سجين الحب «الأصلية»

البـارت الخـامس والاربعون

#سجين_الحب
زهـــــــــــــــراء الحــريـــــــري
البــــارت الخـــــامس والاربعون

‏لقيتك بعد كل الخسائر ، يا ربحي الأعظم

      ♡♡♡♡♡♡♡•♡♡♡♡♡♡♡

نفـــــــــــــــس

بلعت ريڪي نـزلت راسي وحجيت وياه

ـ تعـوفني آدم!!

تقدم رفع وجهي بين اديــه يباوع بعيوني

آدم:- لا ما اعوفج وحق اول قسم بالقرآن

بس هـم ما اڪدر اعوف ابوي، انتوا اثنينڪم تكملوني ما اشوف نفسي الا بوجودڪم سوة

يوم انتِ علمتيني على حـب العائـلة شـلون تردين تفرقين شملنـا؟!

نفس:- الظـروف حڪمت

ادم:- دائماً تڪولين احنا اقوى من الظروف ونهزمها بترابطنا ووجودنا كلنا سوة

شنو اللي استجدّ؟؟؟

مجاوبته بس اباوع عليه اشوف نفسي واڪفة مقابيلي مو آدم

آدم:- يمه

غمضت عيوني ودموعي نزلت

نفس:- ادم لا تصعبها عليَّ

خلينا نروح منا

ما جـاوبني بـاوع على الجنط عافني وتقدم عليهم فتحهم وبدا يرجع بالملابس لـ أماڪنهم

آدم:-  بيوم اللي نطلع من هين ما نطلع الا  ويـا ابوي مو بـدونـه

حطيت ايدي على راسي افرح بيك لو احزن على وضعي والسراب اللي جنت عايشه بداخله

احمد بس يباوع علينا، ڪمل ترتيب كل الملابس حط جنطة ببطن جنطة رجعهم لمكانهم

آدم:- اريد اروح ويـا عمو يونس للمستشفى

عادي؟

هزيت راسي بـ اي تقدم باس راسي

آدم:- لا تزعلين مني احبڪم اثنينڪم وما اڪدر اعيش بعيد عن واحد منڪم

طـلع من الغـرفة واحمد لحڪه يركض وراء

أبتسمت، اڪبرت اضعاف عمرك وصرت تعادل الزلم بعقلك ورزانتك ياروح امك

رفعت راسي اللهم لك الحمد على جميل العطاء …

طلعت تلفوني واتصلت على دكتور ثائر

ـ ابو مهند كلش اعتذر منك هسه ما اڪدر اطلع ادم ما يقبل

ـ لا تعتذرين بابا مو مشڪلة المهم ادم

ـ بالليل اكعد احجي وياه واقنعه

ـ حاولي تقنعينه بالتفاهم والمسايسة بدون عصبية ولا فرض الواقـع عليه

..................................

ريــاحين

عبيت ملابسي اني والجهال وڪل اغراضنه طلعت للصاله عمتي حاضنه الجهال وتبجي