☘️ အပိုင်း - ၁၇ ☘️ (BL Novel)
Title = “တိမ်တိုက်တစ်ခုဖြစ်ခဲ့လျှင်”
Author = နွေဦးကံ့ကော်
×××××××××××××××××××××××××××
( ၁၇ )
မြူသည် ပြသာနာများဖြစ်ပျက်ပြီးနောက်အိမ်သို့ တန်းမပြန်ပဲ ခြေဦးတည့်ရာ လျှောက်သွားနေမိ၏. . . .။
သူ ဘာဆက်လုပ်ရမလဲ တွေးနေရင်းးငိုရင်းနဲ့ပေါ့။သေချာတာကတော့ သူသည် ကိုစောအောင်နဲ့ထပ်မတွေ့ချင်တော့ပေ။ကိုစောအောင်နဲ့ဝေးရာကို ထွက်ပြေးချင်မိတယ်။
အချိန်အတော်ကြာ လမ်းဘေးရှိ ပန်းခြံလေးထဲက ခုံတန်းလေးပေါ်တွင် တစ်ယောက်ထဲ ထိုင်တွေးရင်းးးမှောင်ရီပျိုးလာတော့မှ မြူသည် သူ ဘာဆက်လုပ်ရမလဲဆိုတာ စဉ်းစားလို့ရပြီး အိမ်ကို ပြန်လာခဲ့လေသည်။
အဲ့ဆာကတော့ သူသည် ဖေကြီးကို ပြောပြီးတော့ နိုင်ငံခြားမှာ ကျောင်းသွားတက်မည်။အဲ့နည်းကပဲ အားလုံးနဲ့သူ ဝေးနိုင်မဟုတ်လား။အထူးသဖြင့် ကိုစောအောင်ရဲ့အဝေးကိုပေါ့. . .။
မျက်စိပွင့်နားပွင့်နဲ့ လူရည်လည်တဲ့လူဖြစ်အောင်ဆိုပြီး အေးအေးဆေးဆေးနေတက်တဲ့ မြူ့ကို ဖေကြီး က နိုင်ငံခြားလွှတ်ချင်နေတာလည်း ကြာပြီ။မြူက ပေတေပြီး မြန်မာပြည်မှာပဲနေချင်တယ်ဆိုပြီး အိမ်မှာကပ်နေနေလို့သာ အတင်းအကျပ်မစီစဉ်တာ. . . .။အခု မြူက နိုင်ငံခြားသွားချင်တယ်ဆိုရင် သေချာပေါက် ဖေကြီးက ပို့ပေးမှာပဲ. . .။
မြူ အိမ်ကိုပင်ပြန်ရောက်တော့ အတော်မိုးချုပ်နေပြီဖြစ်သည်။
“မြူဝေမောင်. .ဘယ်တွေကို သဝေထိုးနေလို့ အခုမှအိမ်ပြန်ရောက်လာတာလဲ” ဟု
ဒေါ်ခင်မြက ဧည့်ခန်းထဲမှာထိုင်နေရာမှ
အိမ်ထဲသို့ ဝင်လာသော မြူ့ကို လှမ်းပြောလိုက်ခြင်း ဖြစ်သည်။
မြူသည် ကိုယ့်အတွေးနဲ့ကို အိမ်ထဲဝင်လာတာ အိမ်ထဲမှာ မိသားစုတွေစုံလင်နေတာကိုပင် သတိမထားမိလိုက်. . .။
“ဟို...ကျနော် နှင်းမြိုင်တို့ အိမ်မှာစာလုပ်နေလို့ပါ” ဟု ပြောပြီး ဧည့်ခန်းထဲကို သေချာကြည့်မိတော့မှ ဖေဖေရော၊မမစိမ်းရော၊မမစန္ဒာရယ်၊ကိုဒီပါရယ် အားလုံးစုံလင်စွာထိုင်နေကြတယ်.....။ဒါဟာလည်း
မြူ ထင်နေတဲ့ ကိစ္စအတွက်ပဲ နေမှာပေါ့။
YOU ARE READING
တိမ်တိုက်တစ်ခုဖြစ်ခဲ့လျှင်(Completed)
Romanceဤ "တိမ်တိုက်တစ်ခုဖြစ်ခဲ့လျှင်"ဝထ္တုရှည်ကိုလည်း မေလ ၁၇နေ့က ကျရောက်ခဲ့တဲ့ IDAHOT Day (International Day Against Homophobia,Transphobia, Biphobia) နေ့ မှာအကြံရပြီး စတင်ရေးသားခဲ့တာပါ။ဒါဟာ နွေဦးရဲ့ ပထမဆုံး ပညာပေးဝတ္ထုရှည်ပါ။အရင်ခေတ်တုန်းက ပတ်ဝန်းကျင်၊...
