عشقتك وعشقي لك مرجله وعناد وقلبي اسير لك في الحب والشوق

83

عند ذوق قلبها ماكلها على فهد اتصلت فهد كان منسدح ماجاه نوم قام وجلس على النار وينفخ فيها يبي يشعلها اكثر اتصلت ذوق قام فهد واخذ جواله ابتسم قال ي هلا وغلا بمناي وكل مرادي ورد علاها ارحبي ي عين ابوي  ذوق بلهفه فهد وينك وينك ي عيون الذوق مافكرت ان الذوق عيونها اختارت سهر اليل بغيابك ضحك فهد قال بسم الله علاك ي روح فهد ماتقولين لي وشوله عيونك اختارت السهر وماختارت الراحه لان روح فهد هنيا ترتاح ان ارتاحت منى عينه ترتاح  روحه سكتت ذوق قال فهد ذوقي قالت ذوق هاه معك قال علامك وش فيه اختفى صوتك بعد ماحياني قالت ذوق فهد وينك قال فهد قريب ي عيني وش فيك وراه صوتك تعبان فيك شي طمنيني بالله علاك قالت ذوق بصوت باكي مشتاقه لك فهد بضحكه على هونتس علي تكفين مابيتس تقولين لي مشتاقه وانا بعيد عنتس قوليه لي وانا قريب منتس ذوق سكتت قالت وش اسوي طيب اذا انا مشتاقه لك اسكت ماتعرف السكوت يذبح قال فهد ي قلبي جايتس بكره ولا الي بعده إن شاءالله اصبري مثل ماني بصابر اشتقت لحضنك واشتقت لريحتك وبردان ومادفى الا بين يدينتس مشتاق ومايهدى شوقي الا بقربتس قالت ذوق ان كان مشتاق تعال ومنها ينطفي شوقي وينطفي شوقكك قلبي متقطع علاك ذبحني بحنينه مدري كيف اوصل لك اني مشتاقه لك كثير بس وشلون مدري افهمها ياخي ابتسم فهد قال ابشريبي لجيتس هالحين لو تبين قالت ذوق لا لا خلاص امانه فهد باليل لاتجي بكره اي هالحين لا قال فهد نعنبو حيتس وشلون قلبي يدريبتس تعبانه ومشتاقه لي ويرتاح يبي ينشغل لين اشوفتس قلبي وادريبه قالت ذوق اي مشتاقه بس ماتعرف اني ماحب اليل ولا احب المسرى فيه اخاف قال فهد اشش كم قلت لك الخوف لايحوفتس وانا موجود ومعتس ذوقي ماعندي بهالدنيا غيرتس اخاف علاه غير اخواني انتي بعين  وخواني بعين وكلبوكم عيوني الثنتين ضحكت ذوق قالت طيب بقولك شي قال فهد عيوني لتس وكلي فداتس اسمعتس قولي قالت ذوق اي طيب احبكك ابتسم فهد قال بس قالت ذوق كيف قال فهد بس تحبيني قالت ذوق اي قال فهد والله قالت ذوق فهد وش قصدك قال فهد فيه واحد هايم هيام فيك نعبوتس صرتي لي نفس احيا ابه واموت بدونه صرت اخاف اعيش بدونتس صارت كل افكاري فيتس وادعي عساء الله مايحرمنيتس مثل ماحرمني امي قالت ذوق ي عمري وذوق بلا فهد ولا شي انا الي اخاف يجي يوم وتخليني ولا اغمض عيني ومالقاءك قال فهد وفهد بلا ذوق ولا شي لاتخافين ماخليتس وريحي لي قلبتس ولا تتعبينه وآن شاءالله جايتس باذن الله احتريني بس قالت ذوق اعد الدقايق لشوفك بس هاه ولا تطول علي بيهلكني الانتظار دام الامر يخصك قال ابشري ي كل مناي وكل احلامي والي بسببها الضحكه ماتفارق وجهي ضحكت ذوق قالت يلا نام قال فهد وشلون انام وانتي مانتي معي هالبرد ولا يمزح لو انتي بقربي كان البرد مامسني ولا احتواني حتى قالت ذوق قلبي تكفى تدف زين لايحوفك هالبرد انا جمدتت وشلون انت قال فهد زين من عندتس شوفي اذا انتي لحالتس بالبيت بزعل ترا قلت لتس تروحين لعمتي ولا البنات قالت ذوق لا سحر ورد ورموس وامي عندي قال فهد وين قالت بالمطبخ يسوون قهوه وامي بالغرفه ضحك فهد قال اجل انبسطي ي قلبي ذوق زين 🥺 وسكر فهد وهو خايف علاها حس بتعبها بس ميدري وشهو وكل ماسالها قالت مشتاقه لك وسكت تنهد فهد قال يارب ودعتك قطعه من روحي ان كانت تحس بتعب حسسها براحه وعافيها لي وقام وانسدح يتقلب يبي النوم والذوق جلست هي والبنات سوالف وقهوه ورد نلعب رموس وش نلعب قالت ورد لعبه جراءة وصراحه وطبعًا كلها صراحه لان بهالوقت مافيه جراءه قالت ذوق قدام قالت رموس وانا عندي عادي ناظرو بسحر قالت لا ماوافقكم العبه كلها فضايح ادريبك ي ورد وين بتوصلين قالت ورد حرام علاك ابتس الي ابيه نتسلى مافيه شي بوصل له واقطعي ثلاثه ضد واحد وافقي وخلي عنك الفضايح قالت سحر يارب صبرني على هالبنت تتجنني تتطلع الشيب براسي بهالعمر ضحكت ورد قالت لا تطمني توك علي المهم بدو بالعبه جت على رموس قالت ريماس غش من اولها علي قالت ورد اقطعي وجوابي كيف تشوفين خلينا نقول مشاري شهقت سحر وناظرت فيها غمزت ورد لسحر وسكتت سحر وتناظر بذوق ورموس رموس استحت من