عشقتك وعشقي لك مرجله وعناد وقلبي اسير لك في الحب والشوق

93

مر الوقت بعد مرور بيومين ذوق تحسنت ورجعت للبيت بين اهلها واحبائها بس ناقصها شي وهو شوفت عديل الروح ذوق تعد الساعات بالدقيقه والثانيه لشوفت فهد جت فجر قالت وش فيك ي الذوق هذي حالك من يومين وعيونك بهالدرب تنهدتت ذوق وقامت قالت ي فجر عيوني على درب خليلي ابتسمت فجر قالت خليلك اكيد مشتاق وذابحه الشوق بس وش بيدك ويده هذه الي مقدر لكم ياهو يبعدونك عنه ولا يبعدونه عنك من عرفتكم وهذا حالكم بس اكيد الحب الي ينتصر بالاخر اصبري ي بعد قلبي مالك الا الصبر وترا حالنا من بعضه قلبي  يحن لسلطان له ست شهور عيوني ماشفته بس انتي قريب منك بنفس المكان بس انا وينه ويني بس صبرت على شانه هذه مراده وانا حبيت قبوله ابتسمت ذوق قالت يقو قلبك على البعد ي فجر  لاكن انا قلبي مايقوى عليه اشتقت له ويكثر ماشتقت له في شي بصدري غصه مدري لهفه ي فجر شعور الشوق موجع تدرين وش شعوره ناظرت فيها فجر شنو قالت ذوق شعور مولم ان اشتقتي كل عروق قلبك توجعك فيه شي احساس جاء الجد ابو ناصر قال بناتي ورا اشوف الحمل ثقيل  عليكم عطوني حملكم احمله عنكم ولا اشوف بناتي الدموع مغرقتهم ضحكو فجر وذوق وفزو لجدهم قالو جدي ي هلا وغلا وش تسوي هنيا قال الجد ابو ناصر مشتاق لبناتي صح عيالي راحو بس بقى لي من ريحتهم ويضحك ضحكت ذوق وراحت بحضن جدها قالت انت هو سبب صبري واصراري ي جدي روحي متعلقه بوعدك انك تجيب لي الغايب ابتسم الجد وهو مهموم قال وانا عند وعدي ارد لكم غاليكم ي المزيونه  وحضنهم قال أن شاءالله يحلها عمكم عندي ثقه يبي يحلها 😭 نرجع عند ابو محمد وفيصل وابو سلطان راحو للمدينه لهم يومين قررو وجو لحصه ومعاذ حصه من سمعت بسم خوانها فزت روحها من فرحتها وراحت لهم قالت ي هلا وهلا كثر مابكت عيني من حنينها ي هلا كثر ماشتقت  ي هلا بشوفتكم عندي مثل شوفت ام لظناها بعد سنين رجعت شافته وينكم عني من زمان ي عزوتي ماسالتو عني ولا تذكرتو ان وحيدتتكم عايشه ولا عندكم اخت اسمها حصه ضحك ابو محمد قال هلا بالغاليه هلا بريحة اخوها وحضنوها وهي تبكي جاء سامي قال ماما هذا خالو ناظرو ابو محمد وابو سلطان في حصه ضحكت حصه قالت اي خوالك كبر صح غطى على غيابكم سامي كنت موجوعه بس هو داواء كل اوجاعي بهالعمر هذه وحيدي ووليدي ضحكو ابو سلطان اخذ سامي بحضنه قال تعالي مامعنا الا فيصل ناظرت حصه بفيصل قالت وشلونك ابتسم فيصل قال الله يسلم لونك بخير وانتي قالت حمدلله جاء معاذ قال حياكم تفضلو وانتي ي حصه جهزي القهوه ناظرت حصه فيه بزعل ناظر فيها معاذ وغمض لها عيونه سكتت حصه وراحت ورجع معاذ يحيي فيهم مره ثانيه ابو محمد لاحظ بخته شي وسكت قال وينه اخوك قال معاذ ليش قال فيصل لنا معه موضوع مهم قال معاذ ابو عزام مسوي شي ؟ قال ابو سلطان اي جاء وسجن عيالنا وجايين نتفاهم ونحل المشكلة بتفاهم ماجينا ندور مشاكل قال معاذ لاحول ولاقوة الابالله زين اول شي نتقهوى وبعدها يحلها ربك سكتو مر الوقت خلصو وقامو ومعاذ معهم وراحو لبيت ابو عزام ودخلو انصدم ابو عزام من وجودهم قال هلا اقلطو ابو محمد ماله نفس هو وفيصل يدخلون قال فيصل بلاها ناخذ الي جينا على شانه ونتسهل قال ابو عزام لا ماتاخذون الي تبونه الا تجلسون ببيتي  تنهد ابو سلطان وغمض عيونه لبو محمد وفيصل اجلسو ابو محمد كشر بوجهه بعصبيه من اخوه وجلس غصب عنه وفيصل تنهد وجلس غصب عنه بعد ضحك ابو عزام قال ابو سلطان اسمع ي ابن الناس الي جينا له وسبب جيتنا له انت تعرفه زين اتركنا من هالعداوه وخلنا ننهي المشكله ونفتك قال ابو عزام وليه واثقين ان بجيتكم هذي تتنحل مرسلكم ابوكم ويضحك قال ابو محمد وهو حاد سنونه على بعضها بغضب قال ماجينا نسمع هالكلام جينا نحل المشكلة وبس قال ابو عزام لا هذه مكانهم أساسًا ولا لهم طلعه منه بيعفنون فيه مثلهم مثل غيرهم  فهد يتحداني خل التحدي ينفعه قال فيصل فهد لو يدري بجيتنا لك كان ذبحنا ولا خلانا نجي هني من الاساس بس قلنا نتكلم من رجال لرجال وش رايك قال ابو عزام اطلعو من بيتي طلبكم ماله عندي حل ومرفوض وانت يقصد ابو محمد وش على بالك ان شربت من قهوتي يعني انتهت العداوه بيني وبين ابوك بشوفه وشلون يقدر يتحمل عياله بهالحال مبسوط بالي يصير معه امدي هالحين يتحلطم انه ماهو بقدي وكسرت خشمه وسع عيونه ابو سلطان في ابو عزام بعصبيه ويخوف غمض عيونه معصب وتمالك اعصابه بالقوه ابو محمد مسكه ابو سلطان قال يارب صبرك تدخل معاذ قال ي اخوي وش هالكلام عيب الريجيل متعنين وجايين لبيتك على الاقل قدر جيتهم وعطهم مرادهم قال ابو عزام يخسون ولاني بالي ادعيتهم لبيتي هم الي جو فز ابو محمد وعطاه بوكس لبو عزام قال ابوي اكسر خشمك ان قلت عنه كلمه ثانيه مسك ابو سلطان اخوه قال اسمع ي ابو عزام ماجينا ندور مشاكل ولا جينا نبي منك معروف حنا نحل مشاكلنا لحالنا ولا حنا محتاجينك امشو ي عيال فيصل التفت لبو عزام بعد ماطلعو ابو محمد وابو سلطان ومعاذ ومسكه قال وش على بالك تبي تروح جيتي على الفاضي لا لي نصيب فيك قبل ماروح وضرب ابو عزام دخلت الجوهره قالت فيصل وش تسوي ي مجنون وتدفه عن ابوها قال فيصل الجوهره خليني اذبحه قالت الجوهره وش قاعد تقول انت عيب هالكلام وترتب ابوها وتجلسه قال فيصل تدرين وش سوى ابوك قالت وش بيسوي ابوي يبه انت بخير هز ابوها براسه اي قال شفتي تهجمون علي في بيتي وللحين تفكرين فيهم وفي ولدهم قالت الجوهره فيصل سعود وين وتتلفت قال فيصل سوال زين حلو  قول لها وينه خطيبها باقي ثلاث اسابيع على عرسها قل لها وينه العريس قل لبنتك إنك سجنت خطيبها على شان ماتتزوجه يلا سكت ابو عزام وناظر يالجوهره وتلعثم ودنك قالت