Unicode
ဂျောင်ကုသတိရလာသည့်အခါ သူသည် ဘုရားကျောင်းပျက်ထဲသို့ရောက်လို့နေသည်။ တိုင်တစ်ခုတွင် လက်မြှောက်လျက်ကြိုးချည်ထားခြင်းကို ခံထားရသည်။ ကားမှောက်တုန်းက ရထားတဲ့ဒဏ်ရာတွေက သူ့အတွက်တော့ မပြောပလောက်ပေမယ့် ကပ်စီးနေသည့်သွေးအလိမ်းလိမ်းဖြင့် အတော်ပင် ရုပ်ပျက်နေသည်။
ဂျောင်ကုရုန်းသော်လည်း ကြိုးသည်မပျက်သွားချေ။ ပိုလို့ပင်တင်းကြပ်လာကာ ပူလာသောကြောင့် လက်မှာချည်ထားတဲ့ကြိုးကို သေသေချာချာမော့ကြည့်မိသည်။ ချည်ထားသည့်ကြိုးသည့် သာမာန်ကြိုးမဟုတ်ဘဲ အစီအရင်များဖြင့် စီရင်ထားသည့် ကြိုးဖြစ်နေသောကြောင့် သူဒေါသထွက်ကာ ဆဲရေးမိလိုက်သည်။
" ချီးလိုပဲ "
ထို့နောက် ခြေသံအချို့ကြောင့် အပေါက်ဝကိုသူကြည့်မိသည့်အခါ အမည်းရောင်ခေါင်းစွပ်ဝတ်ရုံနဲ့ အမျိုးသမီးတစ်ယောက်သည် ဘုရားကျောင်းထဲသို့ဝင်လာနေသည်။ သူမ၏ ခြေလှမ်းတစ်လှမ်းတိုင်းမှာ ဘုရားကျောင်းထဲရှိ ဖယောင်းတိုင်များသည် သူ့အလိုလိုမီးတောက်လို့လာသည်။ ခေါင်းစွပ်ဝတ်ရုံကြောင့် ထိုအမျိုးသမီး၏ မျက်နှာကို မမြင်ရသော်လည်း သူရင်းနှီးနေသလိုခံစားနေရသည်။
" မင်းဘယ်သူလဲ...ဘယ်လိုသတ္တိနဲ့များ ငါကိုချုပ်နှောင်ထားရဲရတာလဲ!!! " ဂျောင်ကုသည် အသံနက်ကြီးဖြင့်အော်လိုက်သည်။ ဘုရားကျောင်းကြီးတစ်ခုလုံး သိမ့်ခနဲတုန်ခါသွားပြီးနောက် အမျိုးသမီးသည် သူ့အားမော့ကြည့်လာသည်။
အမျိုးသမီးသည် သူမ၏ ခေါင်းစွပ်ကို ချွတ်ချလိုက်သည့်အခါ ဂျောင်ကုတစ်ယောက် လုံးဝမယုံကြည်နိုင်ဖွယ်ဆွံ့အသွားတော့သည်။
" Sunya " အမျိုးသမီးသည် သူ့ကိုယ်သူ Sunyaစူ၍ ပြောလာသည်။ အသံမှာလည်း နှစ်ထပ်ဖြသ်နေကာ အမျိုးသားတစ်ယောက်ရဲ့ အသံနက်ကြီးကရောယှတ်ပါဝင်လို့နေသည်။
ညမိုးချုပ်နေပြီဖြစ်ပေမယ့် လိန်းတစ်ယောက် မြို့ပြင်နားက Black Rose ဘားသို့အမြန်မောင်းထွပ်လာသည်။ ဘားသို့ရောက်သည့်အခါ ထူးဆန်းစွာနဲ့ မည်သူမှရှိမနေချေ။ အမျိုးသမီးတို့ရဲ့ ဆဋ္ဌမအာရုံအရ အခြေအနေမကောင်းဘူးဆိုတာကို သူမရိပ်မိနေသည်။ ဘားထဲ၌ Jazzဂီတခပ်မြူးမြူးက သူ့အလိုလို ပျံ့လွင့်နေသည်။ နှင်းဆီအနံ့ခပ်သင်းသင်းကလည်း ထူးဆန်းစွာနဲ့ သင်းပျံ့နေသည်။
YOU ARE READING
Escape: Back Of The Red Door
HorrorThe red door means protection. What is it protected from? They forbid to open the red door. Why do they forbid? I reached behind the red door. I saw something they were afraid of. But that is something warmly & lovely . . .
