# سجين_الحب
زهـــــــــراء الحـريـــــري
البـارت الثاني والاربعون
يمر اسمك وأحس حرورتك بالراس
وأذب روحي بنهر يومين ما أبرد
♡♡♡♡♡♡♡♡♡♡♡♡♡♡♡♡
ســــــــــــــمر
طـلعت طماطتين غسـلتهم وبالسكين شلت هذا العفن الابيض منهم
حطيت زيت قليل وبصل وقليتهم بسرعة اخاف على الغاز يخلص
حميت رغيف خبز واحد ڪافي عليّ اني وعسـولة
حطيت الصينية على الميز وصحت
ـ عسلايتي تعالي ماما تغـدي
اجت تركض حاضنه الدب صعدت على الڪرسي تضحك فرحـانه
من شافت الطماطة اختفت ضحكتها وحدرت كعدت بسد الڪاونتر حردانـة
عضيت شفتي من القـهر نحمست حمس البنت كرهت الطماطة على ڪد ما اطبخها الها
لو بس عليَّ ماعندي مشڪلة بالعڪس الحمد لله متوفرة عندي هذه النعمة بس هذه طفلة تربت على دلال ارسلان وابوها شـلون اڪدر اقنعها
تنهدت اخذت الصينية نزلتها وتربعت ڪبالها لفيت الها لكمة صغيرة بيدي كربتها لـ اثمها دفعت ايدي وهي تكتف اديها وتصد بوجها عني
رفعت ايدي لعيوني اسوي نفسي دا ابجي واصلا نوبات صدك ابجي من الأوضاع
من شوفني هيج بسرعة تاڪل بدون ما تعترض كملتها وغسلت اثمها كعدتها بالصالة تلعب واني غسلت الاماعين
رجعت كعدت كبالها بس ادحك عليها لا كهرباء ونشغل التلفزيون ونشوف شنو الاوضاع والاخبار ولا تلفوني اكدر اخلص الوقت بيه اخاف يطفى شحن واني بالليل احتاجه
سمعت صوت الباب طلعت اشوف منو، اني على طول اليوم لابسه دشداشتي والشال اخاف بـ أي لحظة بصير قصف عاد بس اشيل بنتي واطلع
وكفت وراء الباب سألت منو
ـ اني
فتحت الباب بسرعة دخل والسلاح لابسه بكتفه
يونس:- شلونج
سديت الباب وكتله
ـ بفضلكم اللي بعد فضل الله احنا بخير
شلونك انت؟
تفضل جوا لا تظل واكف اكيد تعبان
هز راســه وعيونه مايفعل يشيلها مني
يونس:- من التعب اريد اغمض عيوني حتى لو بس دقيقتين اغفى واني واڪف
نقهرت حيل واني ادحك عليه أصلاً التعب واضح ما يحتاج يحجي
الخلاف والزعل اللي بينا نسيته بسبب الاوضاع ومن خوفي عليه اريد اضمه بروحي هو واخواني
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