الجوهره يبه وش يقول وش هالكلام مستحيل انت وعدتتني ان سامحتك ماتذي سعود بس الي صار اخلفت بوعدك لي واذيته ايه يبه وانهارت بكي ليه وش مشكلتك بحياتي ليه ان شفتني مبسوطه تاخذ سعادتتي مني قال ابو عزام لانه يستاهل مايستاهلك هالرجال بعدتت عنه بكرهه قالت لا لا انت مو ابوي مستحيل تكون ابوي كل وعودك كذب بكذب ضحك فيصل بستهزاء قال حتى بنتك كرهتك وبكره عيالك ولا راح يبقى لك احد مايكرهكك خلك على هالحال لين تبقى وحيد وبعدها تتعرف وش يعني جمعه احباب وش كثر العائله مهمه دخل ابو سلطان الا فيصل واقف عند رجول ابو عزام دخل بسرعه قال وش سويت ي مجنون لا انا اخذت مجنون ونسيت المجنون الثاني كنت مع جنبي وشلون جيت قال فيصل جيت اعطيه درس ان مشاعر الناس ماهي لعبه وطلع ناظر ابو سلطان في ابو عزام قال فكر زين بالي بقوله لك وافهمه الحق على نفسك لاتدمر نفسك بنفسك  وتدمر الي حولك لاتكرهم فيك وبنتك ان درت عن سواتك ماراح تسامحك صدقني قال ابو عزام درت اصلن وعرفت كل شي وقام وش بيصير ماصار شي قال ابو سلطان الله يعينها اجل وطلع وراح لهم عند فيصل جاء يمشي نزل ابو محمد قال وين كنت قال فيصل الشغل الي كان ناقص كملته عنك وحاط يده على كتف ابو محمد قال ابو محمد وش قصدك وناظر في ابو عزام ضحك ابو محمد قال تسلم يمينك كفو ويضحك ويناظر بفيصل عند ابو سلطان سمع ابو عزام يتهدد في ابو محمد وفي فيصل وقف ابو سلطان والتفت له قال انا الي حميتك منهم اليوم وانقذتك منهم بعد لاكن ان خدشتهم بخدش لو صغير ماحد راح ينقذك مني انا وتعرفني زين وخابرني سمعت  واوعدك بهالشي وراح لهم معصب لبعد حد وركب بدون يقول ولا كلمه ناظر فيصل في ابو محمد ويشر له براسه قال ابو محمد اي نمشي خلصنا شغلنا غمض ابو سلطان وناظر فيهم بعيونه ونظراته الحاده وعرقان من عصبيته قال والله قال فيصل اي خلصنا يلا نرجع مير ماستفدنا مشوار على الفاضي مدري وش بتقول لعمي قال ابو سلطان لا والله ماتقولون لي وشلون بتستفيدون اكيد ماراح تستفيدون ابد انتم ماتستحون ماعندكم حياء في بيت الرجال وتتمادون عليه كان امل ان نقنعه بس وش سويتو انتم قال ابو محمد ماسوينا شي هو الي بدا قال فيصل اي وعلمناه من علوم الرجوله شوي قال ابو سلطان لا والله علمتوه نجح فيها صح وش من علامات عطيتوه قال فيصل مع الاسف صفر ضحك ابو محمد قال معليك مده ويتعلم ونعطيه درس جديد ويتعلم لاتهتم ويضحكون لف وجهه ابو سلطان قال يارب صبرني وش بتقولون لبوي بفهم بس قال ابو محمد ولا شي قال فيصل اي نقول ماقدرنا نقنعه وخلاص قال ابو سلطان لا عاد انتم صادقين ؟ قال ابو محمد ايه قال ابو سلطان سفط على جنب قال ابو محمد ليش قال قلت سفط سفط جنب الخط ابو محمد قال هاه وش عندك نزل ابو سلطان قال انزلو قال فيصل وشو وين ننزل قال ابو سلطان وين من السياره يلا بعصبيه قال ابو محمد لا عاد لاتقول تخلينا هنيا وتروح قال ابو سلطان وش عرفك ذكي والله قال ابو محمد عشرت عمر ماراحت خساره باصمك بصم بالعشره ابتسم ابو سلطان وصد بوجهه عنهم قال يلا نزلو فيصل وابو محمد قال فيصل لا عاد وش هالمزح انت تدري المسافه منه لجهام كم كيلو قال آبو سلطان ان رجع عقلكم بروسكم ذاك الوقت تعرفون كم كيلو ومنه لجهام احسبو المسافه بعد وركب واخذ السياره وراح وخلاهم ضحك ابو محمد قال كنت متوقعها منه من قبل اضرب ابو عزام يعني عارف العواقب وشهي وهذي هي نستاهل صح ويضحك قال فيصل مهبول وين نروح قال ابو محمد خلنا نمشي بيرجع اكيد اعرفه قال فيصل تتكلم وكن مايعرفه غيرك قال ابو محمد اكيد اخوي من متى وانا عايش معه اعرف وش كان يسويي فينا يوم كنا صغار اذا تهاوشنا مع عيال المدرسه قال فيصل تعلمني فيه مانسى وش كان يسوي فيني وفي سطام ومسلط ويضحك  بس ان رجع ماهو على شانا على شان ان ساله عمي مايقول نطلتهم وجيت ويطر يرجع اعرفه وش بيسوي قال ابو محمد اخوه شايب ويخليه اخس عليه ضحك فيصل قال هئه شايب قلت الي يشوفك من شوي مايقول شايب انا الشايب وضحكو على بعض قال بردتت قلبي فيه تسلم يمناك ويمشون على رجولهم قال فيصل هاه عانه رجع ضحك ابو محمد قال معرفتنا فيه بمحلها وقف آبو سلطان قال تربيتو قال فيصل اي يبه تربينا وش متوقع منا نرجع له ونكمل له الدروس ضحك ابو سلطان قال لا ماتغير شي قال ابو محمد وش بيتغير اصلن ماراح يتغير شيء قال آبو سلطان هالشمس ماعلمتكم تسيطرون على عصبيتكم ولا للحين مانفعتكم سكتو قالو ندري معصب بس انت سمعت كلامه من جلسنا وهو ماسكت قال ابو سلطان ادري بس مالازم نفقد السيطره وغيره مانقدر نسيطر على عصبيتنا على شان نوصل للي نبيه اركبو قال فيصل افتح الباب طيب ضحك وطلع راسه مع الشباك قال لا بصندوق السياره يلا اركبو قال ابو محمد افا على هالعمر اركب بالصندوق السياره قال ابو سلطان ادركت عمرك هالحين يعني وش التصرف الي تصرفته انت وياه الي بعمركم يتصرفون بهالطريقة ولا اعقل منكم وادرك نقول فيصل ورع انت شايب قال فيصل افا ماهقيتها منك وش ورع طولك ؟ ضحك قال بس ماكبرت ولا ماسويت الي سويت ناظرو ببعض وسكتو وركبو بصندوق السياره وضحك عليهم ابو سلطان قال وهذي من دروس انكم ماتتسرعون بشي وتفكرون قبل كل شي ومشى ضحكو فيصل وابو محمد قال ذكرت ايام زمان ماتغير نفس العقاب ضحك فيصل قال هالحين بنقعد بهالصندوق لين الديره قال ابو محمد هذه الي حصل ويضحكون على بعض مد عليهم مويه ابو سلطان قال تبردو احاول اخفف من العقاب قلبي طيب قال فيصل والله تقوله صادق ماقصرت والله اجل ضحك ابو سلطان ومر الوقت بعد ساعه ونص وقف قال تعالو يلا قال ابو محمد لا كمل يلا تعبت صح تستاهل كنا خادمينك نسوق عنك بس انت خدمتنا هالحين وتسوق عنا قال فيصل ومرتاحين بعد كمل