سوال ورد معاً مافي سوالها شي قالت مدري وارتبكت قالت سحر عادي عطينا نظرتك فيه قالت ورد وانتي لاتستعجلين جايتس الدور ضحكت ذوق قالت ورد وش براستس بنات اعرفو لها قالت سحر ازهلي قالت ورد ريماس عجلي وش قالت رموس رجال صادق وكفو واشوفه حنون قالت سحر هههه قلتي حنون لا نبي شي ثاني ناظرت فيهم ريماس بنظره استغراب قالت وش تبون اقول قالت ورد من جهه كيف تشوفيه يعني قالت رموس اشوفه عادي صاحت ورد قالت لا ضحكت ريماس قالت وش اقول طيب قالت سحر دقيقة انا افهمها طبعاً كيف تشوفينه يعني من ناحيه ثانيه قصدها ورد مثلًا شي تشوفينه فيه وماتشوفينه في غيره قالت ورد اي قالت رموس مدري جاء مشاري ودق على سحر قال تعالي ولا تبون انزل الاغراض على الباب وخذيها قالت سحر لا يويلك تروح قال مشاري لاتهددين ابلعي لسانك قالت يحر اوف زين وسكرت واخذت ريماس بيدها سحبت ريماس يدها قالت وش تبين فيني روحي له انتي اخوك قالت ورد اقول قومي اخوها ماهو باكلك البنت خايفه قالت ريماس لا ذوق شوفيهم قالت ذوق عادي روحي اقفي على الباب واهدي الاغراض وتعالي تنهدد رموس وناظرت فيهم قالت سحر مو فاضيه له يعصب علي امشي راحت معها ريماس مشاري معصب قال متى انا مناديك دبلت تسبد الفك ابه هالحين ناظرت سحر فيه قالت ريماس تعالي خذي هذه ابتسم مشاري ناظرت فيه سحر قالت بالله مشاءالله هالحين الابتسامه شقت وجهكك قبل شوي لو بيدك دخلت راسي تحت الكفره ودعسته وهالحين الابتسامات لها قال مشاري اقطعي وانتي ساكته اخذي هالاعراض بروح البرد ذبحني وانتي تتعللين قالت سحر تعالي ليش واقفه اخذيها قال مشاري نعم اخذيه انتي ليش تاخذه هي ماهو بثقيل ترا اخف منك جت ريماس قالت عادي هاته ومدتت يدها ناظر فيها مشاري وناظر بيدها قال زين سحر خمت كيس ودخلت داخل وقفت ورا الباب جت ورد وقفت معها ذوق واقفه على الباب الداخلي تضحك وهز براسها لاحول يويلك ي ريماس شكلهم بيتعشونك اليله نرجع لمشاري طيب خذيه ودخلي بسرعه برد ابتسمت ريماس قالت زين بس هذه كيف قال بس اخذي هذه ونادي السلقه تجي تاخذه قالت لا خلاص هاته ( عصير عائله سفن وببس ومعه اغراض ) قال زين بنزله لتس على الباب قالت مشاري التفت لها قال لبيه يقوله مشاري استحت رموس ودنكت ضحك مشاري قال علامتس ورجع يمها قال وش تبين قالت لا خلاص وتتهج وقف قدامها مشاري قال وين قالت بدخل برد ومتوتره يشوفونها ورد وسحر وتتهج منه قال مشاري بسالك وخليك معي صادقه وانا اي شي تقولينه ابشريبه ماقولتس لا اقول ابشري وانا لتس فدوه استحت ريماس قالت وش وناظرت فيه عيونها بعيون مشاري توترت من نظراته ودنكت قال مشاري قال لي جدي جت ركض سحر قالت بسم الله ليش تاخرتي ناظرت رموس بمشاري وبسحر قالت رموس كنت كنت وتقطع بالكلام قالت سحر خلاص لاتقولين شي والتفت ريماس بمشاري تبي تعرف وش يبي وش كان بيقول راح مشاري لسيارته وقف ناظر فيها وركب والتفت لها وناظر الا هي واقفه على الباب وتناظر يمه ابتسم وهز لها براسه ومشى دخلت ريماس وراحت المطبخ وقفت قالت وش كان بيقول لي يترا جت ذوق قالت وش كان بيقول لك ارتبكت رموس وناظرت بذوق قالت مدري كان بعيونه شي وده يقوله بس السوسه اخته ماخلته يقول وتنهدتت ضحكت ذوق قالت يمكن كان بباله سوال ويبي بسالك ياه يمكن كان يفكر ان عندك جواب لسؤاله قالت رموس مدري وش كان بس اذا عندي جواب ماراح ابخله عليه بس وشهو هالحين سواله احس بشي بس مدري وش عيونه فيها شي بس وش هالشي هذه الي محيرني قالت ذوق رموس كان سوال البنات اولا واضح بس انتي الي ماتبين تجاوبين وراوغتي بالكلام حتى يوم اتصل جوال سحر فزيتي وكنه فرج لك من سؤالهم والجواب الي يبونه قالت رموس مدري والله مشاري حباب وقلبه طيب بس تصدقين حسيت انه عصبي مع ان ماهو بين عليه غير انه هادي ضحكت ذوق قالت لو يخطبك توافقين التفت ريماس قالت مستحيل قالت ذوق ليش وش يمنع مشاري يستاهل وحرام تردينه ان كان نوى وبخاطره يتزوج منك قالت ريماس ماحب حتى طاريه الزواج مابيه يخوف وغاورت عيونها دموع قالت ذوق الزواج مايخوف اذا الي اخترتيه صح وعساء الله يجبر خاطر مشاري ورجعت للبنات جت ريماس بالعصير وجلست قالت نكمل لعبتنا وناظرت بسحر قالت سحر لا خلاص احس