Affair with her Bodyguard

3

Tumaas ang isang kilay ni Xion nang tumunog ang cellphone niya. Galing sa bank account ang notification na 'yon at kita niya ang halaga ng pera na sinend niya sa kaniyang contract wife ay naibalik.

"Why?" Francis chuckled at him. "Sabi ko sa'yo, she's interesting," natatawa pang ani nito.

"Is it too little? Are you sure that she's not going to back out with this deal?" he asked while signing important documents. Hindi na ito p-pwedeng mag-back out dahil na-proseso na ang lahat, nasa kaniya na ang mga naiwan ng lolo niya.

"She's not that kind of woman, bro. Believe me! If you saw her? She's very simple. Walang luho, hindi mukhang pera at higit sa lahat ginagawa niya ang lahat para sa pamilya. She's not a gold digger."

Kumunot ang noo niya dahil sa mga sinabi nito. "Do you like her?" he asked seriously.

"Hmm... should I make a move to get her?"

Nag-isang linya ang kaniyang labi at napatigil sa pagpirma. "After 2 years, not now," he hissed.

Muli niyang narinig ang tawa nito kaya napailing siya. He knows, Francis was teasing him.

"Is that a promise?"

"Shut up. I'm busy." Mabilis na pinatay niya ang tawag dahil naiistorbo na siya nito. Nag-focus siya ulit sa mga ginagawa pero hindi na niya matanggal sa isip kung anong klaseng babae ba ang napangasawa niya sa papel.

Francis was interested too, and he got curious big time.

"Fuck!" he cursed when his mind is now occupied with curiosity. Ilang araw na rin kasi siya kinukulit ni Francis na tingnan man lang o kilalanin ang babae na nakatira na sa bahay niya.

Pero kung sakali man gusto niya itong kilalanin, hindi siya magpapakilala rito bilang isang boss o asawa sa papel. He will not do that because he still doesn't know her. He already met a lot of shameless woman who wants him and his money.

***

Kasalukuyang naghahanap si Aj ng trabaho malapit sa tinirhan niya. Kahit na malaki ang sahod niya ay ayaw naman niyang maging tambay lang sa malaking bahay. Ilang araw na siyang naglilinis lang ng bahay, kahit malaki kasi iyon para sa kaniya ay mabilis lang linisin dahil hindi naman siya makalat at higit sa lahat pagkarating niya roon ay bawat sulok malinis.

Kumislap ang mata niya nang makita ang nakapaskil sa pinto ng isang restaurant.

'Hiring Waitress'

Sa wakas ay may nakita na siya. Kanina pa siya naglalakad para tumingin tingin pero hindi hiring ang mga ibang establishment. Huminga siya ng malalim bago pumasok sa restaurant. Hindi ito fast-food chain dahil labas palang sobrang ganda na, lalo na sa loob.

"Magandang umaga po ma'am," nakangiting bati sa kaniya ng guard.

"Magandang umaga po kuya, tungkol po sana sa nakapaskil na hiring, magpapasa po sana ako ng resume," deretsong sambit niya.

"Ay okay po, sandali lang po." Ngumiti siya rito at tumango. Naghintay siya sa isang tabi nang umalis ang guard para puntahan ang isang manager. Alam niyang manager iyon dahil iba ang suot nito kaysa sa mga server na kumikilos.

Napangiti siya nang tinawag siya ng guard para palapitin sa pwesto ng manager.

"Mag-apply ka? Can you wait for 5 minutes? May gagawin lang ako at iintereview-hin na kita agad," ani ng manager. Mabilis siyang tumango, siyempre payag siyang maghantay 'no. Siya ang may kailangan at kung gaano pa katagal ay gagawin niya.

"Wala pong problema, maraming salamat po." Pinaupo siya sa dulong table at doon naghantay. Habang naghahantay ay kinalikot niya muna ang cellphone at nakita niyang may bagong message ang si Francis.