زواج بالاتفاق "عشق السيرين" ❤️(قيد التعديل)

الفصل السابع عشر ( الجزء الثاني)

زواج بالاتفاق" عشق السيرين "❤️

الفصل السابع عشر( الجزء الثاني )

★★★★★★★

اللهم صلي وسلم وزد وبارك على سيدنا محمد وعلى اله وصحبه اجمعين ❤️🦋

★********★
كلمتين قبل ما نبدأ الفصل
انا عارفه أن الفصل امبارح كان قصير عشان كده قسمته على جزئين تمام عشان محدش يتلغبط لان ده الجزء الثاني من الفصل

هسيبكم مع الفصل

قراءة ممتعة...

★*********★
رأى فارس سيرين بعيدا تجلس في مكانها المفضل ساقها للخارج وتنظر امامها بشرود فأتجه إليها: تسمحيلي اقعد

افسحت له المجال وقالت دون أن تلتفت:اتفضل

جلس جوارها بنظر إلى الطريق والسيارات في الاسفل بإعجاب واخذ يتحدث معها في بعض الأمور

بينما علي مقربة منهم كانت رنا تحدث أحدهم على الهاتف
رنا: قلتلك كلمني عربي يا عمر بلاش اللبناني ده عشان بيقلب معدتي ........... اممم طب أنت مش ناوي تبطل صياعة بقى ولا إيه ......... طب خلي بالك عشان أنت عندك اخوات بنات وممكن يحصل فيهم حد يعمل فيهم إللي بتعمله ده ........... لا مفيش فرق وبعدين ملكش دعوه بالمصريات خليك في لبنان ......... احسن هما بيحبوا التسليه وبيبقوا عارفين انك بتتسلى .......... عارفة انك مش بتعمل حاجه غلط بس مش لازم يكون في بينكم حاجة شمال عشان تترد في واحدة من اخواتك يمكن اختك تحب حد ويسيبها مثلاً ........... اه هتفكر ما أنا عارفة الكلمتين دول وهتطنش

سلام يا عمر..

انهت المكالمة واتجهت تجلس مع مازن الذي يجلس بمفرده: ايه يا ميزو قاعد لوحدك ليه

انتبه لها مازن: عادي اقعدي يا رنا

جلست جواره قائلة بمرح:بتفكر في ايه اوعى تكون بتفكر في واحدة غيري وبتخوني

ضحك مازن:ارتاحي يا رنا أنا مش بفكر في غيرك

ابتسمت ولكن سرعان ما اختفت ابتسامتها حين أكمل
مازن قائلاً: ولا فيكي يا رنا أنتِ اختي الكبيره

رنا:عيل فقري اتفووو سديت نفسي

ضحك مازن:ليه كده بس أنا عملت ايه

رنا:ياخي جاريني  حتى القلب اشتكى من قله الهشتكه يا راجل مش لاقيه حد يعبرني

مازن وهو يكمل وصلة ضحكه: يعني يوم ما تدوري على هشتكه تدوري عليها عند واحد اصغر منك

رنا:شوف الواد مصر يتشتم دانت قد ابويا متقولش اصغر منك تاني

مازن بجدية مصطنعة وتمثيل:كان الود ودي يا بنت العم لكن أنا مش هتجوز واحدة تصرف عليا ومش هتجوز صحفية بكرة تفضحني في شغلي

رنا بتمثيل هي الاخرى: طب حاول تدي علاقتنا فرصة يا مازن أنا لسه بحبك أنا ممكن اسيب الشغل عشانك