ممله ضحكت ورد قالت لا لا ماهي ممله تعالي وواضح ان رموس ناويت لك نيه قالت رموس اي والله نكملها قالت سحر زين وبعدي انتي قالت رموس اي بس خلينا نكمل وكملو وجاء الدور على ذوق وجاء الدورر على سحر ضحكو ضحكت النصر ناظرت فيهم سحر قالت نعم وش سؤالكم ولا اقول إختار الجراءه قالت رموس بس ماعندك جراءه قالت سحر ليش طايحه من عينتس ترا بشقها ابتسمت رموس قالت زين اسمعي تتدقين على واحد من الربع وتسالين هو وين قالت سحر من حددي لي اسم واحد وش رايتس ادق على كل واحد فيهم ضحكو قالت ورد معروف راعي الفروه ولا تبين بالاسم عادي نقول الاسم ابتسمت سحر بتخوف قالت نعم والله ليدرم رقبتي مشاري وش جالسات تهبدن فوق راسي قالت رموس دخلنا هالعبه على اساس ان حنا قداها فخليك قداها ويلا قدامي قالت سحر مستحيل ادق عليه يويلي وش بيقول والله ليعكس تفكيره واصلن يمدي راقد قال رموس مستحيل بهالوقت يرقد امدي الساعه ١٢ قالت سحر هو مو مثلك امدي عنده شغل قالت ذوق كل شوي بعذر اجل اختاري شي انتي قده قالت ورد الصراحه اختاريها لان الجراءه مانتي بقدها تنهد سحر قالت ومن وين رقمه ضحكو قالت رموس هذي هي اخذيها من مشاري ضحكت سحر ضحكه بستهزاء قالت مشاري انتم مختارين الشخص الغلط يلعني والله قالت ذوق سحر خلاص اختاري الصراحه والصراحه مافيها شي قالت سحر السالو بدون نفس 😭 قالت رموس وشهو نادر بنسبه لتس التفت فيها سحر وارتبكت قالت صاحب اخوي وضيفنا وش بيكون بنسه لي غير كذا وقلت رايي فيه من قبل رجال كفو معلاه اخلاف ضحكت ريماس قالت لا لا مابي الي يقوله لسانتس ابي الي يقوله قلبتس وش يقول قالت سحر والقلب دائم ميبلى الانسان غيره وش بتوقع منه ماتقولون لي قالت ورد عشقتيه تنهد سحر قالت لا وش دخل وتتغير الموضوع قالت رموس تحلفين قالت ذوق الحب حلو ي سحر لاتحرمين نفسك من هالفرصه بهالحب دام هو جاتس ليش تبعدين عنه قالت سحر الحب بلوه اخاف ابتلي وانا ماعندي حيل للبلوه سكتو قالت ورد لو منك اتمسك فيه ولا افكه التفت فيها سحر قالت وش نعرف عنه غير اسمه وش اكثر من اسمه نعرفه قالت ذوق فعوله تكفي عن غيرها الرجال من قبل ساعدنا وساعد اهلنا واجد ولا شفنا منه قصور اجل ليش نحط فيه قصور ماهي فيه قالت رموس اسمه ضحكت ورد قالت اي قال اسمه لها وعطاها محفظته وبطاقته وميته ضحك ذكرت السالفه قالت ذوق وش بيكون اسمه غير نادر قالت سحر نادر *******الفيصل ام ذوق اسمع الاصوات وجت وقفت من سمعت اسم نادر قالت معقول الي ببالي بس ليش ليش ماقال ليش سكت لا لا يربي ماهو الي افكر فيه بس قال امه مزون وقال ابوه حماد وشلون ورجعت غرفتها تفكر ان نادر نفس الشخص الي كانو يدورون عنه ولا هو بس شك وجالسه تفكر نرجع عند البنات كملو سهرتهم بسوالف عن نادر والكل نام واصبح الصبح عند نادر وفهد بيمشون سعود رفض قال ماروح روحو انتم قال نادر لاتفكر حتى فيها ماخليك الا وانت قدامي سعود يكح تنهد قال مسلط سعود ياخوي لاتعاند شوف وجهك تعبان قال سعود مافيني شي ولاني برايح وطلع برا سكتو شافوه تعبان جت الجوهره تمشي جايه لحصه تنهدتت قالت يزين هالزول جعلني ماخلا ولا انعدم منه يارب شافها وابتسم سعود قال يحي صباحي بشوفه ويبري علتي بجيته جت الجوهره قالت سعود يصباح السعاده كلها ابتسم سعود قال ي صباحي ونور عيني ضحكت الجوهره جت قربت قالت سعود ناظر فيها سعود بتعب قال عيونه قالت عيونه طيب ليش عيونه تعبانه سعود فيك شي هز براسه لا بس مشتاق وانتظر القاء ابتسمت الجوهره قالت سعود لاتتعب على شاني قليبي ماهو متحمل يصير لك شي ماتحمل حتى تدققك شوكه قال ريحي لي هالقلب وارتاح انا ترا صبري نفذ يبنت قالت الجوهره الي مهم عندي احمد وبعدها يحلها ربك ي سعود احمد عندي بهالدنيا قال سعود الله يخليه لتس وكان بيلف يروح مسكت يده الجوهره قالت سعود ليش قلبي يحس انك تعبان ينغزني وكان فيه شي ابتسم سعود قال ي عمري والله مافيني شي جاء ابو عزام وشافهم يسولفون وراح سعود شافه وهج دخلت الجوهره عند حصه قالت صباح الخير قالت حصه ي هلا ي صباح النور والسرور تعالي قالت الجوهره حصه انا بحاجتك ساعديني قالت حصه بسم الله وش فيك قالت بروح لذاك الحقير تكفين قالت حصه نعم وش وش قلتي