سجين الحب «الأصلية»

البـارت التـاسع

زهـراء الحـريري

#سجين_الحب

إنَني لا أشعُر بِالحياة إلا مَعَك، لا أشعر بأن روحي
تتوهج وداخلي يُضيء مع أحدٍ غَيرِك ودائماً ما
يَعتَريني شعور بأنَ الحُب الذي في صَدري خُلِقَ
لَكَ وَحدَك وإنني سَأبقى مُقَيَدٌ بِك حتى أُفنى

البارت التـاسع

♡♡♡♡♡♡♡♡♡♡♡♡♡♡

نفس

قبل لا تكمل گتلها واني أحاول اسيطر على رجفة صوتي

نفس :- شبي،شبي سراج؟

بچت وگالت..

تماضر :- ما أعرف ناقلينه للمستشفى..ماما خابرتني وبلغتني

گالت هيچ وطلعت بسرعة عايفتني أحلل وحدي كل الأفكار السلبية تتصارع براسي وتنخر بيه وتنقلني لعالم ثاني

وگعت على الكرسي دموعي تتسابق بالنزول گلبي ينبض بألم، إختنگت أريد أتنفس مدا أگدر عيوني دا تبصر طيف سراج فقط وكل شي مقابيلي إنعدم وأصبح خارج مجال رؤيتي

إنكتمت أنفاسي مثل الغرگان بأعماق البحر ماأعرف شلون مر بيه الوقت وشگد إستمر ضياعي

ثائر :- نفس بابا وياي.. أخذي نفس دخيلك ربي لا تكتمين أنفاسچ دكتووورة أخذي نفسس

أسمع الأصوات لكن ما أعرف إلمن هذه الأصوات ماكو غير صدا صوته بداخلي.. أي صوته وهو يگول أحلى كلمة أسمعهه بحياتي

ـ عيناي

إختنگت أكثر عيوني بردت أجفانها.. دا أوگع بوسط مظلم ماكو غير السواد محاوطني بتملك ويسحبني للأعماق

فتحت عيوني المتلاصقة بثقل راسي يأذيني من أحركهن رجعت غمضتهن أتجنب الألم الفضيع

ثائر :- نفس تسمعيني؟

نفس :- هممم

حسيت عليه من سندني فتحت عيوني باوعت حواليه.. بغرفته على السرير وقريب مني عطر سئلني وهو يبعده

ثائر :- شنو سبب هذه حالتچ و تماضر وين؟

بلعت عبرتي وگتله بصوت واهن أحاول أخفي خوفي

نفس :- أخوها بالمستشفى

ثائر :- سرراج.. شبي؟

نفس :- ماأعرف بس گالت مصاب

ثائر :- تگدرين ترحين ويايه لو أرجعچ لبيتكم اشوف الأفضل أرجعچ للبيت لان بعدچ تعبانة

نفس :- والمراجعين؟

ثائر :- صرفتهم من شفت حالتچ

نفس :- لعد أروح وياك أطمئن عليه

ركز بعيوني تقدم يفتح الباب وهو يتمتم بخفوت لكن أسمعه

ثائر :- الضاهر أثنينه تورطنه بعشك الأخ و أخته..