NotWithStanding...(မည်သို့ပင်ဖြစ်စေ... ) (Completed)

Episode - 65

သည်နှစ်နွေ... သင်္ကြန်တော့ တစ်ဖွဲ့လုံး မန္တလေး သို့ရောက်နေကြသည်။ တိမ်တိုက်က မန်းလေး လမ်းလျှောက်သင်္ကြန်သွားချင်ပါတယ်ဆိုပြီး တောက်လျှောက်ပူဆာနေခဲ့တာဖြစ်သည်။ သွားချင်တာကလည်း သူငယ်ချင်း တွေအကုန်လုံးနှင့်သွားချင်တာတဲ့လေ။ အဲ့တော့ ခွန်းမှာ အဇူးတို့လင်မယားကိုပါခေါ်ပြီး ရှန်မင်းနှင့် ကိုကိုရော... အဒွေးကိုပါ စရိတ်ခံကာ ခေါ်ခဲ့လိုက်တော့သည်။ ခွန်းခငယ်လေးတို့က သူတို့ အုပ်စုနှင့်သူတို့ရန်ကုန်မှာပဲ ဆော့ချင်သည်ပြောသည်။ နန်းဆုမွန်ဦးတစ်ယောက်ကတော့ မိုင်းကိုင်ကို ပြန်သွားသည်။

မန္တလေး ကျူံးနှင့် နီးသော ဟိုတယ်တွင်ပဲ အားလုံး ငှားနေကြသည်။ အဇူးတို့လင်မယားနှစ်​ယောက်ကိုတော့ သီးသန့်တစ်ခန်းပေးနေပြီး ကျန်သည့်လူတွေကတော့ အိပ်ခန်း သုံးခန်းပါဝင်သည့် ဟိုတယ်၏ အကျယ်ဆုံး အခန်းကို ငှားယူလိုက်သည်။

သင်္ကြန်စသည့်နေ့ကတည်း တိမ်တိုက်တို့ တွေ အခန်းကို အိပ်ချိန်တစ်ချိန်သာပြန်လာကြသည်။ တစ်နေ့လုံး နီးပါးအပြင်မှာသာ အချိန်ဖြုန်းကြသည်။ ကျန်းမာရေး ဆို ချူချာ တက်သော တိမ်တိုက် ကတော့ ရှေ့ဆုံးကနေကို အပီအပြင်ကဲနေတော့တာပင်။ သင်္ကြန်တွင်းမို့ ခွန်းကတော်တော်တန်တန်မပြောတော့ပဲ လိုက်ထိန်းပေးရုံသာလုပ်တော့သည်။ အသက်တွေလည်းငယ်ကြတော့သည်မှ မဟုတ်ပဲ။

သင်္ကြန်တွင်းမို့အားလုံးကလည်းစိတ်လွတ်ကိုယ်လွတ် ပျော်နေကြသည့်အချိန်ဖြစ်တာကြောင့် ခွန်းအနေနဲ့ မကြိုက်နှစ်သက်သော်လည်း မပြောတော့ပေ။ ဟိုတယ်မှာလည်း ဟိုတယ်မှာမို့ မဏ္ဍပ်တွေမှာဆိုလည်း မဏ္ဍပ်တွေမှာမို့ သူတို့အဖွဲ့ဟာ ထင်ရှားကာ လူအများအားဆွဲဆောင်နိုင်သည်။ အရပ်ခြောက်ပေဝန်းကျင်တွေကြားတွင် ညှပ်သူနှစ်ယောက်ကတော့ အဇူးနှင့်တိမ်တိုက်သာလျှင်။

ထုံးစံအတိုင်း စန်းအပွင့်ဆုံး လူသားကတော့ မောင်ရှန်မင်းခက်ပင်။ ငွေရောင်ဆံပင်တွေနှင့် ရှန်မင်းခက်က မန္တလေး သူများကြားတွင် ကိုရီးယား အိုင်ဒေါ အလား ထင်ရှားနေသလို...ညိုချောလေးတွေမှ ကြိုက်နှစ်သက်သူ ညီမလေး များကတော့ ခွန်းဆီကနေ အကြည့်မခွာကြ။ အဒွေးက မန္တလေး အဆင်တစ်စုနှင့် အဖွဲ့ကျနေတတ်ပြီး သဝန်တိုတတ်လွန်းသည့်ကိုကိုတစ်ယောက်ကတော့ ရှန်မင်းခက်ကို လက်တချိတ်ချိတ်ဖြင့် ပိုင်ဆိုင်ကြောင်းပြသည်။ တိမ်တိုက်ကြိုးလေးကတော​့ မန္တလေး သူ မမများအဖွဲ့၏ ပင်တိုင် ကလေးလေးဖြစ်လာတော့သည်။ မောင်လေး ဆိုတာက ပါးစပ်ဖျားကမချ။ အဇူးတို့လင်မယားကတော့ရှင်းသည်။ စိုင်းမင်းနွယ်က ဘေးကနေ လေဆာမီးတွေပစ်လွှတ်နေတာကြောင့်အဇူးနားဘယ်သူမှမကပ်ရဲကြ။