وش تفضلتي قالت الجوهره اخفضي صوتك لاحد يسمعك بس بقوله كلمتين والله ماطول قالت حصه يويلي ان درو عمك وابوك وخوانك قالت الجوهره معلاك المهم احمد يطلع المهم اتفقو وراحت الجوهره لفواد وحصه على اعصابها ومتوتره مر الوقت عند الجوهره وصلت عنده لقته يفطر انصدم فواد قال اعوذ بالله من انتي قالت الجوهره مامداك تنساني الي عذبتها وعلمت على جسمها قال انتي اخيراً رجع عقلتس لراستس ورجعتي لبيتس قالت الجوهره لا مارجعت على شان وجهك هذه البارد بس جيت اقول لك ان ماطلع احمد وجاء العصر وماجانا احمد صدقني ببلس علاك وبقولهم سالفت الرجال الي انت خابره الضيف تتذكره وهي خايفه ماتحب ذاك الموقف جاءها منه ازمه بس متمسكها بحالها قدامه قال فواد وش قصدك قالت الي سمعته بروح لشرطه وبقول لهم كل شي وتدخل السجن ماهو مده ولا عده سنوات وتطلع طول حياتك تتخيس به وسع عيون ابها فواد قال وش قاعده تهبدين فوق راسي قالت الجوهره لا ماهبد الا اقول الي لازم اقوله من الاول قال زين زين اسكتي وش تبين هالحين بفهم ضحكت الجوهره قالت احمد ابيه ابي اخوي قال وش دخلني بخوك قالت لا لا ي فواد احمد بسببك دخل هالسجن وبسببك بيطلع هالحين تروح وتتنازل ولا والله وحيات وغلات احمد عندي لقول كل شي اعرفه وانت وقرارك مالي دخل ترا نبهت وانت وخيارك ياتطلع اخوي وتشتري حريتك ولا تدخل مع اخوي عصب وبيمسكها طلعت السكين قالت لا غبيه انا تركتك مره ماتركك مره ثانيه تلوي لي ذراعي بخواني وابوي انت نذل وتدري وين مكانك القبر ماهو السجن انت شكيت بضيفك وزوج وقطعتها قالت الي هي وشلون فيه قلي معزب يشك بضيفه بضيفه قال فواد اي ضيفي الي يسرق النظر بحرمتي قالت لا هذا تفكيرك الوسخ الضيف جاء عطشان وانا الي قلت له القهوه وهو قلط وش تتوقع منه ان احد عزمه وانا تعلمت مايمشي الضيف الا بكرامته وانا اكرمته بس انت وش سويت ذبحته تعرف انت مجرم ناظر فيها فواد شافها ترجف قال اهدي وش تبين بدال هالهذره هذي قالت الجوهره احمد العصر ابي اشوف اخوي غيرها مابا وهجت عصب فواد لانها مسكته بيده الي توجعه قال عبا راسك ابوك اكيد انا اوريه وطلع معصب الجوهره تضحك وترقص دخلت على حصه واميره قالو امشي هاه وش صار قالت لمست بكلمه مني حياته وهو بيده يختارها ولا يختار عناده قال اميره وش بيطلقك قال لا برد لك روحك الي بسببي راحت عنك برد لك احمد وعدتتك وهذه انا اوفيت لك باقي حبيب روحي اوفي له ضحكو مبسوطين ان احمد بيطلع مر الوقت راح سعود لبو عزام قال اخذ هالرقم وقله من طرف سعود واخذ منه قرض وسدد هالدين وشري حريت الجوهره ابتسم ابو عزام قال تساعدني ي سعود كبير والله كبير التفت سعود في ابو عزام وهو معقد حواجبه قال لاتفكر على شانك على شانها ولا انت ماتستاهل ولا حتى ذره مساعده دموعها غاليه عندي وبهالدنيا اشريها وسو الي قلته لك غيره مابي منك رجع الضحكه على وجهها وجهها مايستاهل غير الفرح والسعاده رجعها لحضنك حسسها بالي فقدتته لاتكون اناني مع بنتك والي سويت هذه كله على شانها راحت لربها لاتحسب الي سويه على شانها لا تراك عكس تقهرها وهي بقربها لو عايشه ماراح تقول هذه هو الي حبيته سو شي يسعدها ماهو يجرحها هذه الي يحب ومشى سعود مر الوقت العصر جالسين يتقههون بيمشون فهد ونادر وخوانه احمد سلام شهقو ونزلو فناجيلهم وفرحو بشوفه وبنفس الوقت منصدمين قال عزام احمد ضحك احمد وخمه قال تعال وخلنا من اسالتك ضحك عزام وحضن احمد اخوه قال يبعد هالدنيا جت الجوهره ركض وقفت على الباب قال جيت ي شمعت الدار جيت ي ريحت هلي ضحك احمد وفتح يدينه لخته الجوهره ضحكت الجوهره ودخلت بحضن اخوها احمد وحضنها وباس راسها قال جعلني فداتس ي خيه طمنيني عنتس قالت الجوهره قبل ماني بخير بس هالحين لا والله بخير بشوفتك معنا ضحك احمد ومسح راسها وباسه قال جعل عمرتس طويل ي خيتي الجوهره حدها مبسوطه اول شي بسعود وبعدها احمد قال معاذ ماتقول لنا وشلون طلعت هنيا الجوهره صابتها ام الركب قالت ماهو مهم وشلون المهم طلع صح وتناظر بعزام قال صدقتي لاكن بنعرف وشلون غمضت قالت ياربي ماهو ضروري ترا تعرفون وشلون فضوليين يارب رحمتك ضحك احمد قال بقولكم بس لي صاحب لازم اشوفه قلبي علاه نار ضحكو