سجين الحب «الأصلية»

البـــارت الســابع والعشـرون

# سجين_الحب
زهــــــــراء الحـــريـري
البارت السابع والعشرون

وعاونتك عليّ من شفت عذرك خاب
قنعت النفـس كلتلهــا يتغيــر
لا كصرك طول لا فاد بيك الطيب

♡♡♡♡♡♡♡♡♡♡♡♡♡♡♡♡♡

لــتين

نضغط الهوا بصدري من كلامه عيوني مستقرة بـ بطن عيني زفر نفس قوي وهو يصد بعيونه عني سحب اثمه للداخل والحزن وضح بـ لمعة عيونه

مشى للباب بساع كضبته من زنده التفت عليَّ

لتين: شنو ننفصل؟ شنهي زواجنا لعب جهال عندك؟

رجفت نظراتي ودموعي ماعد اسيطر عليها واني اشوف نظراته قاسية ما بيها الحب والحنية الي عودني عليهم مسحت الدموع بيدي الثانيه وكتله

ـ مو بمزاجك امشي ولا اني لعبه ويمتى ما اجى ابالكم تلكحوها

اي اعترفلك واكولك حبيت اخوك بفترة وجنت راسمه لحياتي وياه ما انكر عليك اي حبيته وصار هو والهوا نفس الشي بالنسبة الي وما اشوف احد غيره…

فتح عيونه بعصبية يدحك عليَّ

ـ بس من يوم دخلت هذا البيت وايدي بيدك يشهد ربي عليَّ ما خنتك لا بتفكيري ولا بنظرة ولا بفعالي

عشت وياك والماضي دفنته ولا فكرت بيوم احفره نسيته ونسيت حبه واعتبرته حب مراهقة وحبك حب النضوج

حجيت هيج وطلعت من الغرفة گلبي مكسور للمرة الثانية صار بوجهي أرسلان  سمعت خطوات وراي التفتت براسي

واكف وعيونه تتنقل بينا رجعت التفتت على ارسلان وكتله بـ أبتسامة

لتين: عيدك مبارك وگل عام وانت بخير خيي

رد عليَّ وهو مدنك راسه

أرسلان: وانتِ بخير خيتي

مشى بتجاة باسل عفتهم وحدرت گلبي ينزف منه حكم عليَّ بدون ما يكلف نفسه ويكول خل اسمع منها بالبداية.

..................................

بـــنان

طلعت من غرفتي ما عندي فرحة العيد نقتلت من زمان وبس الظلام مخيم على گلبي

اريد ادخل لغرفة جدتي هي الوحيدة الي احجي وياها هين بعدني مداخله طلع كرم من غرفتها..

اجت عيني بعيونه صديت عنه بنظراتي ما اريد اضعف كدام نظراته ولا اريد ارجع لذاك الحب عبن  المحبوب مو سند ولا راح يصير

صديت عليه ابد ما تاثرت بيه بكلامه

كرم: سمرة عيدج مبارك يا فرحتي المسلوبة

ابتسمت بسخرية تجاوزته ودخلت دنكت على راس جدتي بستها واني اتمنالها الصحة  اما ذاك الجلمود اللي كاعد ولا عبرته تا مادحكت بوجهه واعرف بيه هسه عيونه عليّ ويتمنى يخنكني