اعشق المطر كثر عشقي لك ضحك فهد ومسك يدينها وينفخ فيها ويدفيها قال وي بخت فهد بالذوق ياكبر حظوظي وأماني انتي لمته ذوق بيدينها من خصره قالت دفيت خلاص وتضحك اخذها فهد لداخل بدريه شافت سطام ودخلت بالبيت وهجت للمطبخ وتنقز من البرد وتفرك يدينها من البرد ضحك سطام قال اجل انا بروح وراح ودخل مع باب المطبخ الثاني قال وينك لفت يمه بدريه وشهقت قالت مجنون لايشوفك جدي ولا فهد روح وتدفه بيدينه عقد حواجبه سطام ومسك يدينها وسحبها علاه قال وش قال لك عمي مافاتحك بشي قالت بدريه بنظره استغراب وش بيقولي قال سطام عني وعنك سحبت يدينها بدريه وخرت عنه قالت ماقال شي روح بسرعه قال بعدين نتفاهم وبروح لاكن غيري ملابسك هذي المبلله ماتروحين لحد لين تغيرينها لانها مبينه تفاصيل جسمك ومال احد حق غيري بتفاصيلك فاهمه استحت بدريه ودنكت ضحك سطام قال وش بيدي غير اقول اخخ وطلع وبدريه ماتت من خجلها وهجت لغرفتها وقفت قدام المرايه وتناظر بنفسها قال اوف ماشاءالله وش بقى ماشفت اعوذ بالله من عيونك وهي خجلانه وبدلت ملابسها عند ورد الكل دخل وتتدخل ناداها فيصل التفت وقفت على الباب قالت لبيه ابتسم فيصل قال لبيتي حاجه هاك ونزل فروته وعطاها ورد قالت لا تلحف ابها حرام برد قال معلاك مني تلحفيها المهم مايلحقك برد وانا اشوف وحطها على كتوفها ناظرت فيه ورد ودنكت ضحك فيصل قال والله ماتوقعت انك بهالحلاه كلها ورجع غرتها بصبعه عن وجهه ابتسمت ورد وعطته فروته وهجت ضحك فيصل قال صدق ان وجهكك يستحق افهى فيه وبكل جزء بوجهكك اشهد انه يشدني يمك ويذوب فيك كل شي حولي وقلبي خالص ذايب بكل تفاصيلك ماهو بس حلاوتك وجنونك وبس ورجع لبس فروته وراح لديوان لبو ضاحي ام ذوق وسحر وفجر واقفين على الباب الداخلي يضحكون شهقت من شافتهم ورد قالت عمتي انتم ضحكت ام ذوق قالت اي عمتك محظوظ اجل وانتي محظوظه بعد استحت وهجت ورد لغرفت بدريه وكانت بدريه في غرفتها قالت ورد اوف قلبي وانسدحت على السرير ومبسوطه صاحت عليها بدريه فزت ورد بسم الله وضربتها على كتفها قالت بدريه سريري بللتيه قامت ورد قالت انا الي كلامه روى قلبي من غيث حبه احس عيونه فيها كميه من مشاعر ولمسته كلها حنيه اهتمامه مختلف تمامًا شي حلو قربه صوته منعش للروح صوته الامان الي الكل فاقده بهالدنيا وش سوى وقدر على قلب ورد وهي العنيده الي حتى الحب يخاف منها وتصد عنه ويصد عنها وبانيه دونه جسر الكرهه كيف هد هالجسر واحتل قلبي وش سواء هالحب جاء وتربع بقلبها بدريه مصدومه قالت ورد حبيبتي وش فيك وش ذا كله وعن من تتكلمين اخذتي برد صح وخرت ورد يد بدريه عنها قالت الحب يغير ي بدريه قولي لي وشهو شعور الحب وشهو هالحب هو شي يعيش ابه الانسان ولا شي يعدم الخلق ضحكت بدريه قالت الحب شعور حلو بس الي اشوفه تعمقتي فيه منهو الي حسسك بشعوره وصلك لهالمرحله فالحب فيصل ضحكت ورد وقامت قالت انسي وهي مبسوطه قامت بدريه