سجين الحب «الأصلية»

البـارت الثـاني والعشرون

#سجين_الحب
زهـــــــــراء الحــــــــريري
البارت الثاني والعشـرون

سراج
لم أعرف أن الحياة هي عبارة عن مسرحية بائسة

♡♡♡♡♡♡♡♡♡♡♡♡♡♡♡

أثيلة

الخميس العصر مثل كل يوم كاعدين بـ الحديقة كلنا..

أحب جمعتنا واتمنى الوقت يطول لمن ننجمع كلنا وادعي الله يطول أعمارهم وما يفجعني بواحد منهم

أمنيتي من واني صغيرة ربي ياخذ أمانتي قبل أهلي وما اشوف يوم أحد بيهم ..

أرسلان مضجوع بالكاع وراسه بحضني  عيونه أدحك بـ الفضاء بحزن واني امشط شعره بصابعي

أعرف مجبور على هذه الكعدة لان باسل مرة سالني عليش أرسلان من تزوجت نعدم تواجده بالبيت بلغت أرسلان وبدا يحضر بكل كعداتنا..

مصطفى كاعد يشتل بالشتلات وبابا واكف  يشرب جاي ويأشرله على المكان المناسب..

ماما تسولف على باسل الي كل دقيقة والثانية يمسح على بطن لتين بفرح يتحسس الطفل.. يضحك ولتين تبعد يده وهي خجلانه..

عيوني ادحك على الكل بفرح وكل ثانيه ادعي ربي يحفظ ابوي وامي خيمتنا وخواني عزوتي

دنكت حبيت ارسلان بكصته دحكلي وضحك بهدوء رفع يدو خربط شعري وانا اضحك

باسل: ها يول شنو هالخيانه

صدينا على باسل نضحك حضنت راس ارسلان

أثيلة: أرسلان حبيب خيته

باسل: واني يولي

أثيلة: هههه انت گلبي وأرسلان نبضه

مصطفى: واني

أثيلة: انت ولا شي

كام من مكانه التفت عليَّ مقلص عيونه تقدم علينا ويحرك بـ أديه عرفت نيته يريد يتلف وجهي بـ الطين كعدت أرسلان واحتميت بظهره

مصطفى: وانا يول؟

أثيلة: ولا شي

راد يطفر عليَّ وسمعنا صوت الباب مصطفى مشى يغسل وأرسلان كام يفتح

سمعت صوت جدي كمت بساع دخلت جوه لبست حجابي وطلعت لكيتهم بعدهم واكفين جدي وعمي ابو أرغد وعمي ابو آصف وآصف يسلمون على بابا والولد ما أستغربت جيتهم لان دايما يجون هين ..

وكفت بسد لتين سلمت عليهم كعدوا وحنا همات كعدنا..

عيوني تتنقل على الكل بعدين أستقرت على آصف الي مدنك راسه ويدحك لي من تحت حاجبه

أبتسم وهو يمسح بطراف اثمه يحاول يخفي أبتسامته بعدت عيوني عنه ورجعت ادحك على الكل وهم يحجوا

بعد نص ساعة جدي قال يا الله ادحك على آصف أبتسامته انتصرت عليه وظهرت على وجهه واضحة للكل دحك عليَّ جدي وحجى