قال فهد روح روح ويشر بيده ضحك احمد وناظر بمعاذ قال معاذ هيه ترا بس واحد الي لازم تشوفه ماهو الكل خلك هنيا بناديه لك وطبعًا بوجودي ابتسم احمد قال زين زين ناده ليش بوجودك ترا ماني باكله حمدلله والشكر قال معاذ اسكت قالو وش فيه الولد ويضحكون علاه هز راسه عزام قال يولد اعقل قال احمد ماتدري وش احس فيه ياخوي خلني تكفى قال سعود حاس بالي حسيت فيه ولا يهمك اقول انطلق ولا ترد علاهم هذولي مسوين فيها شي روح وانا اخوك لو هم دخلوه بروحهم قال عزام اقول انثبر انثبر علاك خروف الي ينطحك قال سعود هبدك بعير مايشوف الدرب قال نادر خلاص وش فيكم كنكم ضراير وحتى الضراير ماوصلن للي وصلتوله هالحين قالو اقول لاتشبهنا بالحريم قال مسلط علامهم الحريم قال عزام كنهم  انت قال فهد هيه لاتغلط قال مسلط اي عادي ادري ليش كنهم  انا لان الي قدامي حرمه زيهم ضحكو عصب نادر قال تسكتون ولا وشلون سكتو 😭 عند احمد ضحك قال وينها امي وين خالتي ويناظر بالجوهره هو استحى من عمه معاذ وعمته ام عمر جت ام الجوهره قالت هنيا ي عين ابوي ضحك وسلم علاها وتحمدو له بسلامه جت وقفت وراهم اميره وعيونها فرحت فيه وفيها من شوق ماله حد التفت لها احمد وعيونه حب وهيام ابتسم قال وشلونتس ي عمه قالت ام عمر بخير ضحكو الجوهره وامها وحصه لابسه حجابها وجايه تتحمد له بسلامه قالت حصه تعالو واخذت الامهات وصرفت معاذ قال معاذ وشلون اخليهم لا مستحيل قالت حصه معاذ روح للعيال ناظر فيها قال مستوعبه الي تسوينه خير اخليه مع بنتاخي قالت حصه قلت روح ودفته على العيال ضحكو قالو طردوك وميتين ضحك وطقطقه علاه قال معاذ ماحد طردني ومالكم دخل جايين تطقطقون علي انت وياه ويضحكون منه عند احمد ضحك متوتر ويتلفت حوله ويفرك بيدينه وناظر فيها قال وشلونتس طمنيني عنتس قالت اميره بخجل حمدلله قال مافقدتيني ولا اشتقتي لي واضح ولا طقيتي لي خبر حتى وسعت عيونها اميره وانفجرت علاه قالت لا عاد كذا تزودها ولا كنك شلعت روحي وجاي بارده مبرده تقول لي هالكلام وشلون ووينك ماعاد تفكر فيني وشلون قلبك طاوعك تسوي فيني هالسواه كنت ميته من خوفي علاك كنت خايفه تبرد خايفه ماتاكل زين ونحفان تدري ليش متاكل زين صح ؟! 🥺 ضحك احمد قال وشلون مامدى مالي الا يومين قالت اميره هاليومين هذي عندي سنتين احمد تكفى لاتخليني خلاص مثل ماعودتت قلبي علاك حافظ لي علاه وحافظ لي علاك ماعاد اتحمل شي قلبي خلقه تعب وانا تعبت معه كل همنا انت وانت ولا همك على ماظن ضحك احمد وقرب بعدتت اميره لورا قال احمد زين معليه بس انا مافكرت بنفسي فكرت فيك كنت خايف ماشوفك خفت ابقى طول عمري بهالسجن وان طلعت القاء ماتحملتي وتزوجتي وجبتي ولد ووقتها اشوف ولدك يعدي تحتك خفت من ان تصير صرت افكر الف مره بهالشي قالت اميره وشلون فكرت اني اوصل لهالحد انا اميره ي احمد وين كان عقلك يوم فكرت اني اسوي هالشي ان ماصرت ام عيالك ماصير ام عيال غيرك ضحك احمد وخم يدينها واحتواها بيدينه ناظرت بيدينا اميره قال وانا مابي اصير ابو الا منك ابيك ام عيالي مابي من غيرك عيال ابي اول ولد لي يناديك يمه ويناديني يبه ابيك ي بنت خلاص شوفي مابي اجل اي شي خططت له وانا بين اربع حيطان تكفين استحت اميره ودنكت رفع وجهها بيده احمد قال عينتس بعيني وقولي لي ابيك وانتظر هاليوم الي يجمعني معك على وساده وحده وتنومني على صدرك وتنام على صدري وان حسينا بالبرد ندفي بعض عن البرد ومايلقى اي مجال البرد يدخل بينا اميره ذايبه بعيونه الحاده ونظرته لها كل مره نفسها ماتتغير ولمسته حنونه فيه شي يختلف ابتسمت له نفخ بوجهها احمد قال وين رحتي بعدتت وجهها عنه اميره قالت طيب انت قلتها ليش اقولها والله استحي وهجت ضحك احمد ومسح على وجهها بيدينه ودخل عندهم قال فيصل جاء ي عيال ول ابك انت علامك قال مسلط ارتبكت صح تصير تصير ويضحك سعود : هذه علامه  عزام : بسم الله هو راح صاحي جانا مجنون ولأ يتهيى لي علاك اخلاف وهو يناظر باحمد بعصبيه ضحكو فهد ونادر سطام : ماحد بلايمك معلاك  ولا تحرجونه وميت ضحك وضحك معاذ وعبطه على يده قال اي سوال تتجاوب علاه ويشر له بالعيال وكلها الله يعينك علاها وش سويت لبنتاخي قال احمد ولا سوال منها