# سجين_الحب
زهـــــــــــراء الحـــــــــــــريري
البارت الواحـــد والخمســـون
ســـــــــــراج
بگينه اعله الجبل رماية اسهام ونزلت غيرنه اتلم الغنايم
♡♡♡♡♡♡♡•♡♡♡♡♡♡♡
ريـــــــــــاحين
لكحته بالكاع نزل عيونه يدحك عليه وهو يحاول يكضب اعصابه واضح من شفايفه شلون يضغطهم بعصبية
رفع عيونه ـ بعيوني
ارسلان:- ليش هيج سويتي؟
رياحين:- لا تنسى شنو وعدتني
هز راسه وهو يعض شفته بقوة
ارسلان:- ما انسى ولا راح انسى
حجيت بصوت وعصبية
رياحين:- عجل شنو مناسبة هذا الفستااان
رد بهدوء
ارسلان:- شتريته الج عبن اعرفج ما راح اطلبين لنفسج شي ولا راح طلعين ويا البنات وعدنا عرس بعد كم يوم
سڪت مسح لحيته بعصبية شويه وكال
ارسلان:-ماكو داعي للشڪر يابه هذا واجبي
داس على الفستان وهو يمشي فتح الباب طلع وهو يرجده بعصبية حسيت اطار الباب اهتز من القوة
دنكت على الفستان شلته دا ارجع بيه للعلاكة شفت الحذاء لكحتهم جوا السرير وحدرت والنار تور بصدري
لتيـــــــــــن
حدر ارسلان يمان تلكى يريد يحجي وياه عاط بيه بعصبية ڪلنا جفلنا من صوته وقبلها هبطنا صوت الباب، عمتي تريد تحجي وياه ما صد عليها ولا وكف طلع وهو يحجي ويا نفسـه بعصبية
صديت على سمر اللي عاقده حواجبها وهي دحك وراء، شويه وحدرت رياحين ما تقل عن عصبيته
عمتي تسال بيها شيبه ارسلان ما تجاوبها دحك بالفرغ والغضب واضح بعيونها، وكعت دموعها مسحتهم بعصبية عافتنا وطلعت للطرمة
سمـر:- شبيهم ذولـه؟
صدت عليَّ تكربت وهمست
سمر:- خـاف ما عاجبها الفستان
لتين:- ما اعرف والله
عافتنا وطلعت وراهــا ربــع ساعة ورجعت وهي تحجي بس خل افرغ من هوسة العرس الا اكعدلهم رگبة ونص اخذت اغراضها وطلعت وهي تحجي
سمر:- ناس متعافية قبلكم اني هم تعافيت وصرت عبرة لمن اعتبر
......................................
نفــــــــــــــــــس
اتعشى وعيوني على التلفزيـون اباوع عليه بدون ترڪيز، سمعت صوت تلفوني اخذته
آدم:- يمه اني بالباب ناسي المفتاح بيت ابوي
نفس:- تمام امي هسه اجيك
أنت تقرأ
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