قالت قولي لي ماراح اخليك الا تقولين لي قالت ورد بينا قالت بدريه وعد بينا وش صاير لك ي العاشقه ومنهو المحظوظ قالت بنت عمك عشقت خيال عساف ي بنت صار هو حبي ومرادي كل الاحاسيس الحلوه حسيتها معه من قرب علي حسيت فعلًا انه شخص انكتب لي اول عشقي عساف وبعدها خذا قلبي صاحبه وتتنهد ضحكت بدريه قالت بهالجو الحلو يارب انه من نصيبك قولي امين والله يعينه قالت ورد امين وخزتها ومر الوقت حلو وسهره حلو وبهالجمعه الحلوه طفى الكهرب وكان الجو هادي ذوق بحضن فهد ناظر فيهم فهد لان الكل لاهي وهمس بذن ذوق قال خلينا نسري قالت ذوق فهد وين نسري مع هالمطر على الاقل ان خف هالمطر وناظر فيهم لانه ظلام ماحد يشوف مد يده ومسكها من خصرها فهد رجعت يده ذوق خايفه يشتغل الكهرب وهو مصر على حركاته ابتسم فهد ومسح بيده على ساقها شهقت ذوق وسعت عيونها ضحك فهد لفو الكشافات عليها فهد يبتسم ويناظر بسقف ورجع ناظر بذوق قال بسم الله علامك ي قلبي ناظرت فيه ذوق بستغراب قالت فهد قال عيون فهد وش تبين منها قولي وسمي ضحكت الجده ام ناصر قالت فهد اتركها بحالها ولا اعرف وش اسوي معك ضحك فهد لجدتته قال جده وش سويت انا هي شهقت وانا خفت علاها بس قلبي مايهون عليه خوفها ويضحك لذوق هزت راسها ذوق قالت زين ضحك ورجع يزبط الفروه علاها وعلاه قال تلحفي ي بعد امي وابوي لايذبحتس البرد ان تعبتي تعبت معكك تنهدت ذوق وتاخذ الجوال وكتبت فهد والي يسلمك بلا هالحركات ماهي وقتها والله عيب حنا عند الاهل ناظر فيها قال ماهو بيدي يومين ماشفتك وش اسوي قولي مشتاق في قلبي لهفه لو تنقاس وتحدد ماقدرتي علاها لهفه موت ماهي بعاديه ويتنهد قامت سحر وطفت الانبه على شحن قالت يوه طفت شحن دبرو حالكم وتضحك ضحك فهد قال كفو فاهمتني فزت ذوق تتهج مسكها فهد بيدها وتتسحب يدها ومسكها بقوه قال لاتحديني اسوي شي مالازم اسويه اجلسي جلست ذوق وحضنها علاه بقوه سكتت ذوق ورفع شعرها وحطه على جنب وهو مبلل ويشم ريحتها ذوق ماتت خلاص منه ولا عند الاهل طيب بظلام بس خايفه يشتغل الكهرب فجأة وهو يسوي هالحركات قالت ذوق فهد بصوت خافت لاتسوي كذا والله عيب فهد يضحك معجبه خجلاها وخوفها قال اموت انا على الي يخجلون قالت ذوق ماخجلت قال فهد والله اجل ليش عرقتي واحتريتي يلمس وجهها ويحتويه بيدينه قال علاك حراره حرارتك ارتفعت قالت ذوق لا وخرت وجهها عنه قال ذوق تحسين بشي قولي لي قالت ذوق لا بس صداع وعادي يمكن على شان لعبت بالمطر طبيعي قال لا ي عين جدي ماهو طبيعي مسكت يده قالت على شاني قال اخ وحضنها واشتغل الكهرب واخرها عنه بسرعه وسوى نفسه طبيعي قالت سحر طيب قلنا شوي شوي على الخفيف ماهو بعمق خزها فهد ورفع لها حاجبه ضحكت سحر قالت طيب ماقلت شي وسكتت ذوق استحت ودنكت تفرك بصابعها  قالت ام سلطان اشحني الاانبات (يعني لنبه الشحن ) قامت بدريه استغربت قالت عمه مليانه شحن وناظرو بسحر قالت سحر مدري عاد على