Unicode
လိန်းသည် စိတ်ထဲမသတ်မသာခံစားနေရသည်။ လူသတ်သမားက ဘာလို့သူမကိုအလွတ်ပေးထားလဲဆိုတာ သူမနားမလည်နိုင်ပေ။ သူမဆေးရုံခန်းထဲပြန်ဝင်လာကာ ပြန်တော့မည်ဖြစ်ကြောင်း ထယ်ယောင်းကိုနှုတ်ဆတ်လိုက်သည်။ ထို့နောက် ရော်ဘက်ခ်နှင့်မတိုးနိုင်အောင် ခပ်သွက်သွက်ထွက်သွားတော့သည်။
" ရန်ဖြစ်ထားတာလား လိန်းနဲ့..." ထယ်ယောင်းသည် အခန်းထောင့်မှာထိုင်ကာ စာအုပ်ဖတ်နေသည့် ဂျောင်ကုထံချောင်းကြည့်ကာမေးလာသည်။
" ဟင့်အင်း " ဂျောင်ကုသည် အေးအေးလူလူပင်ပြန်ဖြေသည်။
ထယ်ယောင်း ဂျောင်ကုအား နောက်တစ်ခေါက်ထပ်ချောင်းကြည့်မိသည်။ ဂျောင်ကုသည် ရွှေရောင်ကိုင်းနဲ့ မျက်မှန်တစ်လတ်တပ်ကာ စာကိုအာရုံစိုက်စွာ ဖတ်နေသည်။ ဘောင်းဘီအမည်း ရှပ်အင်္ကျီအမည်း ကုတ်အင်္ကျီအမည်း ဝတ်ထားတာမလို့ အရင်လို အရိပ်တွေမမြင်ရတော့ပေ။
" ဟမ့် သောက်အဓိပ္ပာယ်မရှိလိုက်တာ " ထယ်ယောင်း တစ်ယောက်တည်းတီးတိုးရေရွတ်မိသည်။
" မင်းကဘာလဲ "
ရုတ်တရတ်ထမေးလာတဲ့ ဂျောင်ကု၏ မေးခွန်းကြောင့် ထယ်ယောင်းတစ်ယောက်ကျောတောင့်သွားသည်။ ဂျောင်ကုကို နားမလည်စွာ ပြန်ကြည့်မိသည့်အခါ ဂျောင်ကုသည် ဓားတစ်လတ်လို စူးရှသည့်အကြည့်တို့ဖြင့်သူ့ကို ပြန်ကြည့်နေခဲ့သည်။ သူစိတ်ကသိကအောက်ဖြစ်စွာနဲ့ပင် ခေါင်းပြန်ငုံ့လိုက်သည်။
ဂျောင်ကုကဆက်မေးသည်။
" စုန်းလား အပနှင်သူလား Mediumလား ဟမ်...ငယ်ငယ်တုန်းကကျတော့ Medium တစ်ယောက်လို ပြုမူနေခဲ့ပြီး၊ အရင်တစ်ခေါက်တွေ့တုန်းကဆို အပနှင်သူလိုပြုမူနေတယ်။ အခုကျ...အခုကျ ဟိုစုန်းပေါက်စမလေးနဲ့ပေါင်းပြီး စုန်းတစ်ယောက်လို ပြုမူနေပြန်တယ်။ ထယ်...တကယ်ပဲ မင်းကဘာလဲ..."
ထယ်ယောင်းသည် ခေါင်းငုံ့ထာသရင်းနဲ့ပင် တစ်ချက်လှောင်ရယ်လာသည်။ ဂျောင်ကုမေးခွန်းအတွက်သူ့မှာ အဖြေမရှိပေ။ ဘယ်လိုအကြောင်းအရာတွေက သူကိုဒီလိုဖြစ်အောင်တွန်းပို့ခဲ့ကြတာလဲ။ ဖြစ်ပျက်ခဲ့သမျှသည် မြူဆိုင်းနေသည့်မှတ်ဉာဏ်တို့ဖြင့် မနေ့တနေ့ကလိုပင်။
YOU ARE READING
Escape: Back Of The Red Door
HorrorThe red door means protection. What is it protected from? They forbid to open the red door. Why do they forbid? I reached behind the red door. I saw something they were afraid of. But that is something warmly & lovely . . .
