Affair with her Bodyguard

39

Months passed and today they are celebrating her birthday. Naging okay na rin ang lahat at sa lumipas na araw ay puro magaganda ang nangyayari sa buhay niya. Naipakilala niya na rin sa magulang at mga kapatid si Xion at pinaliwanag niya na ito ang dahilan kung bakit nabayaran nila ang utang at napagamot ang ama sa madaling panahon.

Ang sarap sa pakiramdam na wala ka ng tinatago sa pamilya mo. 'Yong pakiramdam na magiging maayos na rin ang lahat sa wakas.

Kumpleto ang pamilya niya at ang pamilya ni Xion, nasa isa silang resort para sa birthday celebration niya. Ayaw niya na sana mag celebrate ng ganito ka bongga dahil kasal na nila ni Xion next month. Ito lahat ang gumastos dahil ayaw siya nito pagastusin kahit anong pilit niya.

Para sa kaniya, bongga ang mag-birthday sa isang private resort pero sa pamilya ni Xion at sa asawa ay ito na ang pinakasimple dahil hindi naman daw marami ang inimbita. Hindi pa rin siya sanay sa mga simpleng bagay nito na masiyadong mataas na para sa kaniya.

Pumasok muna siya sa may kwarto nila ni Xion habang abala ang lahat sa pagsasaya. Kanina niya pa gusto pumasok sa banyo at gawin ang dapat gawin dahil kanina pa siya nababahala.

Tinungo niya ang bag niya at kinuha ang bagay na binili niya kahapon ng patago. Pumasok siya sa banyo at ni-lock iyon ng mabuti. Umupo siya sa toilet bowl at binuksan ang bagay na dala-dala niya.

Pregnancy test kit...

Iniisip niyang buntis siya dahil sa mga symptomps na nararanasan niya. Hindi naman malala kaya hindi rin nahahalata ni Xion ang mga pagsusuka niya minsan at pagiging sensitive sa pagkain.

Ginamit niya 'yon at naghintay ng ilang minuto. Nakatingala lang siya at hindi tinitingnan ang hawak niya. Mayamaya ay naglakas loob na siyang silipin iyon at halos tumalon ang puso niya dahil sa dalawang linya na nakita.

Tama nga ang hinala niya, buntis nga talaga siya. Napalunok siya dahil parang may bumara sa kaniyang lalamunan dahil sa halo-halong emosyon na nararamdaman. She's happy, too happy that she can't express it well. Napapikit siya at nagpasalamat sa diyos sa panibagong blessings na natanggap niya ngayon.

Ilang beses na niya naririnig kay Xion na gusto na nitong magka-baby. Minsan pa nga ay iniimagine na nito ang mukhag ng magiging anak nila.

Paniguradong matutuwa ito sa magiging balita niya. Ito na ata ang pinakamagandang birthday gift na natanggap niya.

Muli siyang bumalik sa labas, nag-iinuman na ang mga ibang bisita habang ang mga kapatid niya naman ay naliligo sa pool. Ang magulang niya ay maaga na natulog dahil anong oras na rin.

"Where did you go? Are you already sleepy?" tanong sa kaniya ni Xion habang yakap-yakap ang bewang niya. Hinalikan siya nito sa ulo kaya napayakap siya sa asawa.

"Medyo antok na ako," pagdadahilan niya rito. "Pwede na kaya nating iwanan sila?" tanong niya pa. Nakaramdam na talaga siya ng antok pero nang malaman niya ang magandang balita ay napawi iyon. Gusto niya na lang sabihin dito ang balita bago matapos ang kaarawan niya. Mag a-alas dose na rin kasi ng gabi, 20 minutes na lang ay tapos na ang birthday niya.

"It's fine. Let's go," ani nito at hinawakan ang kamay niya. Nagpaalam muna sila sa pamilya ni Xion at sa kapatid niya na nagsasaya pa.

Dumeretso sila papunta sa kwarto at ni-lock niya naman agad iyon. Hindi niya alam kung paano sasabihin sa asawa na buntis na siya.

Napakapa siya sa bulsa ng dress na suot. Nandoon kasi iyong pregnancy test na tinago niya. Rinig niya ang sariling tibok ng puso dahil sa excitement.

"Baby? Are you okay?" Napakurap siya dahil sa boses ni Xion. Hindi niya namalayan na nakaupo na pala ito sa kama habang nakatingin sa kaniya.