Unicode
ဂျောင်ကုသည် လိန်းကို ပြန်တွေ့ပြီဆိုတဲ့ သတင်းကြောင့် အပြေးကလေးထွက်လာသည်။ အတွင်းရေးမှူးနဲ့ Ozzyပြောပုံအရဆိုလျှင် လိန်းသည် ပြဿနာအကြီးကြီးတစ်ခုတက်ခဲ့သည့်ပုံပင်။
ဆေးရုံပြင်ပလူနာဌာနသို့ရောက်သော်အခါ လိန်းကို တွေ့လိုတွေ့ငှား တစ်ချက်ဝေ့ကြည့်မိသည်။ ဆံပင်နီနီနဲ့ ထင်းထွက်နေသည့် လိန်းကိုရှာတွေ့ဖို့ရာ အချိန်သိပ်မယူလိုက်ရချေ။
" မင်းအဆင်ပြေရဲ့လား..." ဂျောင်ကုသည် လိန်းဘေးနား ဝင်ထိုင်လိုက်ပြီးမေးလာသည်။
လိန်းအသာခေါင်းယမ်းပြသည်။ သူမသည် တစ်စုံတစ်ခုကိုကြောက်ရွံ့နေဟန် ခေါင်းငုံ့ထားကာ လက်ထဲက ကုတ်အင်္ကျီကို ကျစ်နေအောင်ဆုပ်ကိုင်ထားသည်။ ခန္ဓာကိုအနှံ့အပြားတွင် ပွန်းပဲ့ရာတွေက အများအပြားပင်။
" ဘာဖြစ်နေတာလဲ...မဟုတ်ဘူး...ဘာတွေဖြစ်ခဲ့တာလဲ "
" ဟင့်အင်း ဘာမှမဖြစ်ဘူး "
" လိန်း! မင်းပြောမှ ငါတို့ကသိမှာနော်။ စောက်ပြဿနာတွေကို ပိုရှုပ်အောင်မလုပ်စမ်းနဲ့ "
ဂျောင်ကုဒေါသထွက်စွာ အော်လိုက်မိသည်။ ထို့အခါ မာနတခွဲသားနဲ့ မိန်းမဖြစ်တဲ့ လိန်းသည် ငိုသည်။ ဂျောင်ကုအနေနဲ့ လိန်းငိုသည် ပထမဦးဆုံးမြင်တွေ့ရတာပင်။ လိန်းသည် ဘာမှထပ်မပြောနိုင်ဘဲ ငိုမြဲငိုနေသည်။ အတော်ကြာမှ တိုးညင်းတဲ့အသံဖြင့်...
" ငါတကယ်ဘာမှမဖြစ်ပါဘူး။ ငါစဉ်းစားမိတာ ငါ့လိုမိန်းမမျိုးရဲ့အနားမှာ ဘယ်သူမှ ကြာကြာမနေနိုင်ဘူးဘဲ။ ငါအရမ်းဆိုးတာပဲ..."
" ငါကရော...ပြီးတော့ မင်းမိသားစု မင်းအဖိုး...Ozzy အဲ့တာတွေက မင်းအနားမှာရှိမနေလို့လား။ မင်းမျက်လုံးပဲကန်းနေခဲ့တာလား ဟမ် "
" Jordanရာ...နင်ကငါ့အတွက်မဟုတ်ဘဲနဲ့ " လိန်းသည် မျက်ရည်များကြားမှပင် ခြောက်ကပ်ကပ်အော်ရယ်လိုက်သည်။ Jordanသည် ထိုစကားလုံးတွေကို အလွယ်ကလေးပြောရက်သည်။ မိသားစုဆိုတဲ့အသိုက်အမြုံကို သူမဘယ်လောက်မုန်းလိုက်လဲသလဲဆိုတာ မေ့လျော့လေသလား။ တမင်ပဲ ထိုးနှတ်လေသလား။
YOU ARE READING
Escape: Back Of The Red Door
HororThe red door means protection. What is it protected from? They forbid to open the red door. Why do they forbid? I reached behind the red door. I saw something they were afraid of. But that is something warmly & lovely . . .
