خصلة شعر ﴿الأصلية﴾

﴾part4"'البارت٤﴿

المؤلفة : مريم الـثامر
#خصلة_شعر
للتواصل Instagram {maryam_th0}
قرائة ممتعة 🤍
________________________________________
شفنا واگف گبالنة وريحتو تلعب النفس وشكلو دايخ وبيدو بطل طگ طكت عظامنا من الخوف سئل سيلين
-مااسمكِ
-انت منو
-انا هههههههه انا من الدولة الإسلامية
-سيلين حوبتنة چبيرة
-روسلين يرجعون الجيش والشرطة ويسووكم طشار هما زلم وانتو فـروخ
سارلين ضربتو على رجلو وركضنا وهو يصيح إلى اين تذهبون ياعـ****ت ركضنا من بين المراجيح المكسورة وضيعنا وبعد ماشافنا ركضنا ورحنا للبيت امي تلگتنا بالباب وعيونها جمرر  ويييينننن چنتو مامماما احنة احنةة احجوووووووو وين چنتووو منو سمحلكم تطلعون منو گللكم افتحوا الباب وهجو برا البيت اذا ابوكم جا وشافكم مايصير خير طبن جوى طبن جوى عالسرييييع يلا گدامي ههسةةةة تحجولي كلشي وين رحتو وعليش رحتو
سارلين : ماما ان اني احجيلج
روسلين : لا اني اني احجي ماما احنة رحنة نلعب بس مشفنا احد هناك ورجعنا عالبيت وبس وماتأخرنا والله والمراجيح كلها مكسورة
-وگع گلبي ولچن اذا جان صاير شي اذا نخطفتوا شسوي بروحي اني شصخم بوجهي شگول لأبوكم شگول
-توبة ماما بعد منروح والله هاي جانت اول مرة وآخر مرة بعد منطلع
-طبو اكعدو بالغرفة نيڤين طگت بچي عليكم طبينا للغرفة
-روسلين:جان المفروض ماطلعنا بس كله من ورة عناد سيلين شنو استفاديني من عنادج
-سيلين : دنجبي الله عليج انتي هم ماطك گلبج حتى بس تطلعين من الضوجة
-سارلين : ثنينكم كلامكم صحيح هسة اسكتوا
-روسلين: شفتو عليش مامسوحلنة نطلع حتى منحس بالي نحسة هسة
-سارلين : احس گلبي جمر وكلشي ببالي وشون بعد نلعب شون نشتري حلويات وشعر بنات
-سيلين : يمكن احنة بمسلسل ومنتضرين الحلقة الاخيرة
- روسلين : تتذكرون من جنا نركض جوى المطر وماما تلحگنا حتى لانمرض تتذكرون من جان يجي بابا وناخذ منو فلوس ونشتري منو عمو حسين
-اي نتذكر وماننسى مستحيل ننسى
روسلين : باقيا بگلوبنا صح
قاطع كلامنا صوت بابا نرجسسس لميتي الهدوم
-اي لميتهم وحاضرين لي باجر حتى نطلع
-لا هسة البسو دنطلع باجر ماكو غير تكسي واحد وايجوز ميجي
-شنوووو هسة
-اي هسة يلا بسرعة قبل لايجي التكسي يلا گومي
راحت ماما وجابتلنة هدوم وونحنا ودنلبس ماما وين حنروح ؟
-راح نروح لمكان بعيد وعيونها مليانة دموع
-بس ليش راح نروح
-يكفي تحجي عليج الله ودعي البيت وروحي اگفي يم ابوج يلا
شفت امي لبست عباية اسلامية وبوشية ومابين من عدها شي حتى من شالت سند صار يبجي من فتح عيونو وشافها كله اسود خاف
- أخذت لعبتي ورحت
-بابا هاي اللعبة رجعيها
-بس بابا
-لاتتبسبسين رجعيها وتعاي يلا بنيتي ركض
