# سجين_الحب
زهــــــــــراء الحريــــــري
البارت الخامس والثلاثون
تمنيت الهوى يجيبك بصدري انفاس
وشهگك لو اخر نفس بالدنيا يبقالي
هــــــــــــــاشم
♡♡♡♡♡♡♡♡♡&♡♡♡♡♡♡♡♡♡
تمـــــــــــــاضر
بالمطبخ كاعدة على الڪرسي اقلم بالبامية واذاني يم امي وعمتي
كاعدات بالكاع يشربن جاي ويخططن شلون يجبرن سراج على الزواج من بنت حماتها لعمتي
ـ شـلون بنية احجي وياه عنها اخلاق وجمال وندارة وشهادة جا بعد شيريد والله هي الجيوانيه بيت ابوها
ضربت فخذ امي برؤوس اصابعها وهي تڪولها
ـ كولي له اريد اشوف فريخاتك واشوفك متوطن جم دوب تبقى بلا مرة تلمك
باجر تماضر تعرس واني مرة جبيرة ماني طيبة احس روحي مودعه
ردت عليها ماما
ـ اسم الله عليج خية الموت للي يكرهونج
ـ ڪلنا على هذا الطريج شعدنه ظالين بعد جا هي طلابه عشنا اڪثر من عمرنه
ڪمت من مڪاني غسلت البامية عفتها على السنك ووكفت اسلك اللحم واستمع للمخطط الرهيب جنهن بريطانيا وفرنسا من يكعدون يخططون
رڪبت التمن واسمع لاخر خطة من عمتي
ـ انتِ نامي بالفراش وڪل مايطب للبيت سمعي ونينج والزاد لاتحطينه بحلكج اذا هو مآجود (موجود)
من يسألج كولي له ابوك طاف عليه جني ماشية يبعد امك ماني طيبه
يومين ثلاثة وڪولي له يزوج، وان كونه ما رضه ازعلي عليه مايتحمل زعلج جم يوم ويكول اخطبولي احنا ناخذ الجلمة منه وكبل نروح نخطب البنية
ڪتمت ضحكتي واني أڪول الله يساعدك وين يروح يـالمطلوب الهن
تمنيت بداخلي صدك يزوج ونفرح بيه
تـحول حديثهن على حب سراج لـ نفس وشلون جان فرحان بيها
عمتي ڪالت
ـ ما عدجن تصاوير(صور) خل اشوف هالنفس هاي
شني يمه الخلگها ما خلگ غيرها
صعدت بسرعة لغرفة سراج اخذت صورتها من جوا فراشه ونزلت انطيتها الها
تباوع عليها وكالت
ـ فلك حلوة المدهورة معمنه الولد جاتل روحه لو هي لو ماريد
ماما ردت عليها
ـ مو بس حلاه ادب واخلاق شلون بنية نيال اللي تصير جنتها
ما اسولف لج فرحتي من ڪال اريد تخطبولي نفس
اني من زمان جنت رايدتها اله
تنهدت ماما بحزن واني اخذت الصورة ورجعتها لمڪانها
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