طول لمستها طفت وتناظر بذوق وفهد ضحك فهد فهمها وفهم ليش سوت كذا ناظرت ذوق بسحر وفهد قالت يعني التفت فيها فهد قالت سحر وش قالت ذوق انتي حسابك عندي بعدين وانت متفق معها قال فهد لا أبدًا والله مالي يد بشي وغلاتك بقلبي قالت سحر وغلات ابوي وامي ماله دخل بسواتي ماجوز من هالحركات اسفه سكتت ذوق تسالو الامهات قالت ذوق ولا شي وهي ناويه تجلد سحر بس تبي تمسكها ضحكت سحر قالت يويلي ذوق حبيبتي لاتعصبين خير خير الي سويته ناظرت فيها ورد قالت انتي كل شي تسوينه تقولين خير وين الخير الي تشوفينه وحنا مانشوفه ضحكت سحر بخوف قالت انتي اسكتي المهم عندي ان ربي يعرف انه خير خلاص انتهى نقطه قالت ريماس استفهام جاوبي وش مسويه توترت سحر وتوترت ورد قالت ورد ماسوت شي وتضحك الامهات والبنات شكو فيهم قالت ام مشاري سحر بنتي اعرفك من عيونك وانتي يورد من متى وانتي معها بسوالفها قالت ورد من اول يوم يخلف الله ضحكت سحر قالت فديت خوي مايخلي خويه ومدتت يدها ورد ضربت بيدها بيد سحر قالت افا معك معك وعساء النهايه خير على قولتك وتضحك ضحكت سحر وكملو سوالف وفهد وذوق سرو لبيتهم عند الجد ابو ناصر تكلم مع عياله بخصوص مشاري وريماس وعياله عطوه موافقتهم استحو من ابوهم وقالو هم عيالك سو الي تباه فيهم قال ابو ناصر الله يرضى علاكم قالو امين مرت الايام الحلوه طلع سعود وتشافى كلاين وحمدلله ماعاد فيه شي وسوو له استقبال حيل حلو ودامت الافراح بطلوعه من المستشفى عند الجده راحت تتطمن عن سعود ومعها الامهات ام ذوق وام محمد وام سلطان وتحمدو له بسلامه قال سعود تسلمن الله يسلمكن جاء نادر قال مرتاح وقف وضحك قال هلا قالو وشلونك ي نادر قال حمدلله قالت الجده نادر ناظر فيها قال هلا ي خاله قالت وين امك عايشه ابتسم نادر قال لا امي عطتك عمرها من وانا صغير حتى ماشفتها ام ناصر قلبها ضعف لنادر قالت وابوك وان قال ابوي تاركني على راحتي وين ماروح اروح وامي الي تسال عني وتدورني ماهي موجودة وعادي مرتاح مع خواني الي رزقني فيهم ربي ويضحك ويناظر بسلطان وسعود قال سلطان حنا خوانك عزالله انك عزيز علانا ابتسم نادر قالت ام ناصر وش اسم امك استغرب نادر قال مزون اسم امي ي خاله ويضحك ليه تسالين عنها بكت ام ناصر قالت تعرف اهل امك طيب منهم خوالك استغرب نادر قال لا والله وابوي كل ماسالته غير الموضوع وتزاعلنا وخلاص ماعاد سالته سكتت ام ناصر فيها احساس انها تعرفه انه قريب منها فيه شي يشد عاطفتها من نادر استغربن ام ذوق وام محمد وام سلطان قالت ام سلطان معقوله مستحيل من سابع المستحيلات الي نفكر فيه سكتتها ام محمد جاء ابو ناصر وابو ضاحي قال وش تسوون هنيا قالت ام ذوق جينا نتحمد لسعود بسلامه قال ابو ناصر اه زين روحن وراحن قالت ام ذوق يمه علامك على نادر كليتي الولد قالت ام ناصر مابني شي وتتنهد عند الجوهره تنتظر جيت اخوها عزام وجات لهلها الضحى ومبسوطه بشوفتهم