-صار بابا رحت حضنتها وضميتها لعبتي بالغرفة خليتها بين الملابس الصيفية حتى لايخذو اذا احد دخل بيتنا واني دموعي بعيني واباوع عالبيت وأتذكر كل لحظة بيها گلبي راد يطلع من مكانة من كثر الوجع والبجي وباوعت على امي وخواتي يشهگون ويبجون سئلت بابا شنو تاريخ اليوم گلي التاريخ ومانسيتة ٢٠١٤/١كانون الأول ووصل التكسي وصعدنا بالسيارة وعيونه تحجي كل الي بگلبنة اني مو بس جنت زعلانة علم بعدت عن بيتنا ومنطقتنا زعلانة عبن طلعنا من الموصل وبعدنا عنها واجو ناس قذرين وأخذوا مكانة وزعلانة عبن يگولون عن نفسهم مسلمين ويحجون بالإسلام وهما مايعرفون شنو الله صح بعدت عن الموصل بس رغم المسافة والبعد تبقى بروحي وبكياني وحبي الها يزيد كل يوم أكثر كبر الحزن بگلبي من شفت جثة معلگة بالجسر والدخان بكل مكان والدنيا خربانة ماكو ولاطير بشر بالشارع حتى حيوانات ماكو مطرت الدنيا كأنها دتبجي عالموصل مااستوعبت الي صار وفرفحت روحي من الحزن توگف السيارة عند كل سيطرة اتمنى اشوف حراس الوطن بس للأسف جنت اشوف الدواعش بمكانهم ينعصر گلبي وأجر الحسرة مشت بينا السيارة 4 ساعات روحنا طلعت واحنا گاعدين بالسيارة كل دقيقة نزوع لعبت نفسنا من السيارة ما صدگنا من وگفنا ونزلنا من السيارة من تنفست حسيت نفسي جنت مختنگة وماكو نفس والجو صار ابرد جو دهوك مختلف تماماً عن جو اربيل وگفنا بسيطرة ماقبلو نعبر اتوسل ابوي بالضابط ماقبل گال ممنوع أحد يعبر منا الا من كركوك
السايق : اخابرلك صاحبي ياخذ كروة لـكركوك
الو : تعال عندي الك كروة من فلان مكان لـكركوك ها تمام هسة اگلة خوش في امان الله
عمر : ها شكلك
السايق : گال خليجون لـفلان مكان
عمر : يعني ماكو غير حل
السايق : لا والله ياخويا ماكو غير حل روحو الله وياكم
عمر : نرجس راح نمشي نص ساعة حتى يگدر ابو التكسي يشيلنا
-تمام هسة راح اشيل جنطة واشيل سند وانت شيل جنطة وروسلين خلتشل الجنطة الصغيرة
-لا جيبي اني اشيل سند خطية يخاف يشوفج هيجي هههههه بس نمشي هل نص ساعة عود نزعيها وشيلي سند
-تمام يلا خلنلحگ خطية الجهال اتبهدلو دباوع لحالتهم تبجي الصخر
-يلا مبقى شي
-روسلين : بابا شكد باقي
-لي الليل يلا نصل
هبطت وباوعت لـخواتي بحزن وتعب مشينا صح جانت نص ساعة مشي بس كأنما مشيت 5 ساعات متواصلة بدون استراحة خوف من الموت وداعش لايشوفونا
سارلين : روسلين انتي تعبتي جيبي اشيل الجنطة عنج
-لا عوفيها هاي مسؤوليتي ولازم ابقيها عندي
سيلين : لعد انطينياها
-انتن مسودنات مو دگللچن مسؤوليتي شبيچن
نيڤين: بابا هياتها سيارة
- لا مو هو بعد خمس دقائق امشو
سيلين : بابا هياتها سيارة
-اي رحمة الله والديج يمكن هاي هيا
راح بابا وحجة مع السايق وشوي صاحنه يلا تعالو نكمل الطريق
واني عيني عالطريق احفظ كل شبر وحاسبة حساب رجعة ماجنت مئايسة من الرجعة وجنت على امل انو اكو يوم وأمر من هذا الطريق واني راجعة لبيتنا بس ائيست من الوصول بكل نهاية طريق راح يجي طريق الخ ومنصل صرت مثل التائهة وميندل دربة مثل نص برواية ضائعة  تذكرت من نروح لبيت جدتي مسافة الطريق جانت شوي بعيدة ومن نصل تتلاگانة بهلا ومية هلا وحضنها الدافي