ومافيني شي وبنتاخيك لاتنسى بتصير حرمتي وورفس فيصل ومسلط برجله برجولهم لان هم الي اول من بدو ضحكو قال فهد  هاه ماقلت لنا وشلون قدرت تطلع قال احمد مدري جاء هو وتنازل وجيت كيف والله مدري قال نادر مستحيل انه ينسى الي صار معه اكيد فيه شي خلاه يطلعك بس وشهو قال احمد مدري عاد والمهم طلعت والله الحمد قال سعود اموت واعرف وشلون وهو كان حالف يلوع قلب الجوهره علاك قال احمد لحظه هو قالي قل لختك ماراح انسى الي سوته ولا تحسب بهالسواه قدرت تطلعك وش قصده ويناظر بالعيال قال فهد يمكن الجوهره اسالوها قام معاذ قال لازم نعرف لحظه وراح للجوهره قال تعالي وجت الجوهره قال عزام تعالي يبعد هالدنيا ابتسمت الجوهره قالت هاه قال سعود جوهره التفت له الجوهره قالت لبيه قرب سعود قال لاتقولين لي رحتي لبيته رجيتس قولي لا سكتت الجوهره وش بتقول اي رحت لا هجت من سوال سعود خافت على زعله راحت وقفلت علاها باب الغرفه راحو وراها كلهم قال معاذ يعمي افتحي وفهمينا وش صاير وشلون طلع احمد وبعد قروشه بكت الجوجره قالت مدري قال سعود لا تدرين وتعالي قولي ماسامحك ي الجوهره ان كان رحتي له فتحت الجوهره شوي من الباب ومن طرف الباب ناظرت بسعود قالت روحتي له ماهي لشي ولا غيره روحتي له على شأن اخوي غمض سعود عيونه قال اخخخ وضرب بيده بالباب قهر مسكه عزام قال علامك هدى خلنا نفهم قال سعود وش بفهم ي عزام وعيونه حزينه راحت له راحت وهي وعدتتني ثاني مره تخلف لي بوعدها وش اسوي تتذبحني هالبنت ي اخوي عزام مستغرب ويناظر فيهم ضحك سطام بيغير الموضوع قال قولي كل شي جلس سعود غمض فهد وتمسك بيدينه بغضبه شاف قهر اخوه قال وش انتي ناويه ويناظر بالجوهره طلعت الجوهره وقفت قدام سعود قالت وحيات هالعيون مارحت موده رحت اقوله يايطلع اخوي ولا راح يدخل معه السجن ناظر فيها سعود قال وشلون يدخل قالت هدتته والله على شأن احمد قال عزام بوش هدتتيه قالت هو وعدني يطلع احمد وانا وعدتته ماقول قال سعود والله وتحفظين بوعودك معه شي جديد والله قالت اقولك بس توعدني ماتقول على شان احمد قال وش بكت قال احمد لا تقولين لنا كلنا غير كذا مافيه ويلا قولي قالت هو قاتل واحد وسعو عيونهم فيها قال عزام مجنونه هذه مجرم وشلون تسترين علاه قال فهد الله يهديك روحتي نفسك معه قالت الجوهره لا انا مالي دخل هو شك فيني وفيه حرق يدي الي سقيته ابها وهو قتله وتذكرت المواقف الي صارت وانهارت مسك يدها سعود قال رغم وجعك لي مابي اي وجع يمستس ليش كل مره تذبحيني فيها ناظرت فيه الجوهره قالت والله مانويها ولاني بقاصدتتها بس خواني ي سعود افهمني افداهم بروحي مالي غيرهم ابوي ولا يدريبي وهم صارو لي الاخوه والاب وشلون افرط بواحد منهم بعد كل ذا من وانا صغيره وهم كني بنتهم اسفه سامحني سحبها وحظنها عزام قال راح نشوف حل بس انتي يخيتي مجرمه اذا تسترتي على مجرم قالت لا لا ماني مجرمه وانا ماتسترت والله هو وامه حبسوني حتى كل ماقلت اجي لكم هنيا رفضو وهو يضربني وتفصخ على ذراعها كلها اثر ضرب واي اخر مره اتصل علاه ابوي وقال له وتوعد فيني ان تكلمت يدفنني مثل الضيف وتبكي تنهدو قالو حصل خير المهم احمد طلع والباقي محلوله أن شاءالله وهزو بروسهم لاحول الجوهره تناظر فيهم شافت بعيونهم عتاب بس مالها ذنب حكم القوي على الضعيف هم رموها له ولا يدورن بالي يصير معها وراهم وهي بالعه وساكته سعود طلع برا قال هو انا اسلاه واصد عنه ولا ابقى له وابقى معه وش اسوي ياربي حط يده فهد على كتف سعود تنهد سعود وسكت المهم مر الوقت ( نسرع شوي بالاحداث لانها نفسها ) ابو عزام دفع دينه لهم اخذ قرض وطلب طلاق بنته وحريتها فواد راوغ بالكلام يعني مايبي يطلق قال بنتك جتني هنيا ببيتي الصبح قال ابو عزام وشلون قال اي مانت مصدقني روح اسالها يمكن تبيني قال ابو عزام مايهمني لو تبيك انا مابيك مسكه ابو عزام برقبته قال غصب عنك تطلقها سامع وهالحين واخذه قدامه المهم طلقها فواد بس بقى اجراءات الطلاق وحمدلله ورجع مبسوط وفؤاد مغبون مايبي سعود يتهنى فيها ومقهور انه غصب طلقها وهي تترجع لحبيب القلب ابو عزام يضحك جاء دخل قالت حصه هلا ليش جاي قال وين الربع قالت حصه بديوانيه قال اجل وين بنيتي