زواج بالاتفاق "عشق السيرين" ❤️(قيد التعديل)

الفصل الاول

زواج بالاتفاق (عشق السيرين)

الفصل الاول

...............

بسم الله ، اللهم صلي وسلم وزد وبارك على سيدنا محمد وعلى اله وصحبه وسلم تسليما كثيرا عدد خلقك و رضى نفسك و زنة عرشك ومداد كلماتك 🤍✨

.................

كانت عائلة الادهم تلتف على سفرة الطعام صباحا يتناولون وجبة الإفطار في يوم كالعادة يعلم الجميع أنه سينتهي هذا الإفطار برحيل الإبن الأكبر من البيت غاضباً

بدأت علياء (الأم)الحديث لتكسر الصمت:بقول إيه يا ياسر

انتبه ياسر (الأب)لما ستقول زوجته قولي يا علياء خير

انا شفت بنت الاستاذ حسين ما شاء الله كبرت وبقت عروسة

نظر فارس بضيق يعلم هذه البداية جيدا قاطع تفكيره قول والدته:

ـ فاكرها يا فارس

فارس بعدم اهتمام وهو يكمل طعامه:لاء

ياسر: أيوا يا علياء مالها يعني

علياء:مالك ما تركز

أحمد بخفوت لوالده : إيه يا بابا مش عارف كل قعدة زي دي ونفس الكلمتين تبقى ماما قصدها إيه ما تركز يا حج

ياسر بخفوت هو الاخر:ما أنا فاهم يا غبي اسكت انت

رفع صوته محدثاً زوجته:اه شفتها وعرفت من بباها ان متقدملها كتير بس هي مش موافقة

علياء: أحسن مش يمكن يكون لها نصيب احسن

سالي متفادية الشجار الذي سيحدث بعد دقائق:احم..بقلكم إيه انا لازم امشي يلا يا احمد عشان نمشي عندي محاضرات كتير

احمد:ماشي يلا

رحل احمد مع سالي بينما بقي فارس مع والداه

علياء: بقلك إيه يا فارس يا حبيبي

فارس: نعم يا ست الكل اؤمري

علياء:مش ناوي تتجوز بقى يا حبيبي وتفرحنا بيك انا عايزه أشيل عيالك يا بني قبل ما اموت

فارس بضجر: ماما مش كل يوم نفس الكلام بعد إذنك انا مش هتجوز بالطريقة دي ومش عايز اتجوز دلوقتي وبلاش كل يوم تنكدي عليا بنفس السيره لو سمحتي عن ازنك انا اتأخرت على الشركة هسبقك يا بابا سلام

رحل فارس لتردف والدته بحزن:انا مش عارفه هيفضل لامتى كده عامل زي الاله معدوش غير شغل حياته كلها شغل

ياسر:بصي يا عاليا متتعبيش نفسك أن شاء الله هيجي يوم وهيتجوز و هتفرحي بيه بس انتِ بطلي تتكلمي معاه بالطريقة دي هو قالك انه مش هتجوز غير لما يبقى عايز سبيه على راحته وهو هيجي لحد عندك و هيقولك عايز اتجوز البنت دي

عاليا:انا خايفة الايام تجري وو.......

قاطعها:خلاص بقى متشغليش بالك انا همشي عشان لو اتأخرت اكتر من كده إبنك مش بعيد الاقيه طرد نص الموظفين انتِ عارفاه يلا سلام عليكم