خصلة شعر ﴿الأصلية﴾

﴾part7"البارت٧﴿

#خصلة_شعر
بقلمي:مريم الـثامر
قرائة ممتعة 🤎🦌
__________________________________
رحت لـماما شفتها بالمطبخ
-وين جنتي انتي وخواتج
-هههههه شون عرفتي مو بالبيت
-جا شلون غير بناتي
-احنه اجينا وسند راح
-شنووو ويامن راح ولج
-اهدي يمعودة هههههههههههه راح مع صميم
-ابنهم الجبير
-اي ماما كلش لطيف وحجيتلها كلشي وراح يجبلنة حلويات بالسر ماما كلش فرحت
-لعد انيهم افرحج ببشارة
-بشري يمة بشري
-ابوج لگة بيت وراح نتنقل عليه
-ووين هذا البيت
-مو كلش بعيد تمشين عشر دقائق منا لحد البيت
-ها خوش لعد قريب عالمدرسة
-لا والله كلش بعيد ويرادلجن سيارة ياخذجن
-بس شون وبابا مديشتغل
-مدري روسلين لاتخليني هسة اگعد ابجي مثل الجهال
-بس ماما اني كلش فرحت عبن راح نخلص من السعلوة وبناتها درية ونفسية هههههههه
-شگد بربوك ههههههههههههه
-اروح فدوة للضحكة
-لتخجليني فدوة بس والله انتي كل مرة تضحكيني
-يعمري انتي شگاعدة تطبخين
-تمن ومرگ
-اها تمام اني رايحة اچيك عالوضع دشوف شكو ماكو
-تحسسيني صرتي جاسوسة هههههههه
-لاشسالفة اچيك على خواتي خوما ميته عليهم عوذة الف الحمد لله راح نخلص من شكولاتهم بس بيني وبينج راح اشتاگ لـصميم
-معليج هو راح يزورنا
-خوش لعد اني رايحة
-رحت وشفت خواتي وبشرتهم واجا بابا گال يلا امشو نروح ننضف البيت بهالسرعة حتى بابا يريد يخلي من منيتهم علينا
-نرجس يانرجس وينج بويا دتعاي فدوة العينج تعاي
-شكو شبيك هيج دتصيحني ترة هياتني بعدني ماشارة
-امشي نروح ننضف البيت
-صار بس البس عبايتي
-منتضرج
-نرجس : يمة تعالن كلجن بس خلتبقى نيڤين وسند حسن يدير بالو عليهم
-حسن : اخليهم بعيوني بأمانتي
روسلين : باوعت لـحسن بگلبي گلت هذا هم مثل اخو الحنون
قاطع تفكيري صوت صميم
-صميم : ها وين دتروحون
-عمر : والله ياابني رحت عالبيت الحجيتلي عنه
-بس عمي اني محجيتلك عنه حتى تروح وتعوف البيت والله البيت ظلمة بدونكم انتو المنورين البيت
-شنسوي ياابني اول تالي لازم نروح
-زين عمي دورلك على شغل ومن تلگه شغلة زينة انتقل
-لا ابني هسة ننتقل والله كريم
-اذا هيج اني بعد اجي وياكم
-بعد بكيفك اذا تجي تعال مااگلك لا
-نرجس : عمر احنه حاضرين
-يلا مشينا
-مشينا عشر دقائق ووصلنا اول ماوصلنا صميم همسلي وصلنا باوعت للبيت حسيت بضيق بصدري البيت هيكل ويخوف وماعندة لا باب ولا شباك والأرضية بعدها ماصبوها امي كنست الأرضية وخلينا عليها كراتين وچادر والشبابيج صميم وابويا سوها بجادر ودكوها ببسامير واشترى بابا باب وخلاة للغرفة الي راح ننام بيها والهول سوينا مطبخ عبن البيت بعد المطبخ مجانو باني ومتروك عبن صاحبه فلس وبعد ماكملة وسافر لغير محافظة اول ماخلصنة اندك الباب صميم راح فتح الباب وسلم على شباب بعمرو جانو جايبين جودلايات بطانيات وصوبة وكلشي جانو جايبين ترسو البيت انصدمت رحتله
-صميم صميم ولك صميم
-هلا شتردين
-منو هذولا الجابو كل هذا الغرض
-شعليج
-مو دحاجيك مثل الاوادم جاوبني بدون سخافة
-سخافة ولج هاي عليمن
-عليك
-ها هاي عليا ولج بابا هذولا اصدقائي واني وصيتهم يروحون لبيوت القرية كلها يجمعون كلشي وكل البيت الا ينطون لو گلاص واحد المهم ميردون الواحد چريمين
-اي والله جزاهم الله خير اگلك المدرسة شگد تبعد منا
-هوووو هوايا اذا مشي يرادلج ساعتين