ابتسمت حصه قالت داخل دخل ابوها وهي تبكي وحاضنه ركبها قال الجرهره علامك يابوي قالت تعبت وش تبون مني والله تعبت ماعاد فيني حيل وللله عساك مبسوط بالي سويته وشلونك مع البيعه الي صارت بينك وبين ذاك المجرم سكت ابوها قال وهذه انا جاي ابشرتس قالت الجوهره بوش قال مبروك  طلقك هذي هديتك مني حريتس خليته يطلقك غصب عنه سامحيني يبوك ضحكت الجوهره قالت احلف يعني انا حره هالحين قال ابوها اي ضحكت الجوهره وضنته قالت شكرًا 🥺ضحك ابوها وباس راسها وراح لهم بالديوان قال سلام وهم معه ام الجوهره وحصه والجوهره قالو وعليكم السلام وصدو العيال بس سكتو بعد ماغمض بعيونه لهم نادر قال لحمد تعال وفتح يدينه لحمد ضحك احمد وحضن ابوه قال وين وعدك انتظره ويناظر بالجوهره قال ابوه اوفيت فيه خلاص اختكم حره ويناظر بسعود قال طلقها وبعد كم يوم توصل اوراقها ويبتسم سعود فز وضحك وناظر بالجوهره ومبسوط قال حمدلله وده يضمها على صدره بس مايقدر بوجودهم ضحكو خوانه قال لنادر حمدلله مبروك يخيه ناظر ابو عزام بنادر ببتسامه خفيفه قال من انت قال نادر نادر وقرب ناظر فيه ناظر نادر برفعه حاجب قال علامك وناظر بالعيال ضحك وحضنه استغرب نادر وكلهم استغربو ابتسم له نادر ناظرت حصه ببو عزام قالت وش جاه هذه قال معاذ اجلسو فهد وسطام ومسلط وفيصل وسعود مايبون يجلسون مع ابو عزام قال نادر اجلسو قال فهد كثر الله خيرك بنمشي وبيطلعون عصب معاذ قال ارجعو وقفو وتنهدو والتفتوفيه قالو تاخرنا على جدي وبيفقدنا هالحين وقتها وش بنقوله وطلعو قام ابو عزام قال سعود وقف سعود قال وش عندك جاء ابو عزام وقف قدام  سعود الجوهره عيونها على ابوها وسعود تلوع قلبها من الخوف خافت ابوها يسوي لسعود شي قال ابو عزام كان خاطرك فيها صح ناظر سعود بابو عزام وبالجوهره وسكت قال ابو عزام ماعندي مشكله بس يجي جدك يترجاني ويعتذرلي ويطلبها مني وقتها اشوف ان كان يبي سعادتت بناخيه ناظرسعود بعصبيه وهو موسع عيونه بابو عزام ورجع ناظر بالجوهره قال جدي عندي بهالدنيا كلها والله ماخليه يتذلل لك انت وبنتك وش تبا مني ومنها للحين قول مالك فيها نصيب واقنعني وخلني اتسهل بس لاتجيب لجدي طاري على فمك فاهم ولا بتشوف سعود ثاني وانتي عاجبك الي قاله ابوك هزت براسها الجوهره لا وناظرت ببوها وعيونها دموع قال ابو عزام الي عندي وصلك وسمعته شي ثاني ماعندي تنهد سعود قال زين بنتك خلها لك اجل يعطها بمعروف ولا احتفظ ابها ولا تذل احد على شان ترضي نفسك انا ماني بنذل مثلك ابني سعادتت نفسي على شان اذل احد وجدي بيبقى طول عمره فوق وراسه مرفوع ومشى نادتته الجوهره قالت سعود لاتخليني امانه تكفى وتبكي ومحروقه حضنها عزام وناظر ببوه قال تتبقى نفس مانت ماتتغير ابك انت وش انت من ابو سكت ابو عزام وقف سعود ماقدر يروح وهو يسمعها تبكي بحرقه علاه التفت لها قال وش رايك انتي بالي سمعتيه ناظر ابوها فيها قال الوعد بلعت ريقها الجوهره قالت اي بسوي الي قاله ابوي وهي ميته علاه غمض سعود ودفها قال خيبتي لي ظني فكرت تختلفين عنهم طلعني نفسهم ليش جلست على الارض الجوهره وتبكي جاء احمد ومسك سعود قال ماسمح لك ي سعود توجعها قال سعود هي ذبحتني ماوجعتني وبس راضيه بالي قاله ابوها قال وش تتوقع منها طيب تعارض كلام ابوها ركب سعود وهو ساكت وسكر الباب ابو عزام تقرفو منه  كل ماقالو تغير يرجع ويعيد اغلاطه وكل اغلاطه تنعاد مع اختهم الجوهره عزام اخذها لغرفته قال ارتاحي يخيه جلست الجوهره عزام بيروح مسكته قال بقولك شي جلس عزام قال اسمعتس قالت عزام ليش الي نحبهم يوجعونا ليش سعود كل مره يوجعني وابوي عايش وكانه حالف مايرتاح لين يذبحني بسواته تعبت ي اخوي مسك يدينها عزام قال وش يعني لتس سعود هذه وش سالفته ومن وين تعرفينه ترا دار راسي منه ومن سالفته كان بخاطري اسالتس من اول ماشفته وكيف جن جنونه يوم درى بالي سواه هذاك الحقير فواد فيك كان وده يطلع روحه بس وش كان  يهمه قالت الجوهره خلني اسالك وش تعني الروح للجسد ي عزام ناظر فيها عزام قال بدون الروح الجسد ولا شي لان الجسد لولا الروح ماكان فيه جسد قالت الجوهره اجل انا هذه الجسد وسعود روحي حبيته حب صادق ولا خذيت هالحب تسليه ولا طقطقه