#خُلِقتْ_حُرّة
#الحلقه37
" كرني من يدي بقوه حسيت بكتفي انخلع من مكانه ، شهقت بآلم و رعب و عيوني توسل في عيونه بأن مايجرمش فيا ، سحبني وراه بدون أهتمام و قمعز ع الكنبه وقمعزني و حضني بقسوه .. ، لف إيده ع كتوفي و أصابعه انحفرن في كتفي ، قلصت ملامحي بألم و رجف قلبي بخوف لما قعدت أسيره بين ضلوعه
مكانش حضن محنّه أبدًا ، حضنه عباره عن جمود و قساوه و أنا اسيره تراجي في مصيرها أو عقابها على إيديه ، الرجفه في جسمي و قلبي يدق بقوه و توتر ، مد إيده ع تلفونه و طلعه و فتحه و عيونه في تلفونه ، أما انا عيوني تنتقل من ملامحه الي مرسوم عليهن الحده لتلفون بخوف و قلق
فتح الماسنجر و خش ع محادثه على طول عرفتها ، سكتت و انا نزمط في ريقي وهوا يرقى فوق و يحمل فالرسايل من البدايه ، حاسه أني قاعده أنتعذب نفسيًا من ألاحراج و الخوف و الرعب ، نزلت عيوني بخوف و أحراج من محتوى المحادثه و عيوني امتلو دموع من الاحراج و ع شوي حنبكي ، سحبت روحي منه لكن هوا زي الاسد الفتاك على طول شد على قبضته بقوه ، و شافلي بنظره خلت أطرافي يجمدن و يرجفن ، رفع حاجب و رد يشوف لتلفون و يحمل فالمحادثه
أنا هنا لو تذبحوني قطرت دم ماحنطلع ، مش قادره حتى انشوفله و لا نشوف المحادثه من كثر أحراجي ، و الخوف كلاني ، قعدت قاعده تحت جناحه و نرتعد بخوف و ساكته مش قادره نطلع حرف
و أخيرا وصل لجزء الي هوا يبيه ، خلى المحادثه في وجي و عيونه رغم هدوئه الا ان فيهن رعب كبيير ،
مصعب : بهدوء عكس أعصابه ، اقري
نزلت راسي بدون مانرد عليه و دموعي طاحو ع يديا ، نفسي يعلا و ينزل ، ضحك ضحكه بهزوه خلاني نكره اليوم الي راسلتها فيه
مصعب : ضحك بهزوه ، ليش تحشمتي ؟ و لا خفتي مني ؟ بالعكس انا راجلك و تعالي نفهمك و نطبقو حتى بس اهم شي الحلال
جنان : همست بصوت مقطوع و نفسي يرجف ، ممادديرش هكي
مصعب : مشى إيده ع كتفي و يحكي بمراوغه ، ليش شن درت انا ؟ مش أنتي ...
دفيت إيده و برمت وجي لجهه الثانيه و بكيت بدون مانرد عليه ، موقف في قمة الاحراج ، سمعته خذا نفس بدون مانلتفت عليه و تغيرت نبرة صوته لجديه و غضب حسيت ان مش حروف الي يحكي بيهن نار
مصعب : بعصبيه ، هوا سؤال واااحد جاوبيني علييه ، شن فرقتي عال**** بشنو فرقتي عليهن
سكتت و نشوف لتحت بخوف و دموع ، رد عيط بصوت عالي جمد الدم في عروقي " أحكيييي" ، صبى بعصبيه و هجم علياا حسيت شعري يطاير بين يديه ، جابني بكف برم راسي لجهه الثانيه و حسيت رقبتي أنفكت
كنت نحساب ان مع الايام يهداء لكن طلع سكوته كلا عباره عن بركان خامد و يثور في أي لحظه ، عيط في وجي بعصبيه و شرايين رقبته طلعن
