زواج بالاتفاق "عشق السيرين" ❤️(قيد التعديل)

الفصل الخامس والثلاثون

زواج بالاتفاق" عشق السيرين" ❤️

الفصل الخامس والثلاثون

★★★★★★★

صلوا على شفيع الخلائق 🤎

★**********★

في اليوم التالي
صباحاً

خرج كريم وحمزة من الفيلا ماجد الاسيوطي بحذر وصعدا إلى السيارة معا
كريم بأنتصار وهو يدير محرك السيارة: قلتلك مش هتلاقي حاجة أنا دورت كويس
حمزه : ممكن تسكت وتسوق وتخلصنا
كريم : سواق الباشا أنا
حمزه : اه واخلص بقى
كريم : على فين ان شاء الله
حمزه : على المستشفى
كريم : ليه
حمزه : عشان اشوف هند
كريم : هند اممم
حمزه : ايه امم دي يعني افهم ايه منها
كريم : لا انا بفكر بس يعني هند بنت زكية وجميلة جدا وليها سمعة ومركز ومن عيلة حلوة وهادية وطبعها عقلاني يعني انا نفسي اعجبت بيها وأنت فاهم بقى
حمزه : الحاجة الوحيدة اللي فهمتها من كلامك كله انك إما متعود على الكلمتين دول من الوالدة او واخد كورس عند والدتي مفيش حاجه تاني تتفهم
كريم : لا في ركز انت بس
حمزة بتحذير : مفيش وعدي يومك
كريم : خلاص يا عم مفيش مفيش

★*******★
كانت تجلس مع صديقاتها بعد انتهاء المحاضرة

فريدة وهي تنظر إلى ساعتها : يلا يا بنات أنا ماشية اصل اختي كلمتني عشان عايزاني في مشوار
الاء : استني انا هاجي معاكِ
فريدة : بس أنا مش هعدي على بيتك
الاء : أومال رايحة فين
فريدة : رايحة على المستشفى
الاء : ليه في حد حصله حاجة
فريدة : لا بس رايحة عشان البنت اللي حكيتلك عنها امبارح تعبت ودخلت المستشفى ف رايحة ازورها
الاء : غريب يعني رايحة تزويرها عادي ولا كأنك رايحة مستشفى السجن
فريدة : لا انا رايحة مستشفى الادهم
الاء : ازاي يعني هي خرجت امتى وازاي
فريدة : لا مخرجتش بس اللي اعرفه ان خالها شخص مهم ف بمكالمة واحدة نقلها على مستشفى الادهم وفي حراسة على باب اوضتها مع ان حالتها مكانتش طارئة
تعالي ونتكلم في الطريق عن اذنكم يا بنات
- اتفضلي يا حبيبتي

سارت معا تجاه سيارتها وصعدت معها الاء التى تستمع إلى حديثها بفضول بينما فريدة انطلقت وهي تكمل حديثها : المهم انها دلوقتي في المستشفى وأنا اتعرفت عليها وحبيتها بجد ورنا طلبت مني اجي اتكلم معاها يمكن ترضى تتكلم اصلها فاقدة الامل ومش راضية تتكلم عن اللي حصل بل وشبه معترفة على نفسها ف أنا في دوري كفريدة اني اقف جنبها وافهمها اننا جنبها ومش هنسيبها عشان هي تقريبا فاهمة ان محدش بيحبها ف بالتالي مش فارقه معاها حياتها فلازم نفهمها اننا كلنا معاها بصراحة أصلا هي غريبة وحالتها النفسية تحت الصفر
الاء بريبة : وانتِ اتعرفتي عليها ازاي دي قتالة قتلة وشكلها مجنونه أصلا
زجرتها فريدة بغضب : لا هي بريئة وهتخرج وبعدين راعي انك بتتكلمي عن واحدة صاحبتي وليها مكانة عندي معما كانت قليلة بس برضو مقبلش انك تتكلمي عنها كدة وبعدين مفيش اي دليل يثبت انها هي اللي عملت كدة
الاء : ومفيش دليل برضو بيقول ان مش هي اللي عملتها
فريدة : المتهم برئ حتى تثبت إدانته وبليز متخلنيش اندم اني حكيتلك
الاء : طيب اهدي فريدة انا بعتذر مقصدش بس انا خايفة عليكِ يعني ممكن عملتها وممكن لا انتِ متضمنيش ان مش هي اللي عملتها معلش يعني ما هو مش هيصدر قرار بحبسها على ذمة التحقيق غير لما يبقى في بين اديهم دليل قوي عشان كدة بحذرك
فريدة : انا معرفش حاجه اللي أعرفه أن القضية غامضة جدا وسرية بس سؤال بس هو انا لو كنت مكانها كنتي هتتصرفي ازاي هل ده هيكون نفس موقفك و هتتهميني زيهم
الاء بدون تفكير : لا طبعاً انتِ عمرك ما تعملي حاجة احنا عشرة سنين وعمري ما اصدق عنك حاجة ابدا لاني عارفاكِ وبليز متطلبيش مني اقارن لأنك متعرفيش البنت دي من زمان زي ما أنا اعرفك
فريدة : بس انتِ عارفة اني ليا نظرة في الناس مش بتخيب وانا فهمت ولو جزء بسيط من شخصيتها وبعدين احنا فتحنا تحقيق ليه وبنحكم احنا مالنا كل حاجه هتظهر بكرة وبعدة منستعجلش ونحكم من عندنا
الاء : طيب احنا رايحين فين
فريدة : على بيتك
الاء : لا لفي تاني انا مش هرجع البيت انا هروح معاكِ عايزة اشوف سيرين عبد الرحمن
فريدة : تمام هنروح بس بليز متتكلميش بحاجة غبية زي دي هناك
الاء : هههه لا مش هتكلم
فريدة : اشطا..