حبيته من كل قلبي بس شوف ي اخوي كل مره يجي شي يبعده عني طيب حرام انا احبه ماحد حس بهالحب انه يوجع القلب حيل قال عزام انا مداني هالحب ليش تورطين نفسك وروحك فيه الحب جهنم ي روح اخوتس وشلتس فيه قيد قلتها لتس ابعدي عنه بس ماسمعتي مني وانتي بهالعمر مايصح لتس بكت الجوهره ودنكت غمض عيونه وحضنها عزام قال ابي اسمع كل شي عنه قولي لي الجوهره تعلمه عن سعود وكل مره ضحكه مع بكوه تسولف لخوها عنهم عزام انكسر خاطره على وخيته قال اوعدتس لحلها ولجوزتس سعود وخذيها وعد من اخوتس ناظرت الجوهره فيه ودموعها تنزل على خدها وتبتسم لخوها عزام دخل احمد قال وانا بعد اوعدتس لزفتس بيديني علاه خلاص انتهت سالفت الحزن لازم تعيشين وتحسين بسعاده والفرح لازم يحتوي روحتس زيك زي غيرتس حضنتهم الجوهره هز براسه عزام قال هالحين ارتاحي وبخلي عندك احمد وانا عندي مشوار وراجع قال وانت عطتني جوالك قال احمد ليش قال عزام قلت هاته ارسل علاه رقم نادر وفهد ورجع الجوال وطلع راح يبي سعود عند سعود تعب ويكح وفتح الشبابيك حقت السياره ويتنهد قال فهد سعود ابك شي قال سعود لا قال فيصل متاكد قال سعود اي وليش ساكتين ويضحك واضح علاه التعب قال شغل لنا شي قال وش يقوله سطام تنهد قال يشبعوبك ضحكو قالو اجل شغل وشهي هذي ضحك سعود وشغلها اغنيه سطام ؟؟؟؟

يشبعوبك مادرو عن عيوبك ياللي عني ابعدوك
صرت ثاني ما أنت ذاك الاولاني ياحسافة غيروك

روح وماابي اي طاري للأسف خاب اختياري
مشكلة اللي عشقته وانته بايع ما انت شاري

خنت حبي وبسهوله بعت قلبي شو السبب حسبي عليك
في عيوني شلتك ظني تصوني قلب حبك مشتريك

ليه ضيعت المحبه المشاعر ماهي لعبة
من وفى لحبك وصانك ليه ماتوفيه لحبه

ياخسارة لاتحسب انها شطاره ياللي ماعندك ضمير
قدني عفتك ليتني مايوم شفتك وانا متندم كثير

مابقى غير الهدايا حولها تبكي الزوايا
بنسى كل اللي جرى لي بترك الماضي ورايه

سكت سعود وطلع زقاره مسكه نادر قال لو اشوفك ميت ماخليتك تاخذها غمض سعود وطلع وحده ثانيه اخذ الولاعه فهد قال لاتعاند ي سعود مايصلح مالك الا اربع اسابيع وشلون تتدخن قال ضايق خلوني اسوي الي اباه طلع سطام كبته ولاعته ومدها على سعود ابتسم سعود واخذها وعصبو العيال قال سطام سعود مايرد خلوه الرجال ضايق صدره وشلكم فيه خلوه على راحته سعود من اول شفه وجهه تغير واحمر وعيونه تتقلب وشكله كان حيل مرعب تروعو علاه العيال وانكتم عصب فهد ورجعو وتعدو الاشارات والدوريات وراهم وعلى طول وقفو عند المستشفى والشرطه وراهم مسكو سطام لان هو السواق وصار بينهم كلام ودخلو سعود المستشفى وكلهم ينتظرون الدكتور يطلع من عنده قال نادر انا السبب ان صار لسعود شي انا ماراح اسامح نفسي اخخ وحاط يدينه على راسه قال فهد ماحصل الا كل خير وسعود مافيه الا العافيه اهدى انت ناصحه مايشرب هالسم قال مسلط وش تتوقع منه هالسم يهدي فيه نفسه سكتو عند ابو ناصر درى بروحتهم وانهم راحو للمدينة ومعصب ومشى هو وابو ضاحي جت ورد ركض لجدتتها قالت جده جهزي نفسك بعفشك ولهلك ماعاد فيها كلام جدي درى جدي درى قالت ام ذوق بسم الله وش درى ابه قالت عن العيال وراح هو وعمي ابو ضاحي واخذت جوال الجده ودقت على فهد مارد وعلى سطام ولا رد قالت ياربي واتصلت بفيصل مارد المره والاولى والثانيه الثالثه رد قال هلا عمه قالت ورد فيصل انا ورد وشلونك قال ي هلا وغلا مرحبا ابشرتس الحمدلله وانتم قالت بخير بخير بقولك شي جدي درى فيكم وجاكم دقيت على فهد وسطام ماردو قول لهم امانه قال كيف درى قالت مدري فيصل قال لبيه عيون فيصل غمضت عيونها ورد وسكرت قالت ذوق وش ليش سكرتي قالت سحر وش قال قالت ورد مدري مقال شي ضحك فيصل قال حمد لله وراح قال للعيال قال فهد خلوها علي معلاه محلوله المهم سعود عندنا الباقي ولا يهم 😞

( وهنا ندرك ان الاهل مالنا بوجودنا عندهم اي راي او قرار بحياتنا هم الي يقررون وهم الي يشرون لحياتنا وحنا نمشي ورا الاشاره فقط وكان مالنا حق ان حنا نقرر كبالغه وراشده من الحق اقرر بحياتي او كل شي هم الي يقررونه ليسى طفله لقد كبرنا ونضجنا وبلغنا ونعرف مصلحتنا وين ومع من ،،،............)

انتظروني بالبارت الجاي واعتذر عن التاخير 🤝😣