وگفت السيارة بمكان بي هواي ناس بيها عرباين تبيع كلشي اكو شايب چايچي وگفنا واكلنا كعك وشربنا چاي تدفت عظامي وجنا منتهيين عالاخر امي نزعت البوشية وبقت بس بالحجاب حسيت بالطمأنينة والراحة النفسية التامة رغم التعب والضيم سند من شاف ماما صار يصيح ماماااااااااا ماماااااااااا
سيلين : باعو عبالك مشايفيها سنتين وهو جان بحضنها
روسلين : يول ثولة مجان يعرف هاي ماما
سارلين : اي عبن غبي
روسلين : غبي بعينج وج مااسمحلج ترة الزمي حدودج
-حدودي لو خدودي
-عابت الحلك عود تحشش
-انچبي لا هسة أصيح والم العالم عليج
-اي اي افضحينة هي انتي شنو وضيفتج غير الفضايح
-هسة دكافي عوذة شگد تمطين السالفة وتبقين تلحين تلحين ياكلبة تدرين بيا اكره الملحة اكرهااا
-هههههه هي اني اريد استفزج هههههههه
-سيلين : الله عليكم سكتن احنه بيا حال وانتن بيا حال
-روسلين : ادعو كون نصل بخير وسلامة والله روحي طگت كون هنا اگع وانام ميتة تعب رجليا تخدرو بعد ماحس بيهم
- سارلين : ترة كلنا مو بس انتي
روسلين : ترة ادري اني دحجي عام مو بس اني كلنا بالهوى سوى ماكن گلت سارلين خانوم مرتاحة ولا بيها شي اصلاً عبالك بعدها بالبيت گاعدة گدام الصوبة وتباوع على سبونج بوب
سيلين : يعني ضروري هيج تحجين
-ليش قابل مجذبة
-لا بس مو راح اموت هنا مشتاگة للبيت وانتي هيج حجيتي خليتيني اشتاگ أكثر
-اسفة والله معرفت هيج تتأثرين اني هم مشتاگة للبيت ومن حرگة گلبي هيج حجيت
سارلين : يكفي تحجون ترة والله هسة اگضيها ركض مناااااا ليمة اصل عالبيت
روسلين : اي والله لو بيدي جان هيج سويت بس احنة يلا يلا نصل شويا عود نرجع وين صايرة هاي يااختي
سيلين : اوووووف اوووووف
روسلين : شبيج يمعودة
-بعد شوي راح تجي سيارة ونكمل طريقنا
-يارب اريد اوصل بسرعة بعد مااتحمل سند مرض نيڤين مرضت كلنا مرضنا يالطيف اتلطف بحالتنه وكون نوصل بأقرب وقت
-اجت الخـ***ى يلا امشن
-هههههه شبيج
-كرهت السيارات ماريد بعد اصعد ولاسيارة
-منو بيدنا يلا تعاي
صعدنا بسيارة وغفيت وحلمت نفسي اني بالبيت ونايمة على چربايتي واستبردت سحبت البطانية ماكو بطانية فزيت لگيت نفسي السيارة والدنيا ليل كرهت كلشي حتى ردت اذب روحي من السيارة بس جنت گاعدة بالنص مگدرت واتصل بابا الوو ها وين واگف انت ها تمام شفتك شفتك وگفت السيارة ونزلنا وصعدنا سيارة سلمو على بعض بابا والسائق وسلم على ماما وبوسنا ورحنا وياه بعد ساعة وصلنا لبيت باوعت للبيت من برة مجان يبين شي الدنيا ضلمة مجان اكو شي غير الضلام وصوتي من الداخل وتسئالاتي لـنفسي احنة وين ؟ شجابنة هنا ؟ وهواي اسئلة وماكو الجواب اجا صوت باب
_____________________________________
لـلحكاية بقية ❤️
المؤلفة : مريم الـثامر
متحمسين للجزء الخامس ؟
اكتبولي آرائكم بالتعليقات 🤍