# سجين_الحب
زهــــــــــــــــراء الحــــــــــريري
الـــــــــبارت الرابــع والاربعون
نفــــــــس
صبري عظيمٌ ، لكن نهايتهُ لن تعجُبك أبداً
♡♡♡♡♡♡♕♡♡♡♡♡♡
لـــــــــــؤي
نزلت بالڪراج مال الشطره اباوع على العالم كلها دشاديش سود والشماغات على المتون ذاك من ذاك اللي هدومه الوان
امشي واباوع على الصور تارسه الشوارع نفس ماڪال حيدر كلها من الحشد والقوات الامنية
شفت صورة تجمع اخواني الثلاثة ووراهم ضريح الامام الحسين عليه السلام
وڪفت كبالها رافع راسي عليمن اباوع وعلى ياحيد الطم لطم نسوان
بقيت واڪف كبالهم والمطر ينزل على راسي دموعي تخالطت ويا المطر
دنكت راسي ومشيت كطعت مسافة من الكراج لبيتنا امشي والمطر يدك براسي الجو ثلج بس ما احس بغير نار جاي تحرك بيه، دخلت لفرعنا اكو فاتحه عند جوارينا وهم شهيد
سلمت وكعدت قريت الفاتحة شويه ودخلت للبيت تلڪاني الحزن ملاڪه بالباب حجيت واني اباوع على البيت ها يادار وين الاحباب
فتحت باب الصالة امي كاعدة على قريولتها اديها بحضنها ومدنڪة راسها
عفت الجنطة وتقدمت عليها رفعت راسها شهكت وفتحت اديها وهي تبجي
ركعت على ركبي كبالها حضنتها واشهك مثل الطفل
ـ يمه اندار فدوة لطولك يابعد حيلي
ولك يمه ليش معلعل گلبي وراك خفت اموت كبل لا تشوفك عيني
اخوانك اخذتهم الكاع من عيوني يـا لؤي يا يمه
شلون بيك خااايب يگلبي
ابجي بنحيب وهي تنعى عليهم الجهال كلها وراي تسمعهم يبجون
رفعت نفسي مسحت وجهي بستها براسها وكعت بصفها حضنتها
ـ افتخري يا ام الشهداء خلفتي اسود ما رضوا بالذل لبلدهم
ولدج شهداء وان شاء الله بقافلة الحسين عليه السلام يلتحقون
رافعه شيلتها لوجها وتبجي تكطع گلبي حضنتها دافن وجهي بظهرها ما اكدر الزم روحي ابجي وياها
ثاني يوم رحت للنجف زرت الامام ومشيت زرتهن كاعد بين اكبورهم الله يعينك ياگلبي مو واحد ثلاثة مضيع بالگبور
بقيت بينهم يوم ڪامل من غوربت الدنيا طلعت من النجف رجعت للبيت الحزن مخيم عليهم عشرة ايام ورجعت لبغداد محتاج اكعد وحدي
تواصلي ويا الولد نكطع ما بيه حيل احجي كلمة، متمدد على الجرباية ودك تلفوني اتصال من سراج…
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
