زواج بالاتفاق "عشق السيرين" ❤️(قيد التعديل)

الفصل الثاني والعشرون

زواج بالاتفاق "عشق السيرين "❤️

الفصل الثاني والعشرون

★★★★★★

صلوا على محمد 🤍

★*******★

في اليوم التالي صباحاً

مصطفى : شيري قومي يا قلبي اتأخرنا على الشغل

نفخت شيرين بضجر : يا مصطفى قلتلك من امبارح اني مش رايحة سيبني انام بقى اتكل على الله

ضحك مصطفى. : معلش نامي يا حبيبتي

شيرين ؛ماشي يا حبيبي

مصطفى بسرعه : شيرين شيرين

شيرين بفزع : اييييه

مصطفى :انتِ قلتي إيه

شيرين وهي تفرك عينها كالاطفال :ماشي

مصطفى :هتستعبطي يا روح امك

شيرين :انت بتتكلم كدة ليه

مصطفى :قلتي إيه

شيرين بخجل : قلت حبيبي

مصطفى بلهفة :انتِ بتحبيني يا شيري

شيرين بتعجب : أيوا يا مصطفى أنا بحبك في ايه

مصطفى وهو يضمها اليه: أخيراً قلتيها

انتبهت شيرين انها بالفعل لم تعترف له عن حبها أبدا: هو أنت كنت عايزني اقلك عشان تبقى عارف

مصطفى: لا انا كنت عارف بس برضو محتاج اسمع منك ومكانش ينفع أطلب انك تقوليها عشان كنت عايزك تقوليها لوحدك بس اتأخرت اوي

شيرين :اتأخرت بس قلتها

ابتعد عنها مصطفى : لأ أنا قصدي اني اتأخرت على الشغل يلا سلام يا حبيبتي

أخذ حقيبته وركض الى الخارج وسرعان ما عاد و اختطف قبله على وجنتها وعاد إلى الخارج مرة أخرى كل ذلك وسط صدمتها مما فعل هل رحل الآن ام هي تتخيل

ضيقت عينيها بغضب : ماشي يا مصطفى هوريك

ابتسمت تضع يدها على وجنتها وتقوم من الفراش...

★**********★

في منزل خالد

افاق من نومه بفزع حين استمع صوتها انتفض ذاهبا إلى المرحاض وجدها تخرج منه ويعلو وجهها علامات الإرهاق

خالد :انتِ كويسه يا حبيبتي

اسماء.: معلش يا حبيبي صحيتك

خالد : مش مهم كده أصلا كنت هصحى عشان الشغل مال وشك مصفر كدة

اسماء:متقلقش أنا سألت ماما وهي قالتلي ان ده طبيعي في الحمل

امسك بيدها يجلسها على الفراش :طيب اقعدي هنزل اعملك حاجة تشربيها