طريقكك قال زين براحتكم انتم الي تبون هالقعده يعني ضميري ماراح يانبني وضحك وكمل مشواره عند ابو نادر جاء للمركز قال وينه وينه يسال عن نادر قال الشرطي هلا تفضل ي عم قال ابو نادر جايي اشوف ولدي من الي سجنه قال الشرطي افهمك كل شي بس تعال اجلس جلس ابو نادر وقال كل شي له الشرطي قال ابو عزام قال الشرطي ايه قال هالاسم ماهو غريب علي كني قيد سمعت هالاسم قال الشرطي هالحين بخليك تشوف ولدك تعال وراح ابو نادر يشوف ولده عند نادر قال مدري كني سمعت ابوي ضحك سعود عندك حاسه السمع السادسه قال نادر لا والله اعرفه يجي لو زعلان مني ان عرف اني هنيا قال فهد والله ينادر متفشلين منك دخلناك بسوالفنا وانت بغنات الله عنها قال نادر وش هالهرج مشاكلكم مشاكلي من عرفتكم وانتم صرتو اهلي وخواني قال سطام  اي والله اخونا قال نادر دامي اخوكم لا عاد اسمع منكم هالكلام وقف  ابو نادر قال سعود هلا عمي واشر لنادر فز نادر وناظر ببوه متفشل وحنا راسه تنهد ابو نادر قال وش تسوي هنيا قال نادر يبه وشلونك قال ابوه ماني بخير وانت بهالحال ابتسم نادر وقرب من ابوه قال لاتشيل همي انا مع خواني والي سويته الف غيري اكيد بيسوونه على شان خويهمم وبصفه ثانيه نسيبي وانا يبه سويت هالشي على شان اختي الذوق الي وعدتتها لحمي لها زوجها والي علمتك عنها ضحك ابوه قال اي اي بشوفها هالذوق بشوف الي كل المغامرات على شانهم وينه فهد سمعت معك بسجن ابتسم فهد قال انا فهد وشلونك عمي قال ابو نادر الحمدلله طمنوني عنكم ي عيال محتاجين شي قال سعود مرتاحين معليه ماء واكل ونوم وش نبي اكثر ضحك قال ماراح تجلسون هنيا انا الي بطلعكم قال سطام وشلون تتطلعنا ابو عزام عنيد ولا ضني تقدر بس عمي ماراح نطلع منه ولا نسمح انه يتمنن علينا بشي وتكفى لاحد يروح له ويطلب منه ماراح نسمح بهالشي سوى انت ولا جدي قال ابو نادر اقدر غصب عنه مايدري ولد من ساجنه ضحك نادر قال الله يديمك لنا ي تاج راسي ضحك ابوه قال ولد الغاليه وش تتوقع مني اسوي اجلس مكتف الايدين انت امانتها عندي يوليدي امك ماراح تسامحني ان درت اني ماقدرت اسوي لك شي ضحك نادر قال الله يرحمها لا تتسامحك امي قلبها طيب ضحك قال اسمعو ي عيال على شان اعرف اتصرف قولو لي كل شي من الاول ومن هم الي تعاملتو معهم من البدايه بدو يسولولفون له عن كل شي عند الجد مع ابو ضاحي بالديوان على قهوتهم المغرب قال ابو مشاري انا بروح للحلال قال ابو ناصر روح وقام وقف على الباب ضحك ابو مشاري قال يبه صدقني مسوين مصيبه ويضحك قال ابو ناصر من ؟ ضحك ابو مشاري قال ولدك وبناخيك وابو سلطان من سواقته معصب قامو الجد ابو ناصر وابو ضاحي ضحك ابو ضاحي قال وش صاير ليش هذولي بصندوق وش مسوين ويضحكون عليهم ابو ضاحي وابو مشاري قال ابو ناصر اكيد مسوين مصيبه ولا ماحطهم ابو سلطان بصندوق اعرفه يانهم متهاوشين ولا مسوين شي وقف ابو سلطان قال سلام قالو وعليكم السلام قال ابو سلطان جبت لكم خرفان مايفهمون بالكلام ولا حتى يتصرفون قال فيصل الله يسامحك وش هالهرج ونزلو قال ابو ناصر الواضح وجيهكم ماهي بزينه ولا ظنتي استفدتو من روحتكم قال ابو سلطان اكيد وشلون بنستفيد وهذول الريجيل ماعطو لحد فرصه ناظرو ببعض فيصل وابو محمد قال ابو محمد يبه ماتحملنا هانا ببيته ويتطاول عليك تعرفني ماتحمل ناظر ابو ناصر في فيصل قال اي وانت ماتحملت مثل رفيقك قال فيصل مثله ماتحملت هي خربانه خربانه قلت اخربها مايستاهل الطيب ردي ويستاهل ماجاه تنهد ابو ناصر فهم وش سوو قال فارقوني لاتشوفوكم عيني يلا وعطاهم ظهره سكتو قال ابو محمد بس يبه اسمع قال ابو ناصر مابي اسمع منكم ولا شي قال يبه مسكه فيصل قال خلنا نروح وان هدى نتفاهم معه سكت ابو محمد وراحو ابو محمد راح لبيت امه وفيصل راح لموقف السيارات ابو سلطان دخل مع ابوه وعمه ابو ضاحي وسولف لهم السالفه كلها ومر الوقت عند ورد رايحه للبنات وشافت فيصل يدخن عند سيارته تلفتت حولها مافيه احد وراحت له فيصل متكي وساهي بافكاره وشافها خاف وارتبك خاف تساله عن خوانها او عن روحتهم للمدينه ولا عنده شي يقوله لها قال يقلت البخت تكفين ي ورد لاتجين وتزيدينها علي ويصد عنها جت ورد فيصل وشلونك ابتسم فيصل قال بعد شوفك بخير طمني قلبي وشلونك انتي وليه هالعيون ذبلانه لاتقولين دموع الفرح ويضحك دنكت ورد قالت تبي الصدق ي فيصل قال فيصل ومنك مابي الا هو قولي ي دهر قلبي ورجعانه قالت ورد بتنهيده ماراح اكذب عليك ي فيصل بس بالي عند خواني امس حولي واليوم ولا واحد منهم يضيقت الدنيا ي اخوي ناظر فيها فيصل قال اخوك ي ورد وش الي سمعته منك ناظرت فيه ورد بخوف انه يزعل ضحك ولف بوجهه عنها وصد قال زين زين انتي ارجعي وربك يحلها مراح نخليهم اكيد بنلقى حل وقفت ورد وتناظر فيه وكنها تقول لاتصد وتوجع قلبي قالت ماني قاصدتتها بس متعوده اقولها سامحني مارد عليها فيصل وسكت قالت ورد وش جاك ي فيصل تعطيني ظهرك ولا يوم غابو خواني كلاً يصد عني ويعطيني ظهره وكن يبون يفهموني مابقى لي احد بس خواني اكيد راجعين واثقه من رجعتهم غمض عيونه فيصل والفت لها بلهفه وجع وقهر قال ماصد عنك لو روحي صدتت فيصل مايعطيك ظهره ي ورد الا من ضيقه وقهره مالي وجهه احط عيني بعينك ي ورد خايف من عيونك يلوموني اخاف اشوف فيهم الوم على كل شي نظراتك تذبحني وانا مابيدي حيله  لو بيدي طلعت خوانك ودخلت مكانهم مستعد على شان هالعيون افداهم بعمري دنكت ورد وبكت تنهد فيصل وقرب منها شوي ناظرت فيه ورد وسعت عيونها فيه  وبعدتت عنه ناظر فيها فيصل ورجع ورا شوي قال المهم عندي هالعيون هذي ماتذبل ان ذبلت انعميت ي ورد عيوني اسقيها بشوفتهم لاتحرميني منهم ولا تقولين اخوك هالكلمه تذبحني