#سجين_الحب
زهــــــــــراء الحـــــــــــريري
البـــارت الثامن والاربعون
ارغــــــــــــــــد
إلى متى وحنينُ الشَوْقِ يقتلني
ومن يداوي جِراح الروح بالتَلفِ ؟
♡♡♡♡♡♡•♡♡♡♡♡♡♡
أثيــــــــــــلة
درة والبنات واكفات بـ باب الصالة دفعتهم بيد وطلعت للطرمة قبل لا افتح الباب نسحبت من ايدي
اصف:- شنــو تهدديني بخوج؟
تعرفيني لو عشيـرة تڪف بوجهي ما اهتز
سحبني اقوة لصدره ادحك على صدره اكو نقط دم
اصف:- تمام روحي احجي ڪل شي بس
سكت عرفته يريد يهدد مثل عـادته بلعت ريكي وسحبت ايدي منه بقوة
اثيلة:- لو اعرف تصير بحيرة دم همات ما اسڪت هالمـرة
انت تماديت بحقدك حيل وتـاذي الڪل بدون سبب
اصف:- ومنو طلب منج تسڪتين
حط ايده على الباب ساند نفسه الالم واضح على تعابير وجهه
اصف:- سوي اللي تردينـه اني هم تعبت من نفسي
نزلت عيوني للڪاع فتحت الباب وطلعت امشي واني بـ حيره من امري التفتت وراي، واكف واديـه بجيوبه يدحك عليَّ
سد الباب دفعت باب بيتهم ودخلت الجهال يلعبون بالطرمة
اجوا عليَّ وهم يصيحون اجت عمه اثيلة دنكت بوستهم كلهم ودخلت بس امي ولتين موجودات
لتين:- ليش البنات مو وياج؟
اثيلة:- درة تخاف وحدها بقيتهم وياها
لتين:- جان جبتيها وياج
ادحك عليها بدون جواب بقيت كاعدة كبالهن يسولفن عليَّ حرام اذا سمعت كلمة من حجيهن القهر والغضب يقطعون بگلبي
امي طلعت ويا الجهال يردون يشتروا ولتين ڪالت
ـ تعالي للمطبخ اريد اكمل الغدا
مشت واني وراها كعدت واني اسند ظهري بالحايط وهي وكفت تركب بالغدا
لتين:- اثو شبيج حبيبتي؟ اهجسج مهمومة من اول ما دخلتي انتبهت عليج بس ما ردت اسالج كبال عمتي
اثيلة:- مابيه شي غير القهر والتعب
صدت عليَّ
لتين:- ضايجة من الكعدة هين حقج لا راحة ولا استقرار ان شاء الله كم شهر ونرجع لديرتنا ولبيوتنا بس اصــبري
رفعت ايدي لراسي ساندته بيها ياريت هذا همي جان صار يا حلاته من هــم ولا الظيم اللي اني بيه
اجت كعدت كبالي
لتين:- مو هذا السبب؟
هزيت راسي اي
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
