سجين الحب «الأصلية»

البـارت الخمسون

#سجين_الحب
زهــــــــــراء الحــــــريري
البــارت الخمســــــــون

ارغــــــــــد
ألم أخبرك أن الجميع خذلني
لماذا فعلتها انت أيضاً.

         ♡♡♡♡♡♡•♡♡♡♡♡♡

تمـــــــــــــاضر

نفس حتى للباب بـعد ما خليت اخوانها يطلعونـها بـعد، بالليل انومها بيني وبين ابوها، ڪل شويـة افز اشوفها يله ارجع أنــام

اسبوعين مرت بس تبعد عن عيوني دقائق گلبي يطير من صدري، لؤي ڪال لو ما اصف جان لليوم مالها اثـر

والله لو اقدم له عمري ما اوفي جميله، وراء ڪل فرض ادعيلها بالسعادة والعمر الطويل رغم الموضوع مو يمه بس ما عاف سراج بقى وياه ليل ونهار الى ان حدد مڪانـه.

ثـائر ضاج من هذه الوضعية

ثائر:- بابا نومي البنت بغرفتها اريد اخذ راحتي بمكاني

تماضر:- عوفها يمي واذا مضايقتك اخذها اني وروح انــام بغرفتها

رفع راسه يباوع عليه بعدم رضـا

ثـائر:- ذو الفقار وبالسجن من شنو تخافين بعد

تماضر:- ينهزم هذا ما اله أمـان، راح يبقى ڪابوس ملاحقني طـول العـمر ما اخلص منه حظي عاثر واعرفه زين

ثــائر:- ما يڪدر ينهزم عقله مو سليم

تمــاضر:- والله عقولنا مو سليمه كبال عقله وين اكو واحد هيج يخطط وعقله مو سليم

شفت جرائته شلون دخل للبيت بعز النهار واختار طرق مابيه ڪاميرات لعد اشكد كعد يخطط

تنهد ونطاني ظهــره حضنت نفس نايمـة بتعـب وهي شامره اديها فوك راسها شميتها من خدها ورد جوري عطرج بريئتي

نمت على ظهري ايدي على بطني وكعت دمعه من عيوني مالحڪت افرح بالحمل وخسـرتـه التفتت براسي بستها بوجهها المهم رجعتج لحضني بالسلامة ڪل شي ما اريد والحمد لله على ڪل حـال

رفعت عيوني على ثـائر بعد الغطا ونزل من السرير

تماضر:- وين؟

ثائر:- اروح انام بالصالة

صحت وراء ما التفت عليَّ ولا حجه ويــاي
تنهدت اخذتها لغرفتها نومتها شغلت الكاميرا وطلعت،وكفت عند راسه اباوع عليه يحاول يخفي ابتسامته

سحبته من أيده نهض وياي حضن اكتافي مقربني لصدره وهو يبوس راسي

حجيت بعدم رضـا

تماضر:- لا تتعلم تنام بمڪان ماموجودة بيه مكانه واحد شما يصير ما أنام كل واحد بمڪان

ثائر:- لعد لا تجبربني

باوعت عليه بطرف عيني يباوع عليه بنفس نظرات الحب تمدد وهو ينومني على ايـده ابتسمت واني احضنه سانده راسي على صدره