سجين الحب «الأصلية»

البارت السـادس والعشرون

#سجين_الحب
زهـــــــراء الحـريـــري
البارت السادس والعشـرون

انتة الخشبة ذيج الفوكها المحكوم من تروح تعلن لحضة اعدامي
ذيـــــــــب

♡♡♡♡♡♡♡♡♡♡♡♡♡♡♡

تماضر

طلعتي من الغرفه ابد مجابت نتيجة مجرد تحررت من أربع جدران الى أكثر من جدار

كم مرة ومرة حاولت اغافله وأخذ الفون بس ماكدرت فطن وحذر لـ أبعد الحدود

من يطلع من البيت يرجعني للغرفة ويقفلها عليَّ الا يطلع أستغربت وضعه كل وقته هنا معقوله ما عندة أهل او أقارب ما يطلع من البيت الا من يريد يسوك شلون يصرف ما اعرف كاعد على ورث لو شنو فلمه؟

مَر على تواجدي بهذا البيت خمسة أشهر وأكثر مسجونه ويا هذا المجنون.

أهلي كل دقيقه تمر عليَّ الساني يلهج بذكرهم ومن اتخيل وضعهم بعدي دموعي تصب بحرقة لدرجة بديت أحس مي عيوني جف من كثر الدموع.

دخلنا شهر رمضان الكريم واني بعدني ويا احس جزء مني تعود عليه وعلى كلامه

تجيني ساعات احسه مثل الطفل واستخطي ومن اصحى على نفسي ألوم روحي على تعاطفها وياه أكيد فقدت عقلي بسبب تواجدي ويه مريض نفسي

الفطور نجهزة سوة واحنا نسولف ونضحك ومن انتبه الروحي وسراج وامي ينرسمون بعيوني ابد بنوبة البكاء واستحقر نفسي بس مضطرة اسايره

يحضني من الخلف بقوة ويردد دائماً نفس الجملة

ذو الفقار: لو ما متأكد منج تعوفيني ما أخليج تتلوعين على فراگهم يا شمامة گلبي

استدار عليه أحضنه واشكيله منه واله لدرجة بديت أيقن اني فعلاً فقدت عقلي وصرت مثله لا هو أعقل مني

بعد الفطور نكعد يوميه على البرامج الرمضانيه لو المسلسلات وهو دائما يجيب كرزات ومن هذهِ السوالف حلويات بقلاوة كل يوم شكل.

نكعد بـ الصالة اني بالكاع واسند ظهري على القنفه وهو يتمدد عليها ومرات لا يتمدد بـ الكاع وراسه بحضني ويجبرني ألعب بشعره لو أوكله بيدي..

جنت كل شي يطلبه أنفذه في سبيل أكدر أقنعه وارجعه لأهلي ما جنت أعرف هيج يتعلق بيه أكثر واني هم غدرتني روحي وتعلقت بيه وتعودت على وجوده بحياتي أخذ مكانه كبيرة بيها

وكل جملة يحجيها وياي يختمها بـ شمامة گلبي من أسمعها شعور غريب يتولد بداخلي كل مرة

ليلة جرح الامام علي عليه السلام أشترالي ملابس سود لبستها وهو هم لبس أسود..

خلصنا الليالي الثلاثة على المحاضرات الدينيه ابد ما خلينا على المسلسلات..

من ينعى خطيب المنبر أني دموعي تصب وشهكاتي تعلى ويا صوته وصوت بكاء الحضور