قامت قالت بروح  وقامت راحت لغرفتها وتتنفس هواها مشتاقه لغرفتها قالت اشتقت لكل زوايه فيك ونزلت وانسدحت على السرير وغفت وكنها طفل صغير لقى الامان لقى الدفىء بعد عذاب وتعب جت حصه وتقف عند رجولها ضحكت من شافتها راقده مثل الطفل الصغير الجوهره تحركت وانفسخت البطانيه عنها وسعت عيونها حصه فيها وشهقت فزت الجوهره وتلف بروحها قربت حصه وفصخت البطانيه عنها الا اثر الضرب فيها قالت حصه الجوهره هذه وش بكت الجرهره قالت مالك شغل روحي عنب واتركيني مسكتها حصه بعصبيه قالت والله آن ماعلمتيني لعلم امك قالت لا وتترجى حصه ماتقول مسكتها حصه وجلستها قالت قولي لي هو السبب بذا كله هزت الجرهره براسها اي وبكت قالت اليل مانمه الا وانا دموعي محرقه جفن عيني يجيني بضرب ويروح من عندي بضرب قالت حصه ليش ماقلتي لنا ليش سكتتي قالت اخاف يقول لهلي اني مابيه يقرب علي وتعرفين وش بيصير بعدها وش بيقولون عني واول واحد يشك فيه ابوي سعود لانه يعرف وش بيني وبين سعود ماقدر ي حصه اقول شي بلعت المر على شان خاطر عيون سعود سعود ماله ذنب في سوات ابوي ابوي رمى بنته لسجن واحد مجرم هذه مجرم سكتتها حصه قالت اششش لاحد يسمعك تقولين هالكلام بكره تتنفرج جاي الفرج مع هالامطار اصبري حسبي الله ونعم الوكيل فيه بس عسى يدينه للكسر بكت الجوهره وحضنتها حصه حصه اوجعها قلبها على حالت الجوهره وهي تبكي وتشاهق وتتوجع وتبكي معها ( اوضح لكم عند اهل الجوهره اذا منعت زوجها عنها ومقرب منها زوجها انه لاقي فيها شي ولا انها زانيه او كذا اتمنى وصلت الفكره لكم ) نرجع لبو مشاري لقى مشاري جلس بصاله ببيته وجلس معه قال عندي موضوع بفاتحك فيه فاضي قال مشاري سم يبه وش اي فاضي قال ابو مشاري جدك قال لي لقاء لك بنت وعاجبته وبيجوزكيها قال مشاري نعم ومن هي مافكر اتزوج قال ابوه بنت عمك ريماس وين تتلقى مثلها وان ماخذتت بنت عمك من تتاخذ علمني ابتسم مشاري قال ونعم يبه في عمي وبنته عزالله ماني بلاقي مثله واحسن منه ماعندي مشكلة موافق دامها هي موافقه نقول على بركت الله سكت ابوه قال بالامبارك وانا ابوك والله يوفقك وقام وراح لبوه سحر سمعت كلام ابوها واخوها طارت من فرحتها ان الي تبيه أخيرآ بيصير هي تحب رموس وسوت ذا ماتبي امها تاخذ غير رموس لخوها مشاري المهم سوت قهوه العصر وكانت كل الاجواء غيم ومطر وطلعتها بالحوش وعزمت حريم اعمامها وبنات اعمامها وجدتتها والكل تجمع عندها الجده وش الي جاتس ي سحر قالت ام مشاري تشوفين ي عمه كل ذا هي سوته يخوف قلبي من الجمعه الي سوتها قالت فجر سوسه والله يتحت راسك شي قالت سحر اتركونا من هاذي السوالف والجمعه وش رايكم بكره نروح مع هالامطار كشته نتجمع كلنا ونروح خلونا نفلها قبل السبوع الجاي ترا بننغث والله قالت ذوق انا معك فكره زانه والكل تحمس لهالروحه ومبسوطين مر الوقت عند سعود يلعب بجمر النار قال
ي نار احرقي بقايا حب ماضي