-حيييييييل
-ليش انتي تريدين ترجعين
-اي والله اني وخواتي
-الله كريم هسة يلا دنشوف شباقي
-صميم : ها عمي شظل
-مظل شي ابني بس نروح نجيب الجهال والهدوم
-ياعمي لو تسمع مني وتبقى هالليلة عدنا وباجر الصبح نتريك سوى وعود تجون هنا
-لا ابني هسة راح اروح اجيبهم واجي
-لا خلص انت ابقى اني اجيبهم
-لاابني انت هواي تعبت ويانة كثر الله من امثالك
-لاتحجي هيج عمي انت مو تحسبني ابنك
-ونعم منك بس انت ابقى يم عمتك نرجس لتبقى وحدها اني اجيب الجهال والهدوم
-تمام توكل عمي
راح بابا وصميم باوعلي
-ها ولج ماتعبتي من الوگفة دكعدي ارتاحي
-تمام والله هسة جاي عبالي اگع وانام
-هههههههه اي والله هسة مال نومة
-نرجس : يمة روسلين تعالي هنا خلنعدل الطباخ راح يوگع
-صميم عوفي خالة اني اعدلة راح صميم وعدلة واجو گعدو هو وماما والتعب واضح عليهم خاصة امي تباوع للبيت وگادرة اقرة الكلام التحجي بگلبها وتتحسر على بيتنا هزت ايدها هيييء هيئء وين جنا وين صرنا سبحان مغير الاحوال
-صميم : بس اهم شي خلصتو من امي ههههههههه
-روسلين : شگد وكح يحجي على امه ههههههههههههه
-نرجس : اي قابل جذب الولد والله ياابني كلامك صحيح
-صميم : تدرون شنو اول مفتحت الباب وشفتكم وجنتو حيل تعبانين وعيونكم محمرة وذبلانة حبيتكم وحسيتكم اهلي الي فاقدهم
-نرجس : والله ياابني اني ماافرقك انت وسند وحسن احسبكم ولدي حالكم حال سند
-روسلين : والله حسن شو ماعرفتة هلگد زين
-اي طبعاً ست روسلين اذا جنتي دوم مشغولة بالمطبخ والتنضيف وحسن جان اليدير بالو عن نيڤين وسند
-اي والله ماما صميم وحسن لطيفين
-صميم : لطيفين شنو ولج زلمة خشنة احنه هههههه
ندگ الباب وفتحة صميم وطبن خواتي وبابا وحسن جان شايل نيڤين النايمة وحطها عالجودلية
-حسن : التنمبل بس نايمة هههههه
-نرجس : حسن يمة جنت شايلها كل الطريق
-اي والله خالة بس ماحسيت شايل شي كلش خفيفة
-عمر : والله ياولد ماقصرتو ابوكم ماوگفلي هيج وگفة
-لاعمو هذا واجبنا وانت تحسبنا ولدك
-اليوم عشاكم عدنا
-مانرفض والله تعودنا على طبخ خالة نرجس
-تمام لعد اني اباوع عالمنطقة وأسلم على جيراني هذا من فلان منطقة
-صميم : من ياعمام
-عمر : .....
-والنعم منهم اني جاي وياك
-حسن انيهم جاي وياكم
-طلعو من البيت ماما گالت يلا نطبخ اليوم براحتنا ماكو هاجر وبناتها يتأمرون
-اللهههه حاسة براحة نفسية ببعدهم
-اي والله خلصنا منهم اووف جانو كابسين على نفسي
-يلا نطبخ خوش اكل هههههههه
-شگد متحمسة هههههههه
واحنه جاي نطبخ طخت عندي اذا خلصت المواد عدنا شون راح نشرتي وبابا دينار واحد ماكو بجيبة ومسئلت ماما خفت لا اعكر مزاجها واخرب فرحتها بالبيت سكتت وتناسيت الموضوع بس ياكل بگلبي طبخنا اكل مماكلتة من زمان
-اكلج يوم من ايمتى ممسوين دولمة
-والله مااتذكر
-دكولي من زمن جدي وفضيها
-اي من زمن جدي هههههههههههههه روحي صيحي ابوج والولد حتى يجون نتعشى الساعة صارت بالتسعة احنه تونا دنتعشى
-اي شنسوي قابل بيدنا جان عدنا شغل وليمة خلصنا
-كلامج صح ديلا يكفي تلغين وسدي حلگج وروحي صيحيلهم
-رحتلهم وشفتهم گاعدين يم زلم صحت من بعيد بابا
-شافني وأشرلي هسة نجي
-رحت للبيت واجو بابا وصميم وحسن وتعشينا وامي غسلت المواعين ومنعتني اغسل المواعين والهدوم ومنعتني عن الطبخ بعد مخلتني أمد ايدي على اي شغلة وسمعت
