#خُلِقَتْ_حُرّة
#الحلقه 15
" لاَ تَسْتغرب إنّ أعَادَت الحَياة عَليْك نَفس الدرّس، فَأنتَ مَنْ رَفض أنّ يَتعلم. "
انا قاري فاتحتي ع جهاد ....
سكتو كلهم بما فيهم خليفه وهوا مش عارف شن يرد ع ولده في حضور باته ! لكن ك العاده الرد كان من نصيب جدهم
جدهم : تنهد و رد بجمود ، مش مهم المهم ان بناتنا مايطلعنش للغريب
فيروز : استغربت كلامه و حاولت انها ترد لكن نظرات امها ماسمحلهش ف سكتت
خليفه : شاف لولده ، وانا آخر من يعلم كيف تاخذ القرار بروحك بدون ماترجعلي حتى ولو ماكنتش حنعارض لكن انا باتك و ليا الحق عليك
أيوب : تنهد و مسح ع وجه و شاف بعيونه لجهاد الي تراجي في رده و رد ، كيف كنت حنقولك و انتو ماتعلموش بزواج عمي و الشي الثاني الموضوع مكانش موضوع ينحكى ع التلفون لذلك فضلت نخليه لحد مايحكي عمي و بعدين نجي نحكي انا
جدهم : شاف لخليفه ، الي صار صار و ف نهايه ولدك خذا الي تناسبه و من ثوبه خذا بنت عمه مش غريبه عليه و كلها فاتحه الفرح حتفرح بيه و ديره لاه انت الموضوع اسكر لهنا و شاف لبات هاجر ، و انت خلي بنتك ترد اليوم الدلع الزايد مش ضروري منه
الوحيد الي كان من نصيبه ان يبتسم وسط الي كانو متعقدين من قرارات جدهم هوا ادهم الي منع ابتسامته بصعوبه وهوا يحاول يخلي نفسه عادي مش معدل لكن حبط مخططاته رد بات هاجر
بات هاجر : بنتي مريضه و راجلها مش فاضي عشان يقعد معاها ديما نخاف دير حاجه في روحها وهيا وحدها فالشقه لذلك الفتره هذي حتقعد عندي لحد ماتبرا و بعدين ساهل
ادهم : رد بهدوء ، عمي انا عارف حالة هاجر واكيد مش حنخليها بروحها و هاجر انا اكثر حد يعرف مصلحتها ومش حنقدر نطمن عليها الا وهيا قدام عيوني عارف انها واخذه موقف مني و هذا كلامها هيا ماتبيش ترد لكن انا حنحكي معاها و نحلو الموضوع و مانقدرش نخلي مراتي تقعد حرجانه مني و تبات برا حوشها اكثر من هكي
صدقت جنان الي تسمي فيهم بالخباث يعرفو كيف يصرفو و يكسبو الحق لطرفهم و هذي غريزه فيهم كلهم بدون أستثناء ،
جدهم : شاف لبات هاجر ، سمعت رده اليوم خليها و بكرا من الصبح يجي ياخذها و تطلع معاه و انتهى النقاش
سكتو كلهم بعد كلامه اما تقوى و بناتها يشوفن و مش فاهمات شي ، و مصعب شاف لادهم و رفعله حواجبه بمعنى فاهم عليك
____________________________
جنــــــــان.....
استنيت زحمه العزاء تخف عشان نعرف كيف انتحاسب مع الحيوان محمد يحساب حنمشيها لاه ، صبيت عند حوشنا و انا نراجي فيهم يطلعو من محكمه القاضي مع ان كان عندي فضول كبير نعرف شن حكو لكن يلا كل نتائج جدي حيطلعن
ربعت يديا لصدري لما شفتهم طلعو و اول واحد كان محمد شيرتله بعيوني بمعنى يجي و هوا قرب مني و تجاهلت نظرات مصعب الي مصوبهن عليا
