زواج بالاتفاق "عشق السيرين" ❤️(قيد التعديل)

الفصل الخامس

زواج بالاتفاق (عشق السيرين)❤️

الفصل الخامس

★★★★★★★

اللهم صلي وسلم وزد وبارك الله نبيك و رسولك صلاة لا قاطع لاتصالها

٭٭٭٭٭٭٭

بعد انتشار خبر تبرئة ياسر الادهم وكان الحديث الأول لمواقع التواصل الاجتماعي والسبب الاكثر إثارة أن لا احد يعلم لما تدخلت هذه الصحفية وما علاقتها بعائلة الادهم ف جميعنا نعرف أن عندما يكون الخبر غير مؤكد الجميع يتحدث بطريقته وهي ان يتم التحريف في اصل الخبر والتزويد والتزوير واختلاق القصص الوهمية وهذا ما يحدث عادة في حياتنا اليومية ف البعض قال ان سيرين فعلت هذا من أجل المال وان ياسر الادهم سيكافئها  والبعض الآخر من أجل الشهرة والبعض الآخر يقول إن هناك علاقة تجمعها مع فارس الادهم و يقولون كلامهم بأدلة وهمية حتى انت عزيزي القارئ لن تستطيع أن تميز الحقيقة من تلك الاقاويل وتظل الحقيقة فقط مع صاحبها فلا تصدق ما يقال عن أي أحد لعل وعسى أن تظلم احدهم فتدخل النار فاللهم نجنا منها

★*********★

في اليوم التالي

قرر فارس ان يذهب إلى المحامي ليعلم المزيد عن سيرين او عنوانها ليشكرها

وصل فارس إلى المكتب

فارس: السلام عليكم

المحامي: وعليكم السلام ازيك يا استاذ فارس

فارس: الحمد لله بخير احم أنا كنت جاي عش...

قاطعه المحامي وهو يعود إلى مقعده امام فارس: تسأل عن البنت اللي كانت امبارح في المحكمة اتفضل اقعد يا استاذ فارس

جلس فارس ليبدأ المحامي يقص له الموضوع منذ البداية

المحامي:البنت دي جاتلي امبارح بعدما انت مشيت وقدمت الادلة عشان القضية ولما سألتها أنها مقدمتش ليه الادلة للنيابة قالت عشان تقدمها للمحكمة بصراحة مش فاهم ايه الفرق، المهم انها قالتلي بالظبط اعمل ايه و هي هتكمل الباقي كنت طول الوقت عندي فضول أعرف هي عملت كده ليه لحد ما جات امبارح قبل الجلسة و قالتلي على الفيديو وهعمل ايه بالظبط نوعاً ما ارتحت انها تكون بتخدعنا وعرفت هي بتعمل كده ليه و انصدمت لما عرفت انها بنت عبد الرحمن الاسيوطي

فارس: مين عبد الرحمن الاسيوطي هو مش ده والدها أنا بصراحة مفهمتش حاجه من اللي حصل

المحامي: عبد الرحمن الاسيوطي كان شاب ناجح في حياته بدأ في تأسيس شركة من الصفر لحد ما كبرها وبقت شركة استيراد وتصدير كبيرة لقى اخوه مش عارف يشتغل ايه فقرر انه يشغلة عنده اخوه ده كان بيحقد عليه جدا واستغل اخوه ابشع استغلال وكان بيهرب مخدرات على السفن في صفقات بأسم اخوه عشان يبقى في الامان ولو حصل حاجه هيطلع منها زي الشعرة من العجين وهيتخلص من اخوه فعلا في يوم في حد من موظفي الشركة سمعه وهو بيكلم حد من اللي هيورد لهم المخدرات ف بلغ عنه ووقتها هو أنكر معرفة بالموضوع و لبس أخوه في الليله كلها واخوه اتحبس تلت سنين و بعدين مات في السجن من الزعل وفجأة انتشر خبر انتقال الشركات من اسم عبد الرحمن الاسيوطي إلى اسم ماجد الاسيوطي ولما حققوا في الموضوع عرفوا ان عبد الرحمن الاسيوطي مضى على عقد تنازل بكل امواله بأسم اخوه لأنه للأسف كان بيثق فيه وانه اكيد هيرجع الفلوس لابنه لما يقف على رجله بس مكانش منه غير انه طرد ام و تلت عيال صغيرين من بيتهم واستولى على البيت