# سجين_الحب
زهــــــــــــــراء الحـــــريري
البـارت السابع والاربعــون
ســــــــــــراج
يـــــــــاريت الحلم بس بـيك
طاحونة حزن ما بطلت روحي
♡♡♡♡♡♡♡♕♡♡♡♡♡♡♡
ســـــــــــــــــمر
دنكت على ادم اريد اساعده تــا ينهض بعدني ما مستوعبـة ڪلمة عمي وتصرفه ويـا ادم عزيـزه
شنـو النغـل!!!
ابو ارغـد:- سنين ملفي نغل بحضني ومسجلة بأسمي ومصدك هذا حفيدي ومنطي نسبي
دخل مجد وبيده أوراق
مجد:- لا عمي لا تكول عليه نغـل لا يزعل ارغد ترى هذا ابن هاشم الغالي عـزيز ابنك
عيوني توزعت نظراتها بين آدم اللي يدحك عليهم بعدم فهم وهو كاضب ضهره وبين عمي ومجد
صاحت بنان بعصبيه
بنان:- مجددد سد اثمك
والله ارغد يذبـح
ضحك وكال لعمي
مجد:- هذه تعرف عبن سنتين هي كاعدة عند هاشم وكبالها قبضوا عليه
اتلفت بينهم ما فاهمه شي شنو ادم ابن هاشم؟
شنو بنان جانت عنده؟
منو اللي قبضوا عليه؟
شديحجون شذڪرهم هــاشم المعثور؟؟!
عمي وجهه احمر ويتنفس بغضــب وعيونه تريد تذبح آدم.
دنكت بنان كضبت ادم من ايده ساعدتــه ينهض
بنان:- ادم تعال وياي للغرفـة ماعليك بحجي مجد
تسحب بيه وهو عيونه على مـجد
ادم:- منو ابن هاشم؟
مجد:- انت ياروح ابـوك
هـاشم ابوك الحقيقي
طلع تلفونه شويه ورفعه بوجهه ادم
مجد:- نضيع هاشم نلكى بادم
نضيع ادم نلڪى بهاشم
يـااااا سبحان الله
بنان:- لاااا تصدك بيه انت ابن ارغــــــد
تعال للغرفـة هساع يجي ابوك
ما جاوبها فاتح عيونه يدحك على مجد
عمي هجم على ادم وكع لــــه ضرب بدون رحمة اني وبنان والجهال نعيط نريد نفرغه من ايده ما كدرنا عليه اشوف بنان تا ضرب تضرب بعمي وكل شويه تصير بينه وبين ادم تاكل الضرب بمڪانه
سمر:- الله عليك تعال اكضبه راح يموته
شبيكم مااا عندكم رحمة
مجد:- خلي يموته هذا ابن زنــا وحرام يعيش وهو شايــل نسبنا
بنان تقدمت عليه ضربته راشدي وهي تعيط
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