شفت منه الويل والضيق والهم
ياليت للحب محكمه وقاضي
واشكيه ويرجع لي ويتحقق الحلم
ونبش بالجمر جاء ابو ناصر وقرب من سعود ساله قال ي سعود هو انت صدق هويت بنت ابو عزام وهي الي خلتك بهالحاله تلعثم سعود بكلامه قال ماني بفاهم علاك بشي ضحك ابو ناصر لا لا ي سعود سوالي واضح انت حبيتها وهي زوجها ابوها ولا انا غلطان سعود جته ضيقه قال لا قال ابو ناصر تنكر هالحب ي سعود سكت سعود قال انا مانكر ولا انا مسوي شي ي عمي حبيت مثلي مثل غيري وين الغلط قال ابو ناصر بس تزوجت لو تحبك ماتزوجت قال سعود اخخخ وش ذنبها بسوات ابوها اظلمها اتهمها بشي مالها بيد فيه ليه بس سبحان الله طلع مثلك بس لا هو عكسك جاء وقال لي السبب الي خلاه يزوجها بس انت وش قلت له غير اخلفت بوعودك معه بس هو جاني وقال انه باع بنته بمقابل مزرعه كانت خطيبته مزون تعشقها وترتاح فيها كانت هي حلمها خذها لعيونها حتى بعد موتها اوفاء لها بوعده واخذ المزرعه الي هي تحبها وتبيها قبل تخرب علاهم حبهم وتشب في صدورهم نار غدرك اخذت منه مزون وهو وعدها يشتري لها هالمزرعه مزرعه مبارك الي باعها ابوه ورجع هالحين اخذها تتذكرها ابو ناصر استغرب وعرف ان هذي المزرعه كانت مزون فعلًا تحبها وان راحو للمدينه الا تقضي وقتها فيها قال معقول ي ابو عزام قال سعود وش جاك ي عمي قال ابو ناصر ولا شي وقام متضايق سكت سعود قال اخخ بقهر وناظر بالقمر
* ياليت بقيتي حقيقه في عمر الايام ولا تمنيتك حلم وصعب تحقيقه
وقضى وقته سعود يفكر عند فهد اتفق هو وخوانه مسلط وسطام ومعهم فيصل ونادر يروحون للمدينه خلاص سعود برى ولا عاد فيه شي وتطمنو علاه وكذا خططو لروحه قال سطام بدون حس ولا خبر نمشي بعد صلاة الفجر قال مسلط  ليش ماهو هالحين قال سطام غبي على عين جدي وعمي وبعدها نمشي ونقول لجده ترقع لنا لين نرجع قال فهد اتفق على رايك يلا وراحو لديوان وهم مولمين لروحتهم ومر الوقت عادي وتعشو وكلاً سرا لبيته عند فهد جلس ومسك يدين ذوق قال عيون فهد بكره انا رايح عندي شغل لاتشغلين لي بالك وان خلصت اتصلت فيك وسعت عيونها ذوق قالت فهد قال اشش لافهد ولا غيره ماراح اتاخر علاك وعد ارجع لتس سكتت ذوق وتعابير الزعل على وجهه قال فهد ذوق ابتسمت قالت عادي روح بس هاه يويلك تتاخر علي ولا ماترد علي قال فهد ذوقي قلت انا اتصل علاك ان خلصت شغلي لاتشغلين بالك غمضت ذوق عيونها وضحكت وحاوطتت رقبته بيدينها قالت زين خلاص بس قلي وين اودي قلبي وشلون اقنعه بغيابك قال فهد انا اقنعه ي يبعد حيي وحاوط خصرها بيدينه وسحبها علاه قال ماقوى على البعد ولا اقوى على الصبر علاك ابتسم ذوق وناظرت فيه بنضراتها الدلع قالت انت الي غبت وانت الي ابعدتت اصبر وانا امري لله بصبر معك قال فهد ذوق قالت ذوق همم ابتسم فهد وقرب وباسها بخدها قريب من شف**تها وخرت ذوق راسها وناظرت فيه قالت شنو قال خاطري فيك ابتسمت ذوق واستحت ضحك فهد بصوت عالي قال اخخ وخمها