#سجين_الحب
زهـــــــــــــــراء الحـريـــري
بــــــــارت المـليـــــــون
والسوالف كلها تكضي وتبقى
سالفتي طويله .
♡♡♡♡♡♡•♡♡♡♡♡♡♡
لـــــــــــؤي
رجعت للدوام ارغد لزك ويانه وين مانروح هو ويـــانه صار درع الحماية النه اڪثر اعتمادنه عليه متگلين عليه هو يحمي اظهورنا
كاعد على الساتر ادخن واصف يقلي طماطه كبالي وارغد يراقب
لؤي:- اكلكم شني جا يمتى نستشهد خطية حور العين صار هواي منتظراتنه شلعنه گلوبهن
رفع راسه اصف
آصف:-روحلهن وحدك اني عندي زوجة وبنات ما اعوفهن وامشي وعيوني بعدها ماشبعت منهن
ارغد:- واني اخذت حوريتي من زمان ما اروح وياك
شمرت الجكارة بحركة اصابعي السبابة والابهام
اخذت البندقية ومشيت جولة استطلاع وحدي
اجى ارغد يركض وراي
ارغد:- يول اهجد واكضب الساتر وين رايح وحدك
لؤي:- روحي طلعت اريد اطفي نار گلبي بيهم
مشيت وهو وراي حجى اصف بـ اللاسلكي
آصف:- ورب المعبود دقيقتين اذا مالڪيتكم كبالي مزروعين
ارغد ارجعك لحديثة
ولؤي اكتب بيك عقوبة والكحك بغير مكان وساعتها برد نار گلبك وانت تضرب صفنات ابو قاط رصاصي وحدك
ضحك ارغد وسحبني من ايدي
ارغد:- خل نرجع يخويه اذا حلف الخبيث يسويها
رجعنا للساتر لكينا كاعد يــاڪل وحده ويباوع علينا بخباثة
اصف:- مو اوادم انتم الزوج منو طلب منك تتحركون بدون امر مني
وهساع اخذو مواقعكم مالكم اكل
تقدمت عليه اخذ الطاوة ضمها وراء ظهره
لؤي:- لا تصير ملطلط خلي ناكل وياك من الصبح على لحم بطني
حجه وهو ياكل
اصف:- تا ماتخالفوا الاوامر بعد
باوعت على ارغد بيده رغيف وكاعد وراء اصف وياكل وهو ضام ضحكته
التفت عليه رفع ايده وضربه اجى يمي وهو يضحك
ارغد:- عاشت ايدك حيل طيبة بس ناقصها ملوحة
اطبخلنا غيرها
رفع البندقية واحنا نهزمنا مشينا للجنود كاعدين يتعشون ويسولفون، كعدنا وياهم نـاڪل
اني وارغد ناكل عادي مايهمنا منو اللي يطبخ الا اصف ماياكل من ايد احد
ثاني يوم دزوني اني وفريق نفكك العبوات متمدد افكك بيها بحذر وآصف متمدد كبالي يشوش عليه وهو يسولف عن مشاڪله لكاني مصلح اجتماعي ابتليت بيه هو وسراج راسي صاير طبل منهم
أنت تقرأ
سجين الحب «الأصلية»
Misterio / Suspensoتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
