زواج بالاتفاق "عشق السيرين" ❤️
الفصل الثاني والاربعون
★★★★★★★
صلوا على محمد
★*********★
ـ ها إيه رأيك حلو مش كدة
نظرت إلى الهاتف تشاهد بعض الصور التي يطلعها عليها كريم للشقة التي ستجمعهما يوماً ما
الاء : جميلة جدا يا كريم
كريم في وله : مفيش أجمل منك يا لولي
الاء : بجد يا كريم انت شايفني حلوة
كريم : يعني بعد اكتر من تلت سنين خطوبة تقولي الكلام ده أنا مشفتش الجمال الا فيكِ يا لولي هو انتِ مبتبصيش في المرايا ولا إيه جمال ايه وحلاوة إيه انا هقولك برضو
ابتسمت الاء : بجد يا كيمو
كريم : ايوا بجد طب اقلك على حاجة بس متسيحيش
الاء : ايه
كريم وهو ينظر حوله كأنه سيقول شيء في غاية السرية : قربي عشان محدش يسمعنا
مالت الاء إلى الأمام تقول بصوت خافت : أيه
كريم : انتِ اول واحدة اعاكسها في حياتي
آلاء : نعم
كريم : اه والله زي ما بقولك طب هو في واحد يشوف واحدة حلوه زيك وميعاكسش دي تبقى عيبة في حقه
آلاء : بس أنت قلت كلام غير ده وقتها
كريم : أيوا عشان كنت عايز استفذك زي ما استفذتيني
بس كانت أحلى مرة في حياتي
الاء : بس اكيد انت شفت أحلى مني بكتير
كريم : كتييير اوي بس القلب بيميل مرة واحدة يا حبيبتي انتِ اجتمعت فيكِ الجمال الخارجي والداخلي لكن دول مجرد اشكال لكن القلب اسود
الاء يا حبيبتي كوني متأكدة أنك اختارتي صح زي ما أنا متأكد مية في المية من اني عملت كدة
الاء بدموع الفرح : مش عارفة اقولك ايه يا كريم بجد انت احسن حد في حياتي
كريم : طب يلا يا حبيبتي حمزة بيرن وشكله وصل قبلي
نظرت له بتركيز وهي تمسح دموعها : وصل فين اوعى تكون عندك مهمة
كريم : لا يا حبيبتي هو أنا لو عندي مهمة هاخدك معايا؟!
.. يلا اتأخرنا
الاء : استنى هنروح فين
كريم:هنروح بيت صاحبتك نحضر الحفلة
الاء : صاحبتي ... صاحبتي مين وحفلة إيه
كريم : تعالي وهقولك في الطريق
اخرج المال ووضعه على الطاولة وجذبها خلفه...
★********★
كان الحفل اشبه بحفل زفاف عائلي
ذلك الحفل الذي أقامه طه ببيت فريدة مفاجئة للاحتفال بعقد القران..