-گاعدين دنشرب چاي وصميم أشرلي يعني روحي منا طلعت من الغرفة واجا گلي اوگفي هنا هسة اجيج وگفت ومصار دقيقتين واجا وانطاني علاگة گلي هاي الحلويات الجن وها اكلوهن براحتجن عبن ماكو عائشة وفاطمة يخربون عليجن الواهس باوعتلة جيت اگلة شكراً خلا ايدو على حلگي وهمس انچبي ولاتشكريني واي شي تحتاجي گوليلي ولاتستحين اني بالخدمة وعيوني الج خوش هزيت راسي بمعنى تمام گلي هسة راح اروح اگعد شوي وأخذ حسن ونرجع للبيت مگتلة شي وراح گعد ورحت ضميت العلاگة ورحت گعدت وبعد شوي راحو حسن وصميم وغص گلبي من راحو صميم صديقي الوحيد صعبة افارگة
-نرجس : ها عمر بشر ملگيت شغل
-لا والله يانرجس ماكو شغل
-لعد شنسوي هسة شون ناكل منين نجيب
-عمر : مدري نرجس حاير وجاي اگدر انام كل الي دفكر بي من وين اجيب وشون الگه شغل
-الله كريم نتحمل ليمة تلگة شغل
-اخابر على اخويا مغلق مدري شصار ويا شخبارو
-ان شاء الله بخير ومابيهم شي استهدي بالرحمان
فرشت المنام رحت للغرفة شفت جودليتين وبطانيتين راح ننام بيهن كلنا معدنا غيرهن والجو برد وثلج نازل مدري شون نمت هم نايمة وهم گاعدة واحس على امي نايمة ومتگدر تنام ودترجف من البرد گلبي صار وصلتين وفرفحت روحي من القهر واحجي مع ربي ليش يالله كل هذا يصير بينا احنه شمسوين بحياتنا بقينا على هذا الحال لمدة ٣ شهور وصرنا ناكل تمن يابس ومدري شونه ميتاكل صار كل همنا انو ناكل شي طيب او نتريگ شكل ونتغدة شكل ونتعشى شكل كله صار تمن يابس حتى طحين معدنا حتى ناكل خبز طلع برى ابويا مخنوگ ويجر الحسرة يباوعلنة وعيونة تنترس دموع ميتحمل يشوفنه بهالحالة ويطلع برا ويدور شغل مرة شافة جيرنا گلة على شغلة ابويا ابد ممشتغل بيها شغلة صعبة وخطرة كلش والمكان بعد اخطر بين سيطرة داعش والجيش العراقي فرح كلش ووافق وگله باجر من الصبح نطلع رجع بابا للبيت وبعيونه فرح وخوف ماگدرت اميز بينهم
-عمر : نرجس تعاي عندي الج بشارة
-خير إن شاء الله بشر الله يبشرك بالخير
-لگيت شغل
-صدووووك الحمدلله الف الحمدلله والشكر شنو الشغلة
-فلان شغلة
-شووووووون بس انت ممشتغل هاي الشغلة ومخطرة كلش
-لعد شنسوي ياعيني بس الشغلة حلال والفلوس الجيبها تكون حلال الف الحمدلله مايهم خطرة لو لا مجبور شسوي ابقى گاعد مگابلكم ومعدنا شي ناكله
-والله مدري شگلك كل ايمتى ترجع للبيت
-مدري بس راح اروح
-الله يوفقك ويخليك خيمة فوگ روسنا
-نمنا بهذاك اليوم وگعدت ملگيت بابا وسند ديبجي ويريده سكتت سند وصرت العبة واگله بابا راح يجيبلك عميات وحليب سكت وفرح جان اصعب يوم مر علينا حسيت بوجع بگلبي وكل مااريد اتناسى مااشوف ابويا گدام عيوني بالبيت احضن سند وابجي وامي تبجي وتدعيله وخواتي وجهن معبسة البيت كله متوتر ومحد ميتحاجة رحت لـماما
-ماما بابا بليل يجي ؟
-لا ماما ميجي ليش تسئلين
-ماكو شي بس مشتاگتلة عفتها ورحت مكان ختله وبجيت فرفحت روحي من البجي حسيت راسي راح ينفجر من البجي بس گلت ليش دبجي هنا خلي اروح اتوضى واصلي وادعي على سجادتي الله يوفقة ويرجع بالسلامة حتى تلفزيون مجان عدنا حتى نلتهي بي روحي طگت ردت اموت ونستنا بالبيت جان هو وهسة ماكو مدري اعتب عليه مدري احضنة وابوسة اول ميجي واني دفكر من يجي شسوي وشحجيلة اندگ الباب
________________________
لـلحكاية بقية ❤️🪶
بقلمي :مريم الـثامر
لاتنسون النجمة حبايبي ⭐