على صدره  قال ارحمي معذبك يبنت حرام علاك الي تسوينه فيه بعدتت عن حضنه ذوق قالت فهود قال فهد هم وهو قريب وجهه من وجهها غمضت ذوق ابتسم فهد وقرب بيبوسها ضحكت ذوق وبعدتت وجهها عنه وباسته بدقنه قالت هذي تكفي نام وراك بكره مشوار وتتهج مسكها فهد ورجعها على صدره ويتلمس كل اجزاءها بجسمها بيده قال احلى شعور وانتي بين يديني مسكت يده ذوق على بطنها قالت واحلى شعور وانت قريب مني واحس بقربك ذوق شافت بعيون فهد لهفه وشوق متراكمه قالت ذوق فهد خلها على الخفيف ابتسم فهد قال ابشري كلي فدا ابتسمت ذوق وحطتت يدها على خده قالت ياكثر حبي لك شعور فوق شعور حبك بصدري متراكم يمكثره ي فهد ابتسمت ذوق ومسك يدها وباسها ويبوس بيدها لين وصل كتفها ويشم ريحتها بنحرها ذوق تتنفس بسرعه مسح بيده على نحرها قال اشش وهي ماهي متحمله وباسها بنحرها ومنها باس رقبتها وبعدها مر من خدها ورفع راسه ومسح وجهه ذوق بيده لانها معرقه ابتسمت ذوق وغمضت عيونها وقرب فهد وباسها من جبينها قال ذوق قلبي تعبانه هزت ذوق براسها لا قال وليش حاسس فيك شي قالت ذوق فهد قلت لك لا قال زين خلاص ي قلبي وكمل معها ويبوسها بكل اجزاء وجهها وقف عند الش***فه وباسها بقوه فهد فقد السيطره على رغبته وشعوره وشوقه من باسها بكت ذوق لانها هي تعبانه وماقدرت ترده لانه قال لهابخاطره وسمحت له رغم تعبها حس فيها فهد وقام قال ذوق ورجع شعرها عن وجهها قال ذوق دفته ذوق قالت مافيني شي وقامت للحمام فهد جلس ويمسح على وجهه بيدينه قال اوف وعصب من نفسه ذوق غسلت وجهها وطلعت التفت فهد صوبها وقام مسكها بيدينها قال ذوق وش فيك قالت ذوق اسفه فهد سامحني بس ماتحملت تعبت غمض فهد عيونه وحضنها قال لا يمي ماهي مستاهله تعتذرين انا الي اسف ماقدرت اسيطر على نفسي بكت ذوق ومسحت دموعها قال فهد خلاص ومسح وجهها واخذها لسرير وانسدح واخذها بحضنه قال ارتاحي سكتت ذوق وانسدحت وحطتت راسها على صدره ومن التعب غفت فهد عصب من نفسه وباسها من راسها ونام معها المهم الكل نامو صلاة الفجر صلو العيال مع الجد ابو ناصر وابو ضاحي بعدها ولمو بيمشون للمدينه سعود رفض الا يخاويهم قال فهد سعود انت توك تشافيت وان تبا قال سعود مالي شغل رجلي على رجلكم ولا مافيه روحه واقول لجدي قال مسلط شوف سعود ماهي لعب ورعان طيب اخذوني ولا اقول لجدي ناظر فيه سعود وشاته برجله قال انا ولد ابوي الورع انت ضحك مسلط وهج قال اي هذه سعود الي نعرفه ابتسم سعود وصد عنه قال سطام ابشر تروح معنا وكلهم اتفقو نادر قال شوفو مافيه لف ودوران الي بيلف ويدور والله اني لانطله بالخلا واجي وتدور من يلقاك بعدها قال فهد نادر والي يسلمك لاتصير لي مثل سلطان هالحين قال وسلطان هو الي وصاني وانا قلت كلمتي قالو العيال اي خلاص موافقين وسكتهم ومشو سطام مر جدتته يوصيها قالت الجده يابوي وشوله هالروحه جدكم ان درى يذبحكم قال فهد جده مايهم حنا بنروح لعمتنا