زواج بالاتفاق "عشق السيرين" ❤️(قيد التعديل)

الفصل الحادي والاربعون

زواج بالاتفاق" عشق السيرين "❤️

الفصل الحادي والاربعون

★★★★★★★

صلوا على المبعوث رحمه للعالمين..♥️

★***********★

عاد من الخارج بعد عمل شاق لحتى يرتب حياته داخل بلاده وحمدا لله فقد انتهى واخيرا ..
تنهد بارتياح حين وصلت لرأسه تلك الفكرة ورأى والدته تجلس في الصالون واتجه لها يهتف في عتاب : ايه يا امي هو انتِ لسه ملبستيش
نظرت له والدته بتعجب : ليه
طه. : هو انا مش قلتلك تجهزي عشان هنروح النهارده للناس
نظرت والدته له بتعجب اكبر : امتى ده
طه : يا امي بعتلك رساله
والدته : انا موصلنيش اي رسايل حتى شوف
نظر للهاتف بيد والدته
ليتفاجئ انه بالفعل لم يرسل شيئا ليخرج هاتفه ويكتشف أين المشكلة والان فقط عرفها الا وهي ببساطة انه نسي إرسال الرسالة فقط
يالا الهول كيف نسي ذلك وضع يده على وجهه ليفيق ويجد والدته تربت على كتفه : حصل خير يا حبيبي روح ارتاح واجل المشوار لبكرة طول ما انت كده كده مكلمتش الراجل وشكلك مرهق اوي وتعبان
أومأ باقتناع وذهب إلى غرفته في الاعلى
لترفع يدها تدعو له بصلاح الحال...