ومايحتاج اقولك اني ابيك وشاريك انتي تعرفيني زين ماني بشاطر بتعبير بس يشهد الله ان قلبي معلق فيك ان شفت حزنك ودي اخذه واحمله على اكتافي ولا اشوفك مكسوره ومقهوره ودي اخذك من دنيا مافيها وجع وحزن الي ابيه ضحكت عيونك هذي تسعدني صدقيني ناظرت فيه ورد فهمت تضايق منها وزادتت ضيقته ضيقه قالت لاتزعل ان قلت اخوي بس ي فيصل انا اعنيها بكل المعاني انت الاخو وانت السند وانت الحبيب وانت كل شي من بعد خواني انت وقت ضيقي وحزني دفعني لك قلب ماختار غيرك انت ضايقه وجيت لك ماجيت بضايقككك ولا جيت بلومك ولا بقول لك لك سبب في بعد خواني عني مالك ذنب لاتلوم نفسك على شي مالك فيه ذنب وتبتسم له ضحك فيصل قال بعون الله ان كتب لنا عمر وتجمعو خوانك حولك راح اقول ابيها وان معطوني باخذك  غصب عنهم كلهم وانتي السبب بالي يبي يصير ويضحك يبيها تضحك ضحكت ورد قالت بس فهد وسطام يبون يذبحونك قال فيصل الموت ان كان عشانك يسعدي فيه اموت وانا مبسوط واضحك بعد وافرح بموتي دام الموت على شانك ويلا ي ورد افرديها ولا تشوفك عيني زعلانه ولا متضايقه ضحكت ورد وشافت عمها ابو محمد وتخبت وراه قالت عمي وين اروح ي فيصل قال فيصل بخوف وتوتر اص اسكتي وتعالي اركبي بالسياره ولا تحركين مقبل علي قالت ورد فيصل وخايفه مسك يدها فيصل وركبها سيارته قال بروح له لاتخافين وقته غلط ناشب لي حتى بحياتي ويبي يروح ضحكت ورد شدتت يده قالت امانه لاتقول له انا موجوده هنيا قال لاتخافين بس ماتطلعين لين اجيك قالت زين وراح فيصل قال ابو محمد فيصل من كان معك قال فيصل بتوتر ومرتبك ونظراته فيها توتر قال من بيكون معي جالس هنيا ادخن وافكر بالي صار وش بقول لعمي قال ابو محمد مو كنت كابه قال فيصل كنت بس هالحين رجعت ضايق صدري قال شفت معك زول وين راح قال فيصل من بيكون معي الله يهديك ورد بكت خافت عمها شايفها قالت ياربي دخيلك عمي لايكون شايفيني مع فيصل وش بيقول عني هالحين قال ابو محمد زين تعال اجلس جلس فيصل وهو عيونه على السياره وخايف عليها قال ابو محمد اول مره ي فيصل احس اني غلطان ابوي زعلان احترت وشلون براضيه قال فيصل وبس زعلان منك حتى منا متضايق هو ارسلنا على ان حنا عاقلين بس رجعنا جاهلين بتصرفنا قال ابو محمد ممضايقني غير اني مادفنته ناظر فيه فيصل قال للحين يعني ماتبت نعنبوك انت ماتتوب ضحك ابو محمد قال لا ماتوب لين يتوبون هم يحدوني ولا انا مابي هالشي ابد قال فيصل معليك وانا اخوك تتنحل باذن الله لاتشيل هم سكت ابو محمد قال فيصل اكيد ماكان معك احد ارتبك فيصل قال اكيدين مامعي احد وش بتوصل له شاك بشي تعيد بهالسؤال كل شوي هز ابو محمد راسه قال لا بس انتبه لاتتسرع ولأ تستعجل بشي وقام وراح قال فيصل وش قصدك ضحك ابو محمد وناظر فيه  وكمل طريقه ناظر فيه فيصل لين راح وتاكد انه راح عند ورد بالسياره