من شهور ماشفناها ومنها بنمر لنا خوي لنا ونسلم علاه وانتي رقعي روحتنا لين نرجع قالت الجده بحفظ الله وسلمو لي على عمتكم قالو يوصل ومشو للمدينه مر الوقت الضحى وصل عزام للمدينه سال عن اهله قالو ببيت عمه معاذ وراح لقاهم متجمعين كلهم ابو عمر قال لبو عزام ام عزام وصل قال صرفه قول ماهو موجود تو وصلت انا بس صرفه قال ابو عمر زين عند عزام فاقد الجوهره قال عزام وينها حمامتي قالت اميره الجوهره ماهي موجودة ناظر فيها احمد وسكتت بكت ام الجوهره قال عزام خالتي علامك وين الجوهره قالت حصه تزوجت ودنكت على شان مايهاوشها معاذ غمض معاذ وهز براسه لاحول فز عزام قال وشلون ومن تزوجت وشلون ماحد قال لي وش انا انا المسوال عنها وزواج ماوافقت علاه مايحسب ولا هو زواج قال معاذ لاتهبد من عندك ابوها زوجها وخلك ساكت قال عزام ابوها من ابوها انا هو ابوها وعصب عزام قال ومن تكلمني وهي تبكي اذرها مضيومه بغيابي ماقالها الله اخليها من تزوجت ويناظر بميره قالت اميره واحد اسمه فواد ومغصوبه عليه بعد ودنكت هنا انجن عزام قال وشلون ادل بيتها قال احمد انا ادله خلنا نروح لها قال عزام قدامي وانت حسابك بعدين عند الجوهره تبكي محرق يدها زوجها فواد كاب القهوه على يدها لانها ماعجبته وهي عمد الله يديها تسوي عكس الي يبيه وخربت القهوه قالت اذلف عني بس بشوفك قدام خواني ان درو عن عمايلك فيني وش بتسوي والله لتصير جريري قدامي عصب علاها فواد قال انا جريدي انتي وخوانك هم الجردان تحت رجلي قالت تخسى ماتنزل مقام خواني عند رجولك انت الي تحت رجولهم مثل الحذيان هنا فواد لا انجن نمن كلامها واخذ الساطور ويضربها ومسكته قالت خلاص ماعاد بتشوف لي ضعف جاء سندي جاء الي ماتسترجي قدامه ترفع لايدك ولا صوتك ورفسها برجله على بطنها لانها طاحيه وماسكه بطنها وتبكي وكمل على رفسته بجلدها حقير عزام واحمد سمعو الاصوات ودخلو كان الباب مفتوح الا يشوفونه يضرب اختهم مسك يده عزام وصكه بكف عند اخته احمد راح للجوهره ورفعها عن الارض قالت احمد ياخوي بطني وماسكه بطنها مسح دموعها احمد وشالها بين يدينه وجلسها قال خليك هنيا يخيتي ماعاش من تنمد يده علاك بوجودنا قال عزام ابشري بالي يرضيك يعصابت راسي والله لربيه ولعلق يده برقبته ويضربونه وهو ماهو بسهل يضرب ولعنوه ومسحو فيه الارض قدامها قال عزام والله لتنزل عند رجولها وتطلب منها تغفر لك وتسامحك قالت الجوهره مسامحه عساه لجهنم صرت اتقرف منه مابيه ي اخوي قال عزام وشلون تجرأت تاخذها قال ابوك هو عطانيها قال انا ابوها ماهو هو وهو موسع عيونه حمرا دخلو العيال فهد وسطام وسعود وفيصل ومسلط ونادر لان حصه قالت لهم الا احمد ماسك فواد وعزام يبكسه ويضربه مسكه فهد قال وش تسوي يمجنون قال اي مجنون على لمن تمادى ومد يده على اختي التفت سعود الا الجوهره تبكي وماسكه بطنها وتنفخ يدها الحرق يوجعها هنا خلاص سعود ماهو متحمل دموع الجوهره