'' မောင်..ဆရာက ကျွန်တော့်ကို ကြည်ပါ့မလား ။ ကျွန်တော်နေခဲ့လိုက်မယ်လေ '''' အချိန်တွေလည်းကြာနေပါပြီ ကလေးရယ်။ ဆရာ မောင်တို့ကို နားလည်မှာပါ ''
မရောက် ဖြစ်တာကြာပြီဖြစ်သော အင်းလျားကန်ဘောင်ပေါ်တွင် လမ်းလျှောက်ရင်း ခွန်းနှင့်တိမ်တိုက်တို့ သဘက်ခါ သွားရမည့် K' Cloudy II ဖွင့်ပွဲ အကြောင်းတိုင်ပင်နေကြတာဖြစ်သည်။
'' ဒါပေမယ့် မောင်....မောင်တို့ မတွေ့ဖြစ် တော့တာလည်း ကြာနေပြီဆို ။ အဲ့တော့ ပထမဆုံးပြန်တွေ့မှာကို ကျွန်တော့်ကို ခေါ်သွားရင် နည်းနည်းများ မလေးစားရာ ကျနေမလားလို့လေ ''
'' ဆရာ့ကိုကြောက်နေတာလား တိမ်တိုက် ''
လမ်းလျှောက်နေရင်း ခွန်း ရပ်လိုက်ကာ တိမ်တိုက်ဘက်
လှည့်၍ မေးသည်။'' ကြောက်တာမဟုတ်ဘူး မောင်။ အားနာတာ....ကျွန်တော်မသိလိုက်တဲ့အချိန်တွင်း မောင်ဘာတွေဖြစ်ခဲ့လဲ ကျွန်တော်မသိပေမယ့်....ဘယ်လိုပဲဖြစ်ဖြစ် မောင်က သူ့ရဲ့ အားကိုးရဆုံးနဲ့ အချစ်ဆုံး ညီတစ်ယောက် ဖြစ်ခဲ့တာပဲလေ။ အဲ့တာကို ကျွန်တော့်ကြောင့်....''
'' မဟုတ်ဘူး တိမ်တိုက်။ မင်းကြောင့်မဟုတ်ဘူး ''
'' ဘာပဲပြောပြော မောင်တို့ ဒီအခြေအနေအထိရောက်သွားတာ ကျွန်တော့် ပယောဂလည်းကင်းမနေဘူးလေ။ မောင်က အဓိက ဆိုတာသိပေမယ့်.... မောင့်အဓိက ကကျွန်တော်ဖြစ်ခဲ့တာလေ ။ ''
''. .....''
'' မောင်ပဲ သွားလိုက်ပါ။ ပြီးရင် မောင်ကပဲ တထစ်လျော့ပြီး
ဆရာ့ကို စခေါ်လိုက်ပါ။ မာနတွေက သိပ်မုန်းဖို့ကောင်းတယ်မောင်...။ အနည်းဆုံးတော့ ဆရာက မောင့် ကျေးဇူးရှင်လေ။ ဆရာ့အပေါ်မှာတော့ မာနမထားပါနဲ့လား မောင် ''ခွန်း ဘက်က တိမ်တိုက်ပြောသမျှကို သေချာနားထောင်ကာ ငြိမ်သက်နေတော့သည်။
တကယ်ပါ ဒီကလေးက ကိုယ်ဘာဖြစ်နေလဲဆိုတာ ကိုယ့်မျက်ဝန်းတွေမကြည့်ပဲနဲ့တောင် သိနိုင်နေတယ်။
'' အဲ့တော့အခု မင်း ဘယ်လိုဖြစ်စေချင်လဲ ''
'' ဒီလို... ဖွင့်ပွဲကို မောင်ပဲသွားလိုက်ပါ။ နောက်မှ ကျွန်တော်နဲ့မောင် ဆရာ့ကိုသက်သက်သွားကန်တော့ကျမယ်လေ။ ပြီးတော့ ပွဲမတိုင်ခင်ညကတည်းက အဲ့ကိုသွားစေချင်တာ ။ ဆရာနဲ့ စကားတွေဘာတွေ အေးဆေးပြောပေါ့။ ''
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022