Escape: Back Of The Red Door

Episode 23: Ending

Unicode

"Vos est qui itis ad infernum, non me. Puer crucians et faciens ad voluntatem Divini Patris? Omnes vos ardere debetis in inferno"

အသံနှစ်ထပ်ဖြစ်နေသည့် လက်တင်စကားသံကြီးသည် အခန်းတစ်ခုလုံးကို ငလျင်လှုပ်သကဲ့သို့ တုန်လှုပ်သွားစေသည်။

သင်းအုပ်ဆရာသည် လက်ဝါးကပ်တိုင်ကို ဂျောင်ကုဘက်သို့ လှည့်ထား၍ စစ္စတာသည် သေတ္တာကိုအဆင့်သင့်ကိုင်ပေးထားသည်။ သို့သော်လည်း သူတို့သည် ဂျောင်ကုကို အာရုံစိုက်နေတုန်း အနောက်ဘက်မှ ထယ်ယောင်းသည် မျက်ဖြူဆိုက်ကာ တက်သလိုဖြစ်လာသည်။

စစ္စတာသည် ရုတ်တရတ် ထယ်ယောင်းကို အရမ်းစိတ်ပူသွသည်မို့ အနားသို့ပြေးသွားသည်။ ဆရာအနေနဲ့ တားဆီးဖို့အချိန်ပင်မရလိုက်ပေ။

စစ္စတာသည် အနားသို့ရောက်သွားတဲ့အခါ လက်ထဲက သေတ္တာကို ဘေးမှာချထားလိုက်ပြီး ထယ်ယောင်းကို ကြိုးဖြေပေးဖို့ရာကြိုးစားနေသည်။ အတိတ်မှာတုန်းက ဒီလိုနည်းနဲ့ပဲ မောင်ဖြစ်သူကိုဆုံးရှုံးခဲ့ရပြီမလို့ အခုအခါတော့ ထယ်ယောင်းကို သူမကာကွယ်ပေးရမည်။ သို့သော်လည်း စစ္စတာ၏ ဆုံးဖြတ်ချက်သည် မှားယွင်းသွားပုံရသည်။

ထယ်ယောင်း၏ ခြေလက်တို့၌ တုတ်နှောင်ထားသည့် ကြိုးများသည့် တစ်စုံတစ်ယောက်က ဖြတ်ပေးလိုက်သည့်နှယ် သူ့အလိုလို ထောင်းခနဲပြတ်တောက်ကုန်သည်။ ထယ်ယောင်းသည် ရုတ်ချည်းဆိုသလို မျက်လုံးပွင့်လာကာ သူ့ဘေးက စစ္စတာကို တွန်းထုတ်လိုက်သည်။ ထို့နောက် ကုတင်ပေါ်မှ ခုန်ဆင်းကာ ဂျောင်ကုရှိရာ အပေါက်ဝသို့ ပြေးတော့သည်။

တစ်ဖတ်တွင်လည်း ဂျောင်ကုသည် သင်းအုပ်ဆရာကို လည်ပင်းညစ်ထားသည်။ အခြားလူအမြင်ဝယ် သင်းအုပ်ဆရာသည် လေထဲတွင်မြှောက်တက်ကာ သူ့လည်ပင်းကို သူညှစ်နေသည့်ပုံပေါက်နေ၏။

အခန်းထဲတွင် ဖယောင်းတိုင်မီးရောင်ပျပျရှိသော်လည်း တံခါးနီနီ၏ အလွန်သည် အဆုံးမရှိမှောင်မိုက်နေသည်။ ထို့ကြောင့် ဂျောင်ကုသည် ဘယ်လို ပုံစံဖြစ်နေမည်ကို မည်သူမှမမြင်နိုင်ချေ။

ထယ်ယောင်းသည် ထိုအမှောင်ထုထဲသို့ပြေးဝင်ကာ တစ်စုံတစ်ယောက်ကို ပြေးဖတ်လိုက်သည်။ ဒါပေမယ့်လည်း သူဖတ်မိသည်က သူနှင့်ရွယ်တူကောင်လေးမဟုတ်ဘဲ လူကြီးတစ်ယောက်၏ ခါးကိုသာဖြစ်လေရာ ထိတ်လန့်သွားလေသည်။ ထယ်ယောင်း အထိတ်တလန့်ဖြင့် အနောက်သို့ပြန်ဆုတ်ရန်ပြင်လိုက်သော်လည်း အေးစက်သည့် လက်ဖဝါးကြီးသည် သူ့၏ခေါင်းကို အသာထိန်းကိုင်လာသည်။