★***********★

- أيوا هنرجع اسكندريه تاني امتى
نظر خالد الى زوجته : ايه زهقتي ولا إيه يا حبيبتي
اسماء : لا انا لو ينفع هفضل هنا الاسبوع اللي جاي كمان بس عشان الشغل ما الإجازة خلصت
أومأ خالد : عارف بس بصراحة مش قادر على الحج هو مصمم افضل كام يوم زيادة مع اني مستتقل القعدة هنا
اسماء : بسبب أبن عمك الرخم اللي اسمه حازم ده
خالد : مش بالظبط بس أنا مهما حصل دايما بفتكر اليوم اللي خرجت فيه من هنا والطريقة ومفيش حاجه بتمحي الذكريات دي مهما حصل
اسماء : فاهماك يا حبيبي بس انت لازم تتجاوز الحجات دي
أومأ خالد بتفهم : صحيح يا حبيبتي الولاد فين
اسماء : جوه في اوضتهم عايزين ينزلوا بس انا منعتهم
خالد بتعجب: ليه
اسماء : عشان لما بينزلوا تحت بيبهدلوا نفسهم وانا تعبت كل شوية لما بغيرلهم وولادك دول استنى نرجع بس وانا هربيهم من اول وجديد
خالد : عملوا ايه لكل ده
اسماء : العيال عيال اولاد عمك بيعلموهم حجات غريبة وبيخلوهم ميسمعوش الكلام
استوى خالد في جلسته : ليه بيعملوا ايه وبيعلموهم ايه
اسماء بلا وعي من كثرة غضبها : اياد امبارح بقوله سيب الالعاب وتعالى مش راضي يسمع الكلام ولما جبته من قفاه : زعق فيا وقالي ان الرجالة مينفعش تسمع كلام الحريم وان هو لو سمع كلمي العيال بتقوله يا أبن امك انا بقى اعمل ايه ..... صمتت ثواني ووضعت يدها على فمها بصدمة :انا قلتلك ؟!
خالد بغضب : كل ده حصل ومش عايزاني أعرف والله عال عيالي اخلاقها باظت وهي عندها تلت سنين ونص
نظر ناحية الباب ونادى بغضب : اياااد ولد يا ايييااااد
اسماء : خلاص بقى يا خالد أنا كنت بفضفض معاك مش اكتر الولد لسه صغير ميقصدش هو بس عجبته الكلمتين وقالهم خلاص بقى متكبرش الموضوع
خالد : لا يا اسماء مفيش حاجه اسمها لسه صغير انا ابني مهما كان عمره لازم يتعلم ازاي يحترم مامته ايييااااد
دلف اياد في هذا الوقت وهو ينظر أرضا بارتجاف وخلفه أخيه يدعمه للتقدم
اياد : نعم يا بابا
خالد : ايهم واسماء استنوني بره
اسماء : يا خا...
قاطعها بحزم : يلا يا اسماء
جذبت يد ايهم وخرجت بصمت واغلقت الباب خلفها
خالد : ايه اللي أنا سمعته من مامتك ده
اياد : إيه يا بابا هو أنا عملت حاجة غلت
خالد : يعني مش عارف عملت ايه
هز رأسه نفيا بقوة : لا
خالد : وماله أقول أنا.... إزاي يا ابو نص لسان أنت تتكلم مع مامتك بالطريقة قليلة الاحترام دي
اياد : انا معملتش حاجة غلت ماما هي إللي شدتني من التيشرت بتاعي جامد
خالد : تقوم تصرخ فيها وتقولها اللي انت قلته ده يعني انا عشان محترمك ومعتبرك راجل ومش راضي امد ايدي على ولا واحد منكم تفتكر نفسك كبرت وهتزعق لمامتك وانا هسقفلك واقولك برافو.... هااا ما ترد
لم ينتظر منه رداً ليصرخ به مكملا : هو أنت فاكر انك لما عملت كدة بقيت راجل وهتكبر في نظري مثلاً يعني... لا على فكره انت كدة مش راجل ولا تمت للرجوله بصلة ولما انت لسه بنص لسان وبتعمل عمايلك دي وأنا لسه عايش اومال لما تكبر هتعمل ايه ها ولما انت تزعق لمامتك مين اللي هيدافع عنها لو أنا مكنتش موجود مش كفاية مستحملاك انت واخوك وقرفكم عمرها اشتكت منكم ولا قلتولها على حاجة ومعملتناش يعني دي اخرة تعبها معاكم يعني وانت يا اللي عامل فيها راجل تقضر تعمل حاجة من غير ما تكون هي موجودة ولا تقضر تأكل نفسك
بكى الطفل بقوة من هجوم والده بكل تلك الكلمات اللاذعة : انا آسف يا بابا مش هعمل كدة تاني
خالد وهو يحتضنه : حبيبي أنا مش عايزك تعيط انا عايزك بس تعرف غلطك واني مش بزعق معاك من فراغ انت ابني الكبير ومرضاش تغلط غلط زي ده الكلام اللي أنا قلته ده يمكن تكون مفهمتهوش لكن لما تكبر هتفهم معنى كلامي ده انتوا الاتنين اللي هتسند عليهم لما اكبر عايز ابقى ربيت رجالة بجد ولازم ازرع فيكم الرجولة من وانتوا وصغيرين مين اللي فهمك انك بالطريقة دي هتبقى راجل... الراجل مش اللي يستغل صوته ويعليه على ابوه وامه الراجل اللي بجد اللي يبقى كويس مع بباه ومامته ويثق في تربيتهم ليه انها التربية الصح وميسمعش كلام اي حد وخلاص ربنا مش بيرضى عن اللي بيزعقوا لمامتهم ويعلوا صوتهم بالعكس ربنا بيوديه النار انت عايز تخش النار
هز رأسه نفيا بخوف : لا انا بخاف منها أوي
مسح خالد دموع ابنه : خلاص تبقى تطلع تتأسف لماما والموضوع ده ميحصلش تاني المرة الجاية انا لو مشفتكش ربنا هيشوفك وهيدخلك النار يلا روح اتأسف لماما وتعالى عشان عايزك في موضوع تاني
قبل الطفل والده في وجنته وخرج راكضا تجاه والدته ليتأسف لها عن فعلته ...