# سجين_الحب
زهـــــــراء الحريـــــري
حساب الانستا/zahraa_alharyry
البـارت السـابع والثــلاثـون
لَوَن شحت دموع الغيض خل دمع العتب يلتم .
أثيــــــــــــلة
♡♡♡♡♡♡♡♡~♡♡♡♡♡♡♡♡
أثيــــــــــلة
ڪاعدة بالصالة وحدي، اهز برجلي التوتر طول اليوم كاضبني وعندي رجفه بجفوف اديه، متنفرزة وحدي ما اعرف شنو اريد اسوي اهجس نفسي ضايعة حيل حيل ضايعة نوبات اصفن على نفسي بالمراية ما اعرف منو اني
طـلع من الغرفة بيده الابتوب دنك حطه على القنفة دخل للمطبخ شويه وطلع بيده صحن فواكهة
سحب الطبلة نزعجت من الصوت واني ارص اسناني انتبه عليَّ دنك رفعها بيده، حط عليها الصحن كبالي ورجع على الابتوب كعد على القنفة حطه على رجليه وفتحة يشتغل بيه
صـوت النقر على الكيبورد زاد من التوتر بداخلي رفعت جفي اعض بصابعي
نهضت من مكاني رفع راسـه
ـ محتاجة شي
ما جاوبته دخلت للمطبخ فتحت الجرار اخذت من القطن الي اشترى قبل فترة علمود جرح ايده ورجليه اخذت منه حطيت بداخل اذاني
رجعت للصالة رفع راسه دحك لي بنظرات سريعة ورجع على الابتوب وهو يحجي بالتلفون ويا لؤي
صديت على الفواكه مشتهية تفاح بس من اذكر صوت المضغ تلعب نفسي دخلت للغرفة بس الصوت بعدني اسمعه
ڪعدت على حافة السرير رفعت اديـه لاذاناتي الصوت قوي واحس زاد الوضع سوء صوت انفاسي العالية
نهضت من مڪاني افتر بالغرفة بعصبية كلبي ياذيني واڪو حرقة بصدري
اخذت التحفية رجدتها بالكاع واني اصرخ
ـ ڪافي ڪافي ما اريد اسمع، رااااسي دا ينفجر
اخذت التحفية الثانية رفعتها بتجاه الباب اريد ارجدها بالباب دخل هو واني الكحها اجت بوسط صدره دنك متاذي وهو كاضب مكان الضربة
عيوني تتنقل بالغرفة اريد شي اسد بيه اذاناتي رفعت اديـه لخشمي واثمي خانڪة نفسي تا مااسمع صوت النفس
كضب اديه نزلهم واني احاول ارفعهم واعيط بوجهه
ـ عوفني راسي نفجر ما اريد اسمع شي
ما كدر يسيطر عليَّ الا قيد اديه بديه ورا ظهري وهو يحضني بقوة
ـ اهجدي اهجدي
يحجي وهو متألم من الضربة
ـ لا تتنفس ما اريد اسمع هذا الصوت
ضربت برجليه بالكاع واني اصرخ اهجس روحي تريد تطلع
ـ لاااااا تتنفس
أنت تقرأ
سجين الحب «الأصلية»
Misterio / Suspensoتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
