زواج بالاتفاق "عشق السيرين" ❤️(قيد التعديل)

الفصل الاربعون

زواج بالاتفاق "عشق السيرين" ❤️

الفصل الاربعون

★★★★★★★★

صلوا على نبي الرحمه 🤍

★***********★

نظر خالد الى مصدر الصوت وجده حازم ابن
عمه الثاني
فنظر له بتعالي وردت إلهام :أهلا وسهلا يا حازم جيت بدري يعني أنت ومرتك
ابتسم الاخر بسخرية وهو ينظر إلى خالد : العيال نامت وجلنا نيجي قبل ما الوجت يتأخر مجلتليش يا مرت عمي عندينا ضيوف ياك
خالد بقوة : لا يا حازم يا أبن عمي مفيش حد غريب بيخش البيت وهو مفيهوش رجاله متقلقش ده أنا أبن صاحب السرايا
انقلبت ملامح حازم واكفهر وجهه وهو ينظر إلى خالد مصعوقا : خالد..
خالد : نسيت شكلي يا أبن عمي
حازم بحقد : عدى سنين على اخر مرة شفتك فيها أكيد شكلك اتغير ااا.. نورت بيتك يا خالد
خالد : شكرا يا غالي
كلمات تتضح للجميع أنها عاديه ولكن للواقفه بينهم فهي ليست كذلك بالمرة وهي التي تلحظ النظرات المشتعلة
قررت إلهام انهاء هذه المشاحنات : روح يا حازم حط العيال على فرشتهم و غير خلجاتك وتعالى الباجيين زمانهم على وصول عشان نحط العشا
نظر حازم لها ثم الى زوجته وسحب يدها بصمت وصعد إلى شقته و داخل رأسه يغلي بغل كبير..

......
دلف الى شقته ووضع اطفاله على الفراش وخرج من الغرفة لغرفته ليجد زوجته تنتظره وعلى وجهها إمارات الغضب وفور ان لمحته حتى صرخت بوجهه: هو ده اللي جلتلي انه مهيرجعش اهو رجع ورجع جوي كمان ولا كنه صاحب البيت وعيتأمر علينا هتعمل ايه دلوك جلي
حازم : وطي صوتك يا وليه انتِ نسيتي نفسك ياك كيف ترفعي صوتك على راجلك
زوجته بتراجع : مجصديش بس أنا خايفه عليك
حازم. : اكتمي دلوك معايزش اسمع حسّك لحد ما نشوفو حل للمصيبة دي برجوع خالد جوي إكده يبجى عمي هو اللي جابه وناوي يسامحه كمان وهياخد ارضه اللي متوزعة علينا متنسيش انها متوزعة بالاسم بس كلها مكتوبة ب إسم عمك وولده عاصم وده ميمنعش انه يكتبله الارض زي ما كتبله الدوار
ومحدش يجدر يتحدت في حاجة معاه ده ماله وهو حر فيه وابوي ميملكش حاجة جنب عمي..

★**********★

اما بالاسفل

ـ هدي السر معاه يا ولدي معايزنش مشاكل دا راجل فجري كيف امه العجربة هنجول ايه متجوزش عليها غير الرحمه دلوك بين ايدين ربها
خالد : انا معمتلش حاجة يا امي هو اللي داخل وعامل نفسه صاحب البيت وانا وقفته عند حده بس عن اذنك أنا طالع لمراتي ..

★★********★★

ـ ااه يا بنتي هتشل هنفجر يعني كل الناس بتعيبد وبتخرج إلا إحنا قاعدين في الحبس الانفرادي ده ليه ، انا ندمت اني دخلت كليه خمس سنين هو كان لازم يعني اتفزلك وأدخل هندسة

كلمات حانقة القتها فريدة على مسامع مها التي تحدثها على الهاتف
مها : خلاص بقى يا فريدة مش كل شوية كلنا معاكِ أهو والامتحانات في آخرها ونخرج وننبسط
فريدة : مدام كلمتني يبقى تسمعي ما هو أنا لو متكلمتش هنفجر هيحصلي حاجة
مها : معلش باقي أيام ونخلص من الكليه كلها
فريدة : يا رب
مها : الاء زيك والله تعبانه اوي في مزاكرتها وخطوبتها وكتب كتابها وجوزها الرخم اللي اصر أنهم يتجوزوا بعد الامتحانات وخلاها مشغولة عن مزاكرتها وفي الاخر مبقتش عارفه تركز
فريدة: هو اللي رخم ما هو على يدك صاحبتك هي اللي كانت كل شوية توافق وترفض ولما رسيت على حل الراجل استغل الموضوع وقال يخلص قبل ما ترفض تاني بصراحة أنا شايفة انه بني آدم كويس جدا ويستاهل كل خير لأنه كان متفهم الحالة اللي بتمر بيها ورغم كل مرة بترفض فيها بيرجع يتقدم ليها تاني لحد ما وافقت مستحيل تلاقي حد يحبها قده ربنا يحفظهم لبعض و ميتفرقوش تاني أبدا
مها : يا رب هو فعلاً انسان كويس جدا بس أنا صعبان عليا صاحبتك في اللغبطة اللي حصلتلها رب يسعدها واشوفها احسن عروسة واشوفكم كلكم يا رب زي ما شفنا تقى
ابتسمت فريدة وهي تتنهد بألم : يا رب يا حبيبتي مع السلامه دلوقتي
مها : سلام يا حبيبتي....