زهراء الحريري
#سجين_الحب
البارت الثاني
طوينه أيام ماضينا
نسينا شلون چنه بشوگ نفرح لو تلاگينا
كرم 💔 بنان
♡♡♡♡♡♡♡♡♡♡♡♡♡♡
لـــــــتين
كلامه واضح بس أني ما اعرف شبيه نثولت رجع صد عليَّ يريد يعرف ردة فعلي او جوابي
ماحجيت ولا حرف عفته ورجعت للبيت بذهن شارد، وهو همات ماحجه شي بعد كلامه اللي صار مثل شريط كاسيت يشتغل براسي
خلصت أيام العيد المبارك واني أبد ما التقيت بيه بعد ومن أسمع صوته بالعجل أصعد لغرفتي لو أدخل لغير مكان مهزومه منه
اليوم الحنه مالت ارغد وإيفا الكل فرحانين بس أني القهر ياكل بروحي مأريد إخوي عزيزي يرتبط بيها ما تستاهله
أفتر شاردة الذهن الكل بعالم واني بعالم أتمنى يصير شي ويفركش هالزواج ردت أروح لغرفة جدتي آخذ منه السجاد اعترض طريقي أرسلان
أرسلان :- عجل هيج تگطعين بيّ ؟
نزلت راسي ما جاوبته أنا أعرف مشاعري إتجاهه بس متردده منها
أرسلان :- لتين إحجي شي لا تعوفيني لا طايل سما ولا طايل أرض
لتين :- أرسلان
أرسلان :- ها يعيونه
لتين :- إكحز لا يشوفنا أحد
أرسلان :- لتين
رفعت راسي إبتسم قليل وكال
أرسلان :- أحبج يولي.. شعملتي بحالي يا بنت گلبي
نهزمت بالعجل دخلت الغرفة دا اسد الباب بس هو دخل الخوف سيطر عليّ خايفة لاحد يشوفنا وتطلعنا سالفة
أرسلان :- لتين عليش تنهزمين بدون ماتنطيني الجواب ؟
لتين :- أرسلان اني مالي بهالسوالف
أرسلان :-ولا أني لي بيها بس
عليم الله اريدج حرمة لي على سنة الله ورسوله بس اخذج جوابج ان شاء بعد زواج ارغد احجي ويا جدي
صديت عليه بنظراتي منصي راسه و يحجي تحمحمت وگتله
لتين :- اني ما أفكر بالزواج هسه أريد أكمل دراستي
رفع راسه وكال
أرسلان :- واني مستعد أنتظرج تكملين دراستج بس بشرط ما تدخلين الجامعة الا وحلقتي بـ اصبعج
نبض گلبي بقوة وخوف من كلامه، اهجس هذا الحجي كبير عليّ
واگفة بين خيارين القبول والرفض واخاف من الندم بكل قرار الظاهر فهم موقفي
أنت تقرأ
سجين الحب «الأصلية»
Mystère / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
