Escape: Back Of The Red Door

Episode 1. Started In July

Unicode

ဂျူလိုင်လ 13ရက် 2002 ခုနှစ်...

ကောင်းကင်ထက် တိမ်းမည်းလိပ်ကြီးများ နေရာယူထားကာ လောကတခွင် မည်းမှောင်နေတော့သည်။ လျှပ်ပန်းလျှပ်နွယ်များသည် တလတ်လတ်ဖြင့် ဟန်ရေးပြနေသည်။ မိုးရေစက်တို့သည် တဖြောက်ဖြောက်ဖြင့် ရွားသွန်းနေ၏။

ထိုစဉ် လေ့လာရေးခရီးတစ်ခုမှ ပြန်လာသည့် ကျောင်းဘတ်စ်ကားတစ်စီးသည် ခပ်ပြေးပြေးလေး မိုးရေတွေပြည့်နေတဲ့ ကတ္တရာလမ်းမထက်ဝယ် မောင်းနှင်လာသည်။ ကားသမားသည် အိပ်ချင်နေသည့် မျက်လုံးအစုံအား မသိကျေးကျွန်ပြု၍ လမ်းမချော်သွားစေရန် ဂရုစိုက်၍ မောင်းနှင်နေသည်။

" London Bridge is falling down,
Falling down, Falling down.
London Bridge is falling down ,
My fair lady."

ကားထဲရှိ ကလေးငယ်များ၏ London Bridge ကဗျာသံသည် ညီညာစွာ ထွက်ပေါ်နေသည်။ အပူပင်ကင်းမဲ့သည့် ကလေးငယ်တို့သည် ပျော်ရွှင်စွာနဲ့ ကခုန်ရင်း သံပြိုင်သီဆိုနေကြသည်။ ဆရာမသည်လည်း ကလေးငယ်တို့အား လက်ခုပ်တီးကာ အားပေးလျှက်ရှိ၏။

ပျော်ရွှင်မှုတွေနဲ့ ပြည့်နှက်နေတဲ့ ဘတ်စ်ကား၏ မှန်ပြတင်းပေါက်နား တစ်နေရာဝယ် မျက်လုံးသေကြီးများဖြင့် အပြင်ဘက်က မိုးရေစက်တို့ကို ငေးနေသည့် ကလေးငယ်တစ်ယောက်လည်းရှိနေပြန်သည်။ မှန်ပြတင်းပေါက်ကို ရိုက်ခတ်လာသည့် မိုးရေစက်တို့ကို လက်ညိုးကလေးဖြင့် အသာထိလိုက်ပြီး ထိုကလေး၏ မျက်လုံးဝိုင်းဝိုင်းလေးများသည် တစ်ချက်လတ်သွားသည်။ ထို့နောက် အသံသေးသေးလေးဖြင့် ကဗျာဆိုလေသည်။

" Our bus is goin' to hell,
Goin' to hell, Goin' to hell.
Our bus is goin' to hell,
My fair lady."

ကြောက်စရာကောင်းတဲ့ ကဗျာစာသားတို့ကို ကလေးငယ်သည် ချစ်စရာကောင်းအောင်သီဆိုနေခဲ့သည်။ အခြားကလေးငယ်များ၏ သီဆိုသံများကြောင့် ထိုကလေးငယ်၏ နမိတ်မကောင်းတဲ့ ကဗျာစာသားကို မည်သူမှ သတိမပြုမိကြပေ။ ကလေးငယ်သည် ထိုစာသားကိုပဲ ထပ်ခါထပ်ခါပြန်ဆိုသည်။ အဆုံးမှာတော့ ကဗျာသည် ရပ်တန့်သွားပြီး တခစ်ခစ်ရယ်သံလေးက အစားထိုးလာပြန်သည်။

ထိုစဉ် လျှပ်စီးသည် လင်းထိန်စွာ လင်းလတ်သွားပြီး မိုးကြိုးသည်လည်း တစ်ဆတ်တည်း ကျယ်လောင်စွာ မြည်သံပေးလာတော့သည်။ တစ်ချက်ငိုက်မြည်းသွားသည့် ကားဆရာ၏ လက်တို့သည် စတီယာရင်ဘီးအား ထိန်းချုပ်နိုင်စွမ်းမရှိတော့ပေ။ အရှိန်မှန်မှန်ဖြင့် မောင်းလာသည့် ဘတ်စ်ကားလေးသည် မိုးရေတွေပြည့်နေသည့် လမ်းမထက်ဝယ် တစ်ပတ်လိမ့်ကာ ချော်ထွက်သွားတော့သည်။