زواج بالاتفاق "عشق السيرين" ❤️(قيد التعديل)

الفصل الرابع

زواج بالاتفاق (عشق السيرين)❤️

الفصل الرابع

★★★★★★

‏أرضيت يامحمد؟!

فيقول : والله ياربي لا أرضي وواحد من أُمتي في النِار

فصلوا عليه♥️🌿.

*************

عاد علي إلى منزله مهرولاً

علي: ماما فين سيرين

وفاء:نايمة يا ابني هو في حاجة ولا إيه

ذهب علي إلى غرفتها دون حتى أن يرد على والدته

علي: سيرين

سيرين بصوت خالي من النوم:عايز ايه يا علي

علي:انتِ صاحية

سيرين وهي تعتدل:اه يا علي في حاجة حصلت

علي: إيه اللي انتِ كاتباه في الجريده ده النهارده

سيرين وهي تنظر له نظرات قوية ترتدي رداء اللا مبالاة:خبر

علي: سيرين اتكلمي بجد الكلام ده حقيقي ولا عشان حق بابا اللي بقالك سنين مستنيه تاخديه

سيرين وهي تنظر له بغضب: وانت تعرف أني ممكن اعمل كده

علي بغضب مماثل:اه شايف يا سيرين وعارف أنك مستنية اليوم اللي تنتقمي فيه لبابا ومستبعدش تكوني بتعملي كده عشان ترجعيه صح

سيرين بجمود: صح ودي الحقيقة مش هو ده اللي انت عايز تسمعة  ومدام أنت قلت كده يبقى أنت متعرفنيش كويس زي ما كنت متوقعه ومتعرفش أن مش أنا إللي أظهر حق بالباطل ولو أنا عايزة اعمل كده كنت عملت كده من زمان من سنين وانا دمي بيتحرق على اللي عمله في بابا سنين وانا مستنيه اليوم المناسب عشان اشوفه يوم واحد مذلول في السجن زي الك*ب (كانت تتحدث وشهقاتها تعلو ودموعها تغرق وجهها لتردف بصوت اعلى)زي ما خلى بابا يعاني تلت سنين في السجن مستني وكان عنده أمل أن ربنا يظهر حقه ولما فقد الأمل مات بحصرتة على شركته وفلوسة و اسهمه إللي بقت في الارض والأهم من ده كله سمّعته اللي قعد بيني فيها سنين لحد ما بقى عبد الرحمن الاسيوطي إسم كان عظيم عند كتير ولما وقع مفيش حد قرر حتى أنه يقف جنبة

تابعت بضحك:وهيقفوا جنبه إزاي واللي وقعه اصلا يبقى اخوه الكل باع العشرة من اول موقف تعرف بابا احسن اختيار كل شئ في حياته إلا البني ادمين إللي أنا عملته صح يا علي حتى لو من وجهة نظري أنا لوحدي

تركته بمفرده وخرجت

علي..: سيرين استني

سيرين: سيبني لوحدي لو سمحت أنا مش قادرة اتكلم تاني

خرجت سيرين من الشقة إلى الأعلى الى اخر طابق في البناية تجلس على الحافة من الاعلى وقدمها إلى الخارج في مشهد كان مرعب للكثير ولكن ليس لها كانت تسترجع زكراياتها مع والدها منذ أن كانت طفلة صغيرة لا تعي شيء..