زواج بالاتفاق "عشق السيرين" ❤️(قيد التعديل)

الفصل التاسع عشر

زواج بالاتفاق "عشق السيرين "❤️

الفصل التاسع عشر

★★★★★★★
صلوا على من ينادي يوم القيامة امتي امتي 🤍✨

★********★

انتهى الحفل
أخيراً وذهب الجميع إلى المنزل عدا سيرين التي بقيت  في مكتب  مدير الفندق بعدما وعدت علي ووالدتها انها لن تتأخر
طرق الباب لتردف المديرة بتعجب : أدخل

دلف رجل صاحب بنية قوية تعرفه جيدا لتردف برسمية
ـ خير يا رؤوف في حاجة

ـ استاذ فارس الادهم برة عايز يقابل حضرتك

ـ خليه يدخل

خرج الرجل ليدلف فارس بعد قليل يجدها تجلس على المكتب بهيبه لكن في النهاية تظل فتاة صغيرة ما هذا ما بالها النساء في هذا الزمن تحتل المراكز العليا واصبح دورها مهم المجتمع فاق من شروده على صوتها وهي تردف: اتفضل حضرتك

جلس فارس لتقول هي : في اي مشكلة في حفل حضرتك او أي شكوى

فارس :لا انا مش جاي اشتكي أنا جاي اشكرك على أن الحفلة كانت روعة بجد كل حاجة كانت مظبوطة ومحصلش اي أخطاء ابدا وده في حد ذاته شئ مبهر انا بحيي والدك على تصميم جميل للفندق ده

ـ معلش ليه والدي حضرتك تعرفه

فارس : مش والدك صاحب الفندق

ـ لا انا صاحبة الفندق حضرتك

فارس: مش فاهم يعني ايه

شمس : يعني إللي حضرتك منبهر بيه مش بابا إللي عامله

فارس: أيا كان تشرفت بمعرفتك يا...

وقفت تنظر له ببسمة عملية: شمس..شمس زاهر علام

قالت هذا ليتبع ذلك صياح احدهم وهو يدلف
ـ بت يا شمس الاكل ده جميل جد....

قطع حديثها رؤيتها لاحدهم في الغرفة يعطيها ظهرة بينما تلك المدعوة شمس اغمضت عينيها في حرج ليردف هو قبل ان يرحل : تشرفت بمعرفتك يا استاذه شمس عن اذنك

التفت ليخرج فوجدها امامه تمسك بطبق تأكل منه وهي تنتظر أن يلتفت حتى تعتذر لاقتحامها الغرفة بتلك الطريقة ولكن حين علمت هويته : ازيك يا فارس كنت فاكراك مشيت

فارس :انتِ بتعملي ايه هنا

سيرين : شمس صاحبتي أنت اللي بتعمل ايه

فارس : أنا كنت جاي اشكرها وماشي هتيجي معايا استناكِ  ولا

سيرين  :لا انا معايا عربيتي
أومأ لها بتفهم وخرج بينما هي أغلقت الباب والتفتت تجلس على احد الارائك تكمل طعامها لتردف شمس: على فكره فضحتيني وسويتي هيبتي بالأرض يا بومه

سيرين : ايه ده شمس المحترمة الأزهرية بتغلط لا ده أنا  لازم اسجل اللحظة دي

شمس :بلا شمس بلا نيله بقى الراجل شافني عيله منك لله