زواج بالاتفاق "عشق السيرين" ❤️(قيد التعديل)

الفصل الحادي والثلاثون

زواج بالاتفاق "عشق السيرين"❤️

الفصل الحادي والثلاثون

★★★★★★★★

صلوا على  محمد
خير الانبياء والمرسلين 🦋❤️
★*********★

وصل فارس أخيرا إلى المنزل
دلف ووجده هادئ إلا من صوت ما بالمطبخ
اتجه إلى هناك وقد خاب ظنه حين وجدها الخادمة
التي فور ما رأته تهللت اساريرها : ألف حمد الله على السلامه يا فلوس بيه نورت بيتك
فارس : شكراً يا سيدة تسلمي بس انتِ لسه مروحتيش الوقت اتأخر
سيدة : لا يا فارس بيه ياسر بيه طلب مني ابقى مع الهانم لما تبات هنا عشان متبقاش لوحدها
فارس :  هي سيرين فين
سيدة : سيرين هانم فوق أول ما رجعت من الشغل يا حبيبتي نامت من التعب
أومأ فارس وحياها وسار تجاه غرفته القى مفاتيحة على الفراش وكانت الغرفة مظلمة ولكنه لم يكترث اخذ ثيابه ودلف الى المرحاض  ليبدلها  وارتمى على الفراش بتعب بأنهاك يفكر في حديث والده ويعيد التفكير مرات ومرات حتى داهمه النوم ورحب به مغلقا جفنيه يشعر بشيء غريب في الغرفة وصوت انفاس شخص ما ولكنه تجاهل كل هذا دون قصد فقد كان النوم يسحبه الى القاع دقائق وقبل أن يتعمق في النوم شعر بحركة ما جواره وان شيئا ما يحط على صدره فأنتفض  بسرعة يشعل الاضواء ليتفاجئ بها لوهلة كان يعتقد انها ليست هي بحق الله تغيرت ملامحها وكانت ذابلة وشاحبة ولكنها ما زالت جميلة  نائمة بهدوء يحاكى هدوء الاطفال وهي تستند برأسها على ذراعه بدلا من صدره حيث حركها انتفاضة فرك عينيه عله يتخيل ولكنها حقيقة تسكن بين زراعيه وشعرها  الذي اكتسب طولا يفترش السرير جوارها ف بتلقائة ازاح بعض الخصلات خلف اذنها ففتحت عينيها في هذا الوقت ببطء لترى صورة مشوشة وسرعان ما انتفضت هي الأخرى مبتعدة عنه حين اتضحت لها الصورة وشبه وقعت عن الفراش
و وقفت متحفذة تصرخ به بتعلثم  : ان...انت بتعمل ايه هنا و ....و  جيت امتى
فارس وهو ينهض عن الفراش ببعض الضيق لنبرة الاتهام في صوتها واشعل اضواء الغرفة : اللي حضرتك مش واخدة بالك منه ان دي اوضتي وده سريري فطبيعي لما اجي انام هاجي هنا
سيرين : و.. وده ميديش الحق ليك انك تلمسني او تقرب مني بالطريقة دي
فارس بغضب واندفاع : أنا ملمستكيش ومكنتش أعرف أنك هنا أصلا الاوضة كانت ضلمه وبعدين انتِ اللي جيتي حضنتيني بنفسك ومش انا اللي قربت منك على فكره
قال كلماته الاخيره بتهكم لتبتلع لعابها وتبتعد بعينيها عنه لتسمعه يكمل بغضب ما أثار غضبها وسخطها على أفعاله السابقة كلها : وبعدين فيها ايه حتى لو لمستك انتِ مراتي ولا نسيتي
صرخت به بشراسة : لا منسيتش بس شكلك انت اللي نسيت ان الجوازة دي كلها بالاتفاق يعني في اتفاق بينا من قبل كده وخلاص قرب ينتهي وهنتطلق وكدة يبقى اتممنا الاتفاق للأخر وشكرا
وإياك تفكر أبدا اني ممكن اعتبرك زوج ليا من بعد كده ومتفرضش نفسك في حياتي لانك ملكش مكان فيها  ده نفس  كلامك لما والدتك الله يرحمها توفت وكان عندك حق واني مكانش مفروض اتدخل في خصوصيات العيلة انا معترفة لاني مش منهم وأنت بنفسك إللي فكرتني ان جوازنا مش حقيقي وانا بصراحة مش شايفه أي داعي ان إحنا نكمل اكتر من كده ولو عايز ممكن ننهي صداقتنا كمان
صمتت لتكمل بمرارة : لو ده مكانش حصل أصلا من بدري وانا حاولت معاك كتير بس انا تعبت فمتجيش دلوقتي بكل برود تقول انتِ مراتي
عن اذنك
تركته وغادرت الغرفة وهي تجلد ذاتها على نسيانها ونومها في غرفته ولكنها لا تشعر بالأمان إلا في وجوده وقد أصبح البيت موحشاً ومخيفا بعد رحيله ووجدت نفسها تجد الامان في غرفته ولا تطيق الابتعاد عنها اغلقت باب الغرفة عليها وارتمت على الفراش ابكي وتنعي حالها