قال ورد ورد تبكي قالت اكيد شايفنا ليت ماتهورت وجيتك ياليت بس ركب معها فيصل قال اهدي اخذي نفس اهدي مقال شي ولا شافنا بس انتي اهدي لاتكبرينها قالت ورد بس انا سمعته قال فيصل لا ماسمعتي شي ابد ويلا امسحي هالدموع ويمسح دموعها بعدتت وجهها عنه وغطته بشالها ورفع يدينه فيصل قال طيب الي تبينه بروح اطفي الانوار وبعدها اجيك خليك هنيا وراح وطفى انوار الديوانيه وراح لها واخذها وصلها لبيت الجده قال ورد كنت ضايق ومهموم بس بعد شفتك راح كل الي احس فيه لك فضل علي ابتسمت ورد قالت وانا كان على صدري جبل واحس بوجع وبحيره بس لمست وجعي وشفيته واخذت حيرتي وبدلتها بهدو وراحه ضحك ولف يبي يروح قالت ورد فيصل التفت لها قال عيونه وش تبين ي عين ابوي ويشر لها بحاجبه استحت ورد قالت تصبح على خير قال فيصل وانتي معي بالخير وشلون والخير قدامي كله ضحكت ورد قالت يخليلياك وهجت ضحك فيصل ورجع بنفس الطريق المظلم وهو مبسوط رجع يبي يركب سيارته يروح جاء مشاري قال فيصل وش تسوي هنيا للحين قال فيصل رايح تروح معي قال مشاري وين قال فيصل للبل ضايق ضحك مشاري وركب معه وراح للبل وهو مع الطريق تاكد من حبها له قال وشلون ماحبك وهالقلب ابتلا فيك بدون شعور واحساس ماخليتي عذر لقلبي حتى مايحبك ويفكر وشلون صار هذه كله و انا الي كنت اتمسخر على حب فهد لذوق واليوم انا اعاني من حبي لخته وينك ي صاحبي امدي اسولف لك عن حالي ادري تتذبحني ان قلت اختك ويضحك ناظر فيه مشاري قال علامك وش سبب هالضحكه قال فيصل مشاري جربت الحب ضحك مشاري ماهو مستوعب والتفت يمه قال وش قلت حب ويضحك ميت ضحك  قال فيصل سوال عفوي علامك ويضحك ويبي يتهرب من نظرات مشاري قال مشاري لحظه وقف السياره بسالك قال فيصل خلاص لاتندمني اني سالتك ضحك مشاري قال الحب مافيه احراج ي فيصل علامك ارتبكت كل الي قلته ان ماهو عيب تحب ناظر فيه فيصل قال يعني جربته ابتسم مشاري وتنهد قال حب وتغيرت ملامحه ويبتسم ناظر فيه فيصل قال علامك قال مشاري وش ينفع فيه الحب والحبيب مايعبر حبيبه سكت فيصل قال ليه ماعبر حبيبه وش تقصد قال مشاري من صغرها حبيتها بس هي ماهي معبرتني حتى حاولت اتكلم معها بس تجاهلتني ومشت ولا كني واقف اتكلم معها ابتسم فيصل وقف السياره قال مرات فهد قال لي ماهو مهم تنحب المهم تحب وتسعده  للي تحبه وتضحي على شانه لو مادرابك المهم انت تدري ابه ناظر فيه مشاري قال وش يفيد هالحب فيه اجل اذا هو مدراء عني ولا عن حبي سكت فيصل قال عطه  فرصه ثانيه كلن يستحق فرصه بس لاتعطيها الا بالوقت المناسب لاتتسرع فيها ابتسم مشاري قال خلك مني هالحين قلي وش عندك وش سبب هالسوال قلي حب قال فيصل ماعندي شي علامك سالت سوال بس  قال مشاري ماراح اضغط عليك ان شفت انك جاهز تقول لي فوقتها انا جاهز اسمعك ويضحك ضحك فيصل وكملو طريقهم للبل مبسوطين ✨