#خُلقت_حُرّة
#الحلقه 21
" أحلم .. نعم أحلم بمكان لا تحكمه قوانين بل يسيره الحب .. مكان يُمكنني أن أقول أحبك دون التفكير في هل وصلت كما هي أم أنّها تحورت كما يريدها سامعها؟ مكان تكون البسمة شمسه .. مكان تكون الأحضان احتواءً وليس إشباع حاجة.. مكان أمشي دون التفكير في كلّ خطوة أخطوها .. بل أترك الخطوات تُفاجئني .. مكان لا اسم فيه ولا عُنوان .. أحلم .. نعم فالحُلم هو بداية المكان .. نعم أحلم فحيث أكون الآن الأشكال تتشكل من الأحلام .. أحلم بمكان يبنيه الحب ويكون نسمته، وشمسه، وأرضه، وزرعه "
- رهف رررررهف رررهف
ابتسم لما شافها فالكوجينه دير ، حط الحاجات ع الطاوله و قرب منها
محمد : ربع يديه لصدره و ابتسم ، كنك ماتردي ليا ساعه انكلم فيك
شفتله بطرف عيني و كملت ندير فالي في يدي ، قرب مني و حضني من الجنب و مبتسم ب استفزاز لدرجه جاني احساس نخرب وجه بالموس الي في يدي
محمد : رفع حاجبه و هوا مبتسم عليها ، ياعليك الحقوده هذا كلا عشان الي امس ، ما لقش رد منها و عرف انها تجاهل فيه تنهد و قرب باس راسها بهدوء ، ياستي اسف
رهف : بعدت يديه وردت بهدوء ، عدي غير شويا و نحط
شافلي و بعدين مشى بدون مايحكي ، رفعت يديا و شفت للكدمات الي فيهن آثر عنفه عليا كنت نحساب ان اسوء ليلة ليا هيا يوم عرسي لكن انا شكلي مازلت ماشفت شي من وحشية و ماغلطتش لما قلتله ان حيوان ، مسحت دمعتي يلي نزلت و بديت انحط فالغداء حطيته ع الطاوله و قمعزت حطيت لروحي و بديت ناكل بشويه بدون مانراجيه
محمد : خش و كان مغير دبشه لدبش حوش شافلها و هز راسه بضحكه ، غير كان راجيتي بس
كملت ناكل بدون مانرد عليه حط لروحه و بدا ياكل بدون مايزيد حرف و حاسه ان نظراته يحرقن فيا ، و كاني انا التبسي او الطعام الي جوا التبسي ، تقيدت من نظراته ليا لدرجه شرقت فالطعام
رهف : وهيا تكح ، محمد
محمد : مدلها اميه و ابتسم ، عيونه و قلبه
رهف : شربت من الميه و نفخت بقوه ، الطعام قدامك مش انا
محمد : ضحك و رفع كاشيكه ياكل و عيونه مزالو عليها ، بالنسبه ليا انتي الذ طعام و غمزلها
نفخت بقوه وقح و قليل ادب شن بنراجي منه ، كملت ناكل بشويه و بهدوء و نحاول اني انتجاهل نظراته بقدر الامكان لحد ما كملنا و صبى هوا طلع للصاله يدخن ، بديت انلم بشويه و على اقل من مهلي عشان ما انتواجهش معاه لكن مع هكي اكيد مش حنقعد فيها يوم كامل سايوري طالعه ، نشفت يديها و خذيت نفس و نفخت بالقوه و طلعت و قبل ما نكمل للدار ناداني
رهف : التفت عليه و مربعه يديها لصدرها ، نعم
محمد : رفع حاجبه و نفخ الدخان ، قربي مش حناكلك
رهف : رفعت حاجبها و ردت بهزوه ، بعد امس معش عندي ثقه
- ررررررررهف ، غمضت عيوني من صوته ولا إراديا لقيت كرعيا ماشيات اتجااه خوفا من اي مشكله ، سحبني من يدي و حطني ع كرعيه ، شفتله يشوفلي بنظرات حادات نزلت عيوني تحت
محمد : طفى الدخان وهوا يستغفر في ربي و شافلها ، كنك اطلعي في جنوني عليك انتي هااا
رهف : شبكت اصابعه يديها في بعضهن و هيا تشوفلهن ، مزال في جنون اخرى بعد امس
محمد : لف ايده ع خسرها و ثانيه تحت حنكها و خلاها تشوفله ، رهف وربي الكعبه نفصل عليك را خليني هادي مدام الروح عليك طيبه و لساان جنان ماتستخدميهش معايا انتي عارفه لا عندي بال واسع و لا انتحمل النقاش و لا الصوت العالي
رهف : بعدت يديه من عليها لكن بدون فايده ، خليني بنصبي
محمد : نفخ بقوه ، استغفر الله ياربي نجيها يمين تجي يسار نجيها يسار تجي يمين شن مشكلتك انتي
