زواج بالاتفاق "عشق السيرين" ❤️(قيد التعديل)

الفصل السادس والثلاثون

زواج بالاتفاق "عشق السيرين"❤️

الفصل السادس والثلاثون

★★★★★★★★

عطروا افواهكم بالصلاة على النبي 🦋❤️

★***********★

اردف بضيق وهو يقف من مكانه بعدم رضى: يا عم انت اعملك دور في ام القضية دي زهقت امي حد كان قالك اني مهندس برمجيات
زفر حمزة : كريم أنا مش عايز كلام كتير الله يرضى عليك روح هات تسجيلات الكاميرا
زفر كريم هو الاخر :طيب مسافة السكة
خرج من غرفة المكتب وما لبث حتى عاد مرة أخرى بيده حاسوب ووضعه أمام حمزة : اهو اتفضل
نظر له حمزة بتعجب : إيه ده
كريم : التسجيل
حمزه : هو معاك !؟
كريم : انا حفظت كل تسجيلات الكاميرا من قبل الجريمة بيومين وبعدها بحوالي يومين برضو وقت ما البوليس جه لما حد بلغهم بوجود جثة ماجد في الفيلا
بس وبصراحة انا مليش مزاج ادور اهو التسجيلات قدامك ودور براحتك ولو لقيت حاجه ابعتلي 
حمزه: لا خليك انت في مكتبك انا اللي هتحرك
كريم : لا رجعت في كلامي عايز اعرف مين اللي معاه الفون
حمزة : طب اسكت خلينا نخلص من القضية على خير
كريم بجدية منافية لأي مزاح سابق وهو يسحب الحاسوب من يد حمزة ويجلس بالقرب منه تحت تعجب حمزة واخذت يداه تضرب على الازرار بمهارة : سيبلي الطلعة دي ..

★***********★

"يابني حل عني وسيبني في حالي انا فيا اللي مكفيني "
تحدث ياسر بهذه الكلمات الحانقة لذلك الشخص على الهاتف
ليرد من الجهة الأخرى والذي لم يكون سوى "علي" :يا عم شوف بنتك عشان هتشلني
ياسر : وأنا مالي وبعدين بنتي عملتلك إيه يعني مش فاهم
علي : من الصبح مش طايقة تشوف وشي ومش عارف اتكلم معاها وكل ما اجي افاتحها الاقيها قلبت فجأة معرفش مالها شوفلي حل بقى
ياسر : طيب نصيبك بقى هنعمل ايه اول ما نخلص موضوع هند هكلمها على طول
علي : هو أنا لسه هستنى موضوع هند ياربي امري لله حسبي الله ونعم الوكيل
ياسر : اتحسبن ماهو كله على دماغك
علي : حبيبي والله يا عمي انا اسف
ياسر : طب عارف عشان أنا زهقت منك لو سمعت صوتك بتكلمني تاني هعمل فيك إيه
علي. : سلام سلام
اغلق الهاتف بسرعة لينظر ياسر الى الهاتف ويضحك بقوة ربنا يسعدك يا بنتي
تنهد بارتياح وها هو قد وجد من يعتني بأبنته وضع الهاتف على المكتب وشرع في اكمال عمله
بينما علي قرر ان يذهب إلى اخته للاطمئنان عليها ...

★**********★

على الجانب الآخر
ـ ايه يا حبيبي انت فين ده كله وحشتني أوي على فكره

نطقت بتلك الكلمات بحب وهي تمسح على بطنها المنتفخ في مكتبها وجائها الرد من الجهة الأخرى

مصطفى : وانتِ والله يا حبيبتي بس الصبر أن شاء الله هخلص موضوع هند ونخلص من الصفقة دي واخدك واطير بقى من البلد دي
ضحكت شيرين : طيب متنساش اني باقيلي شهرين على الولادة ان مكانش اقل
مصطفى : ايه ده لا إن شاء الله حبيبة قلب بابا هتستجدع معانا ومش هتنزل قبل السفر
شيرين : يا راجل متقلش كده تشرف هي بس وتسافر معانا
مصطفى : يا رب وتطلع قمر زيك يا قمري وحشتيني
ـ خلاص يا عم النحنوح في سناجل هنا اللهم طولك يا روح
مصطفى : إيه ده علي هو انت سامعني
علي : لا يا أخويا انا اخ جاي اتطمن على أختي بس الاستاذه هي اللي فتحت الاسبيكر عشان اسمع كلامكم يا اخي حسبي الله ونعم الوكيل فيكم وفي اي حد مرتبط وانا لا صحيح ناس متجوزة و عشيتها مرتاحة وناس متصدرلها الوش الخشب اتفو على دي اشكال
ضحك مصطفى وشيرين بقوة ليتسائل مصطفى من بين صحكاته : شكلك وقعت ولا حد سمى عليك ويترى مين اللي عندها جفاف في مشاعرها دي
علي بحنق كبير : اختك
اتسعت عيني مصطفى : وه سالي
علي : أيوا يا اخويا هي البومة عديمة الاحساس الباردة
شيرين : لا واضح يا علوة انك بتحبها أوي يا راجل كفاية مدح البت لو سمعتك تتغر
علي : بس هنعمل ايه نستحمل بس عشان بنحب لحد ما ربنا يكرمنا وبكرى نكتب الكتاب ونصور صوابعنا بالحبر ولن نرحم احد وهنقضيها
مصطفى : معلش بس يا استاذ علي تراعي انك بتتكلم عن أختي ده لو سمحت يعني
علي : طيب وفيها إيه ما انت كنت بتتكلم مع اختي ومتكلمتش
مصطفى : يمكن مثلاً عشان هي مراتي
علي : عادي ما انا بتكلم عن حبيبتي لما تبقى مراتي
مصطفى : يا ابني ما تحترم نفسك انا ابن عمها وساكت بس فارس لو سمعك هيعلقك دي اختك
علي : عييب هو أنا أي حد أختي قصاد اخته والله لو موافقش يجوزهالي لهخلي سيري تتطلق منه بس ان شاء الله موضوع بنت عمتك يخلص وتعملها حفلة وهعمل مفاجأة جميلة وقتها
مصطفى.: مش متطمنلك ياض انت انت ناوي على إيه
علي : خلاص يا عم هتعرف كل حاجه في وقتها سلام دلوقتي
وقبل أن يسمع رد مصطفى اغلق المكالمة فوراً ونظر إلى شيرين : ركزي في شغلك يا هانم وكفاية نحنحة ها
خرج واغلق الباب خلفه لتنطلق ضحكاتها بقوة على اخيها الذي فقد عقلة بسبب سالي الباردة كما وصفها...