زواج بالاتفاق "عشق السيرين" ❤️(قيد التعديل)

الفصل الحادي والعشرون

زواج بالاتفاق "عشق السيرين "❤️

الفصل الحادي والعشرون

★*★*★*★*★*

صلوا على نبي الله خاتم النبيين والمرسلين 🦋

★********★

انه اليوم المنتظر في صباح هذا اليوم

استيقظ فارس من نومه باكراً وبدل ثيابه إلى حلة فاخرة لكنه ليس ذاهبا إلى العمل ف اليوم هو يوم خطبته وهو في اجازة
تقابل مع سالي التي كانت تمسك احد الكتب وهي تربط رأسها كأنها إمرأة في الستين تعاني من هموم الحياة
فارس: صباح الخير ايه اللي انتِ عاملاه في نفسك ده

سالي : أبدا يا أخويا بس امتحاناتي قربت فبزاكر

فارس : بس انتِ بشكلك ده بتزاكري انتِ كدة رايحة تبيعي فجل في الاشارات

سالي:كلكم جايين عليا وانت وابن عمك الغلس سبتو كل ايام ربنا وقررتوا تعملوا الفرح دلوقتي قبل ما أبدأ امتحانات بكام يوم وكمان بتتريق

فارس : ياه إنما قصه

سالي:فااارس روح شوف انت رايح فين ويلا عشان ما اكلش دراعك

فارس:احسن تستاهلي قضيتي الفترة اللي فاتت كلها افلام هوليوود ونسيتي مزاكرتك يا فاشلة

تركتها وذهب بعد كلماته ليلاحقه صوتها وهي تقول:مش ندمانه على فكره أنا أصلا خلصت مزاكرة وكنت طالعه أنام وانا ابن مصر انا ضد الكسر وانا اللي قادرة على التحدي والمواجهة وانا يا معافر كمل حلمك للآخر ولو يعني معرفتش كدة كدة الشركة بتاعة بابي يعني تقدير جيد هشتغل برضو

ـ ولازمتها ايه اغاني التشجيع والكفاح اللي خلصتيها مدام كده كده انتِ هتشتغلي في شركة بابي

كانت هذه كلمات احمد المتهكمة وهو يقف خلفها

سالي :مش لازم اعرفة اني مش قليله ولا إيه

احمد :اممم اكيد بدليل أن محدش يعرفك غير انك بنت ياسر الادهم

سالي :انا كده هفضل اتخانق الاقي اليوم جري وملحقتش انام

احمد : روحي نامي يا قلبي وبلاش تسهري كل ده تاني عشان صحتك

سالي : ياه هما الدكاترة حنينين قوي كده

احمد : لا أنا نسخه واحدة مفيش اتنين

سالي : اممم طيب تصبح على خير معنديش قوة اتخانق

احمد :وانتِ من اهله ....

★*******★

مصطفى :انت رحت فين يا فارس

فارس : طلعت من البيت اتطمنت على ترتيبات الحفلة وبصراحة مش قادر مروحش الشركة ف هروح وارجعلك بسرعة مش هتأخر

مصطفى : أنا بحييك على نشاطك ده والله أنا لسه قايم من السرير

فارس : يا عم ما انت عندك حاجات تسهرك وهتتجوز النهارده الله يسهلو