انتهى الحفل بعد فترة طويلة واصر طه ان يصطحب فريدة معه إلى احد المقاهي ليتحدث معها بمفردهما
طه : مالك ساكتة ليه
فريدة : بفكر
ـ في ايه
فريدة :فيك يا طه انا مكنتش أتوقع أنك ممكن ترجع او حتى تفكر تتجوزيني طه أنت بتحبني بجد ولو بتحبني ليه غبت كل ده وليه مشيت من اساسه
طه : أنا جبتك هنا عشان اجاوبك على كل اسألتك وجبتك هنا بالذات في الكافيه ده عشان اكمل اللي خوفي من الماضي منعني من اني اعمله المرة اللي فاتت
فريدة : أنا مش فاهمة حاجة
تنهد طه : فريدة انا مش بحبك ..انا بعشقك
وتأكدت لما كنتي في أميركا مع اخوكي وشفتك حسيت ان قلبي بيتسحب معاكِ وانت ماشية كنت بكابر الحب ده وبرفضه وبحاول اسيطر على قلبي لكن لما شفتك تاني فقدت السيطرة على قلبي كليا بل واعترفت لنفسي اني غرقان فيكي
فريدة بدموع وصوت عالي نسبياً : طب لييه ليه مشيت ليه كنت بتعمل كل ده فيا وفيك
طه بانزعاج : لو سمحتي يا فريدة تفضلي هادية عشان أعرف اكمل
فريدة وهي تمسح دموعها: انا آسفة
طه : حبيبتي اسمعيني انتِ عارفة بقصتي القديمة مع سيرين
اومأت بصمت دون ان ترد
طه : انا خفت القصة دي تتكرر تاني خفت على قلبي من انه يتكسر تاني وخفت لو اعترفت ليكِ يكون احساسي من ناحيتك مجرد وهم عشان انسى حبي القديم مكنتش عايز اكسر قلبك خصوصاً اني مجرب الاحساس ده قبل كده وكسرة القلب مش سهلة
صمت قليلاً وابتسم بسخرية : كنت فاكر ان اللي عملته كان الصح والحب اللي شفته في عنيكي ليا كان مجرد تعلق مش اكتر وهيروح باختفائي من حياتك مكنتش اعرف اني بعذب نفسي و بعذبك معايا ..... المقابلة اللي حصلت في أميركا وضحتلي حجات كتير اوي أنا كنت غافل عنها أولها اني مقضرش اكمل حياتي من غيرك وان الحب اللي بجد انا محستهوش غير معاكِ انا حقيقي مش عارف كان ايه طبيعة احساسي ناحية سيرين بس اللي اعرفه دلوقتي انها بالنسبالي بنت عمي واختي الصغيرة واكتشفت ان اللي كنت بحسه ناحية سيرين مكانش حب لان اللي بيحب حد مبيستسلمش أبدا وبيحاول يوصله وده معملتهوش مع سيرين بس كنت مستعد اعمل المستحيل عشان اوصلك وتبقي على اسمي
مشيت عشان اتأكد من مشاعري وابعد عن اي ضغوط تشتت تفكيري عشان لما ارجع ارجع وانا متأكد ان اختياري هو الصح 100% ومظلمكيش معايا ومظلمش نفسي انا عارف ان الوقت كان كبير بس المهم اني رجعت ...
انا خلصت كلامي في حاجة تانية عايزة تقوليها
نظرت إلى عينيه واستشفت صدق حديثة وهزت رأسها برفض واردفت :انا دلوقتي مش عايزة غير حاجة واحدة بس
طه بشغف : قلبي
فريدة : لا قلبك ايه انا عايزة اكل
رمش طه بعينيه عدة مرات يستوعب : انتِ قلتي ايه
فريدة : عايزة اكل
طه : تصدقي انك جبلّة قومي يلا
فريدة : يعني ايه انت مش هتأكلني
طه : هأكلك في كافيه؟! قومي نروح أي مطعم
فريدة : انا عايزة اروح ماك
طه : أنا اشك ان والدتك لبنانية اصل أسمع انهم بيحسوا
فريدة : لا هو محدش قالك انه قدام الشاشة بس
طه: يا راجل
فريدة : ايوا اومال انا هكذب عليك يلا بينا يا أخويا الواحد مكلش حاجة من الصبح
ضحك طه بقوة وهو يجذب يدها مقبلا لها وذهبت معه خارجين من المكان بأكمه وها قد عادت فريدة لسابق عهدها وكم اسعده هذا ....
أنت تقرأ
زواج بالاتفاق "عشق السيرين" ❤️(قيد التعديل)
Randomماذا يحدث لو اجتمع اثنان يرفضان فكرة الزواج ولا يعتقدان أنهم قد يتزوجا يوميا ما هل سينفذا رغبتهما بالابتعاد عن هذه العادات ام أن للاهل حديث آخر...... انتظروني أنا رانيا احمد في أول حلقات روايتي الجديدة زواج بالاتفاق "عشق السيرين"❤️
