#خُلِقَتْ_حُرّة
#الحلقه 14
جـــــــنـــــان.....
عمضت عيوني بعد ماسمعت الباب اسكر و تنهدت فتحت عيوني و ربعت يديا لصدري عشان انسيطر على رعشت جسمي منه ، حنكون غبيه لو حكيت وهوا فالحاله هذي قدامي ، عيونه حمر بطريقه تخوف و مكور يده بعصبيه لدرجه انها انبيضت لكن مع هكي ساكت و ماحكش و انا مصبيه قدامه و ساكته
الوحيد الي انتحكم في تهوري قدامه هوا ، مع اني مع الكل نقول الي نبيه و ندير الي نبيه بدون مانهتم بعواقب اي شي الا معاه هوا ، نفكر قبل ما انتحدا عصبيته ، فتحت عيوني بصدمه لما مشى من قدامي بدون مايرد عليا و خش للكوجينه
أما مصعب اول ماجابها للحوش و سكر الباب ، قعد يشوفلها بعصبيه و كل خليه في جسمه تحثه على ان يضربها و يكسر راسها و عنادها وتهورها لكن مع هكي تعوذ من الشيطان و مشى من قدامها قبل مايدير شي يندم عليه ،
خش للكوجينه الي مزال ناقصها دولاب و الحاجات بسيطه ، فتح الميه و غسل راسه و وجه بعد مافتح سوريته من قدام ، سكر الميه و طلع رقد ع الفراش الي تحت ف الصاله و حط يديه ع عيونه بدون ما يهتم لجنان الي مصبيه و مش مستوعبه استكراده لها
جـــــــنـــــان.....
نفخت بعصبيه وانا نشوفله رقد ع الفراش بدون مايهتملي ، و بكل غباء خطر على بالي ليش ما انا رقدت ع الفراش لما حبسني اول امس هنا ! ، وكأن وقت غبائي ، ضربت كراعي ف الارض بعصبيه و مشيت جهته ، قمعزت ع ركابي قدامه و حاولت نحكي بهدوء
جنان : بصوت حاولت تخليه عادي ، مصعب ، مالقتش رد كررت اسمه اكثر من مره و نفس الشي ماردش عليها ، مدت يدها بشويه وهزاته ، مصعبب مصعبب ، نفخت بقوه ، ان شاءالله لا رديت
رفعت جمتي بعصبيه و برمت صبيت و مشيت للباب جيت بنطلع انصدمت ان مسكره بالقفل و انا مفطنتش ان سكره بالقفل ، رديت عليه بعصبيه
جنان : بعصبيه ، مصعبب افتح الباب لييش قفلته
و كأن عرف كيف يتعامل معاها بالاستكراد و لا رد ، على شوي شكت ان رقد فعلا ، لكن بسرعه مالمعن عيونها بمكر لما شافت المفاتيح جنبه
قربت من المفتاح بشويه وانا نمشي ع روس اصابعي ، طبست عشان ناخذه سبقتني يده خذا وحطه ف جهه الثانيه في يده ، قمعزت تحت بعصبيه وضربت يديا ف الارض
جنان : بعصبيه ، ماتحبسنيش هنا بجوووك صبي دير الي بديره عشان الست آسيااا و افتح البااب بنطلع زعمت كبديي
عيطت بعصييه لما ماردش عليها وهيا ع شويه و تنتش شعرها ، قربت منه بعصبيه و يدها بتاخذ المفتاح لكن حاوط مصعب ظهرها بيده و قربها منه بقوه لدرجه طاحت ع صدره ،
مصعب : شافلها وعيونه حمر ، مستعجله على رزقك
حطت يديها ع صدره و بترفع روحها لكن ماقدرتش ،
جنان : بتوتر وخوف ، حح حول شن دير انت
